Oksford universitetida magistratura va doktoranturani oʻqish uchun toʻliq moliyalashtiriluvchi Ertegun Graduate Scholarship granti

Ertegun Graduate Scholarship grant dasturi Oksford universitetida magistratura va doktoranturani gumanitar fanlar boʻyicha toʻliq moliyalashtirilgan holda oʻqish imkoniyatini beradi. Ushbu grant ajratilishidan asosiy maqsad — taniqli olim Mica Ertegunning missiyasini amalga oshiradigan eng yaxshi talabalarni tanlash va oʻzlari tanlagan sohalarida yetakchi boʻlishiga undashdir.

Dastur juda kuchli raqobat ruhida boʻlib, har yili 1,500 dan ziyod talabalar ariza topshiradilar. 2024-2025 oʻquv yili uchun ushbu grant 15 nafar nomzodga berilishi koʻzda tutilgan. 

Dasturga barcha davlat fuqarolari hujjat topshirishi mumkin.

Grant dasturi talabaning oʻquv kontrakt toʻlovini toʻliq qoplaydi va yashash xarajatlari uchun ham yillik stipendiya bilan taʼminlaydi.

Dasturga ariza topshirishning oxirgi muddati: 2024-yil 5-yanvar.

Ertegun Graduate Scholarship dasturi haqida batafsil ushbu havola orqali maʼlumot olish mumkin.

• Irqi, jinsi va ijtimoiy kelib chiqishidan qatʼi nazar barcha davlat fuqarolari ariza topshirishi mumkin;
• Nomzod Oksford universitetida magistratura yoki doktoranturani oʻqish uchun hujjat topshirgan boʻlishi kerak; 
•  Ingliz tilini bilish kerak. (IELTS Academic Test: min-7; TOEFL IBT: 100; C1 Advanced: 185; C2: Proficiency: 185;
• Quyidagi yoʻnalish talabalari ushbu grantga topshira oladi: 

1. Osiyo va Yaqin Sharq tadqiqotlari; 
2. Klassika (shu jumladan, Klassik Arxeologiya); 
3. Ingliz tili va adabiyoti; 
4. Tasviriy sanʼat (faqat zamonaviy sanʼat tarixi va nazariyasi boʻyicha DPhil),
5. Tarix (shu jumladan, Sanʼat tarixi va Arxitektura tarixi); 
6. Tilshunoslik, Filologiya va Fonetika; 
7. Oʻrta asr va Zamonaviy tillar (aksariyat Yevropa tillari va ularning adabiyotlarini qamrab oladi); 
8. Musiqa; Falsafa; Teologiya va din; 
9. Qiyosiy adabiyot va tanqidiy tarjima, Oʻrta asr tadqiqotlari, Kino estetikasi, Ayollar, gender va jinsga doir tadqiqotlar;
10. Raqamli stipendiya kabi fanlararo kurslar.

Qaysi yo'nalish talabalari grantga hujjat topshira olishini bilish uchun ushbu havola bilan tanishib chiqish mumkin.

Grant dasturi talablari bilan ushbu havola orqali, universitetga qabul qilinish talablari bilan ushbu havola orqali tanishib chiqish mumkin.

• Grant oʻquv kontrakt miqdorini toʻliq qoplaydi;
• Yashash xarajatlari uchun £ 18,622 ($22,923) miqdorida yillik stipendiya beriladi;
• Ertegun Houseʼda tadqiqot olib borish, maʼruza va seminarlarda ishtirok etish imkoniyati beriladi. 

Eslatma: Agar grant bir yildan ortiq davom etadigan kurs uchun taklif etilsa, har yili stipendiyaning davom etishi qoniqarli ilmiy yutuqlarga asoslangan yillik yangilanish jarayoniga bogʻliq boʻladi. 

• Grant dasturiga hujjat topshirish magistratura yoki doktoranturada o'qish uchun ariza topshirish bilan bir vaqtda topshiriladi;
• Hujatlarni topshirish uchun ushbu havola orqali o'qimoqchi bo'lgan yo'nalishni tanlab, sahifa oxiridagi apply tugmasini bosish kerak;
• Ariza shaklida Ertegun Graduate Scholarship dasturiga topshirish'ni belgilash kerak (tick);
• Shuningdek, grant dasturiga ariza topshirishda har biri 500 so'zdan oshmagan holda uch savolga javobni o'z ichiga olgan, Ertegun Graduate Scholarship dasturining maqsad va missiyasini ifodalaydigan supporting statement yozib pdf variantda ariza shaklida yuklash lozim. 
• Oksford univeristetida o'qish uchun hujjat topshirishda odatda, quyidagi hujjatlar talab qilinadi:

1. Akademik tavsiyanoma;
2. CV;
3. Shaxsiy bayonnoma;
4. Akademik transkript/diplom.

Eslatma: Yo'nalishga qarab kerakli hujjatlar farq qiladi.

Grant dasturiga ariza topshirish haqida ushbu havola orqali, universitetga ariza topshirish haqida esa ushbu havola orqali ma'lumot olish mumkin.

• Dasturga ariza topshirish haqida vebinarni ushbu havola orqali koʻrish mumkin;
• Dastur haqida eng koʻp berilgan savollarga javoblarni (FAQs) ni ushbu havola orqali oʻqish mumkin.