Oliy maʼlumotli mutaxassislar uchun Polshada 2 semestr davomida barcha xarajatlari toʻliq qoplanadigan The Lane Kirkland Scholarship dasturi
  • 01/01/2022 Qabul boshlanishi
  • Toʻliq Moliyalash turi
  • Polsha Davlat
  • 01.03.2022 Oxirgi muddat

Umumiy maʻlumotlar

Polshadagi Leaders of Change Foundation jamgʻarmasi 2022-2023-oʻquv yilida The Lane Kirkland grant dasturi uchun Armaniston, Ozarbayjon, Belarus, Gruziya, Qozogʻiston, Qirgʻiziston, Moldova, Rossiya, Tojikiston, Ukraina va Oʻzbekistondan boʻlgan nomzodlar uchun ochiq tanlov eʼlon qiladi.

Dastur beshta Polsha akademik markazlaridan biridagi (Varshava, Krakov, Vroslav, Poznan, Lyublin) universitetda ikki semestr davomida bepul oʻqish hamda davlat, xususiy va nodavlat tashkilotlarda kamida ikki haftalik professional amaliyot oʻtash imkoniyatini taklif etadi. Shuningdek, dastur davomida keng qamrovli trening va seminarlarda ishtirok etish imkoniyati beriladi.

Grantlar oʻz mamlakatlarida va mintaqada demokratiya, iqtisodiyot va fuqarolik jamiyatini rivojlantirishga befarq boʻlmagan oliy maʼlumotli yosh liderlar va mutaxassislar uchun moʻljallangan. Tanlov jarayonida eng munosib nomzodlar dastur tugagandan soʻng, dastur davomida olgan bilimlarini yoki uning bir qismi sifatida tayyorlangan loyihani amalga oshirish uchun oʻz vataniga qaytishga qaror qilgan mutaxassislardir.

Dastur Polsha-Amerika Ozodlik Jamgʻarmasi tomonidan tashkil etilgan boʻlib, Polsha Milliy Akademik Almashinuv Agentligi (NAWA) tomonidan moliyaviy qoʻllab-quvvatlanadi. Dastur hech qanday ilmiy darajaga teng deb hisoblanmaydi.

Dastur va universitetda oʻqish mumkin boʻlgan yoʻnalishlar haqida batafsil ushbu havola orqali maʼlumot olish mumkin.

Maqbullik shartlari

Nomzodlar quyidagi talablarga javob berishi lozim:

  • Koʻrsatilgan davlatlardan birining fuqarosi boʻlishi va u yerda doimiy yashashi kerak (Armaniston, Ozarbayjon, Belarus, Gruziya, Qozogʻiston, Qirgʻiziston, Moldova, Rossiya, Tojikiston, Ukraina va Oʻzbekiston);
  • Kamida 4 yillik bakalavr darajasiga ega boʻlishi kerak;
  • 40 yoshdan oshmasligi lozim;
  • Oʻzining sohasi boʻyicha kamida 2 yillik ish tajribasiga ega boʻlishi lozim;
  • Ingliz (kamida B2) va polyak tilini (kamida B1) yetarli darajada bilishi kerak;
  • Avval grant orqali 6 oydan koʻp muddat davomida xorijda boʻlib qaytgan nomzodlar 2 yil tanaffusdan keyin hujjat topshirishi mumkin.

Kirkland granti quyidagi soha mutaxassislariga taqdim etiladi:

  • davlat xizmatchilari, markaziy va mahalliy davlat hokimiyati organlari xodimlari;
  • huquqshunos/advokatlar;
  • tadbirkorlar;
  • biznes, nodavlat tashkilotlar, madaniyat, taʼlim, atrof-muhitni muhofaza qilish, sogʻliqni saqlash sohasidagi menejerlar;
  • nodavlat tashkilotlari rahbarlari, madaniyat va fuqarolik faoliyatidagi animatorlar;
  • akademik oʻqituvchilar;
  • jurnalistlar.

