Oftalmologiya va koʻz parvarishi boʻyicha Edinburg universitetida onlayn magistratura dasturini grant asosida oʻqish imkoniyati

The David and Molly Pyott Foundation Scholarships in Ophthalmology - Edinburg Universitetining Master of Surgery(ChM) darajasini taqdim etuvchi klinik oftalmologiya boʻyicha 2 yillik onlayn dasturiga qabul qilingan talabalar uchun stipendiya dasturi hisoblanadi.

Stipendiya dasturi talabaning toʻliq oʻqish xarajatini qoplaydi hamda noutbuk va internet xizmatlari uchun mablagʻ ajratadi. 

Stipendiya uchun 9 nafar nomzod yuqori akademik salohiyati va oʻz mamlakatida oftalmologiya va koʻz parvarishi sohalarini rivojlantirishga hissa qoʻshishga harakati va rejalariga asosan saralanadi. Natijalar 2024-yil iyul oyi oxirida eʼlon qilinadi. Grant yutish uchun avval magistratura dasturiga hujjat topshirish kerak. Grant uchun alohida ariza beriladi.

Master of Surgery(ChM) in Clinical Ophthalmology onlayn dasturi haqida ushbu havola orqali batafsil maʼlumot olish mumkin.

Stipendiya dasturi haqida batafsil ushbu havola orqali maʼlumot olish mumkin.

Stipendiya dasturiga hujjat topshirish uchun:

• Nomzodlar Master of Surgery (ChM) darajasini beruvchi klinik oftalmologiya boʻyicha 2 yillik onlayn dasturga qabul qilingan boʻlishi lozim;
• Koʻrsatilgan davlatlardan birining fuqarosi boʻlishi lozim (Oʻzbekiston roʻyxatda mavjud);
• Ingliz tilini yuqori darajada bilish talab etiladi;
• Saralashda yuqori akademik salohiyat va oʻz davlatida oftalmologiya sohasi rivojiga qoʻshgan hissasi va bu boʻyicha keyingi rejalarida stipendiyadan qanday foydalanmoqchi ekanligi muhim rol oʻynaydi.

Master of Surgery in Clinical Ophthalmology dasturi talablari:

• IELTS kamida 6.5 ball, har bir boʻlim 6.0 dan kam boʻlmasligi kerak;
• Nomzodlar oftalmologiya boʻyicha katta stajyor/rezident/registrator boʻlishi kerak;
• 2 yillik oʻquv dasturi quyidagi tibbiyot imtihonlarini topshirishni reja qilayotgan nomzodlar uchun, ayniqsa, manfaatli boʻladi:
  • Royal College of Surgeons of Edinburgh (RCSEd)
  • International Council of Ophthalmology (ICO)
  • Royal College of Ophthalmologists.

Stipendiya dasturi haqida batafsil ushbu havola orqali maʼlumot olish mumkin.

• Stipendiya nomzodning oʻqish toʻlovini toʻliq qoplaydi hamda noutbuk va internet xizmatlari uchun mablagʻ ajratadi.

1. ChM (Master of Surgery) in Clinical Ophthalmology dasturiga onlayn ariza topshirish lozim;
2. Stipendiya dasturiga hujjat topshirishdan avval nomzod dasturga qabul qilinganligi haqidagi xatni qabul qilishi lozim;
3. Stipendiya uchun alohida ariza topshiriladi.

Stipendiya dasturiga hujjat topshirish uchun kerakli hujjatlar:

• Magistrlik dasturiga hujjat topshirgandan soʻng beriladigan maxsus ariza raqami;
• Shaxsiy insho (500 soʻzdan oshmagan):
  • magistrlik dasturiga ariza topshirish sababi;
  • ushbu dasturda oʻqish nomzodning professional faoliyatiga qanday yordam berishi;
  • kursda oʻrganganlari nomzodning oʻz mamlakatida oftalmologiya xizmatlarini oʻzgartirish va koʻz parvarishini yaxshilash uchun amaliy yordam berishini qanday tasavvur qilishi haqida yozishi lozim.
• CV/rezyume;
• Qoʻllab-quvvatlash xati. Oftalmologiya taʼlim/oʻquv dasturi boshligʻi yoki direktoridan olinishi lozim. Ushbu xat nomzodning oʻqishi vaqtida ish joyida unga kerakli yordam berilishini tasdiqlash uchun soʻraladi.

Stipendiya dasturi boʻyicha murojaat uchun: eso.scholarships@ed.ac.uk.