Muhim: Hujjat topshirish jarayonida polyak tilini yetarli darajada bilmaydigan ammo boshqa mezonlar boʻyicha grant uchun munosib deb topilgan nomzodlar dastur tashkilotchilari tomonidan berilgan materiallar yordamida polyak tilini oʻrganishi mumkin. 2022-yil iyun oyining oʻrtalarida polyak tili imtihonidan muvaffaqiyatli oʻtganidan soʻng ularga grant taqdim etilishi mumkin.

Foydali tomonlari

Barcha xarajatlar dastur tashkilotchilari tomonidan qoplanadi:

  • 2 semestr davomida universitet darslarida bepul ishtirok etish va akademik maslahatchining yordamidan foydalanish;
  • 18000 Polsha zlotiyasi (~$4530) miqdoridagi stipendiya (9 oyga 9ga boʻlib toʻlanadi);
  • Polshada turar-joy bilan taʼminlanadi (dastur davomida-9oy)
  • Tibbiy sugʻurta, favqulodda vaziyatlarda davolanish xarajatlari va fuqarolik javobgarligi sugʻurtasi;
  • Polshaga borish va qaytish aviachipta xarajatlari (kelishilgan miqdorgacha) va jamoat transporti kartalari;
  • Viza xarajatlari;
  • Tadqiqot materiallari;
  • Tanishtiruv kursida va boshqa grant sohiblari bilan Polshaning turli shaharlarida uchrashuvlarda ishtirok etish;
  • Polyak tili kursi (oktyabr-may).

Grant dasturi imkoniyatlari haqida batafsil maʼlumot bilan ushbu havola orqali tanishib chiqish mumkin.

Hujjat topshirish

1. Onlayn ariza shakli toʻldiriladi:

  • Batafsil shaxsiy maʼlumotlar;
  • Activity boʻlimi:
    • Nomzodning soʻnggi 3 yildagi yutuqlari, amalga oshirgan professional loyihalari, chop etilgan maqola, kitob, taqrizlari va boshqa maʼlumotlar soʻraladi (umumiy 3900 belgidan oshmasligi kerak);
  • Prosposed Program Plan boʻlimi:
    • Nomzod, ushbu boʻlimda dasturda ishtirok etishni istashining sabablari; dastur yakunida tayyorlanadigan ilmiy dissertatsiyaning konturini, shuningdek dastur davomida amalga oshiradigan loyiha takliflarini va Polshada olingan bilimlardan foydalanish rejalarini taqdim etishi lozim (4000-6000 belgilar boʻsh joy bilan).

2. Ikkita tavsiyanoma (polyak, ingliz yoki rus tillarida). Tavsiyanomada nomzodning professional salohiyat va malakasi, kelgusida oʻz sohasida ishlashi va oʻsishga erisha olishi koʻrsatilishi kerak. Elektron pochta orqali yuboriladi.

3. Magistrlik diplomi (yoki PhD diplomi) nusxasi – elektron pochta orqali yuboriladi (agar boʻlsa).

Onlayn ariza shakli toʻldirilgandan soʻng, avtomatik tarzda tizimda ariza qabul qilinganligini tasdiqlovchi hujjat taqdim etiladi. Ushbu hujjat, nomzod tomonidan toʻldirilgan va imzolangandan soʻng 2ta tavsiyanomaning skanerlangan nusxasi bilan birgalikda quyidagi elektron pochta manziliga yuborilishi lozim: kirkland@kirkland.edu.pl.

Qoʻshimcha maʻlumotlar

Hujjatlarni joʻnatish uchun: kirkland@kirkland.edu.pl

Leaders of Change Foundation rasmiy sayti: www.leadersofchange.pl

Tez-tez soʻraladigan savollar boʻlimi — FAQs.

Polsha
Oliy maʼlumotli mutaxassislar uchun Polshada 2 semestr davomida barcha xarajatlari toʻliq qoplanadigan The Lane Kirkland Scholarship dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar