Ona tilini o'qitish metodikasi va tilshunos mutaxassislar uchun ilmiy maqolalar tanlovi. G'oliblar pul mukofoti bilan taqdirlanadi
-
17/11/2021 Qabul boshlanishi
-
Mukofot Moliyalash turi
-
Oʻzbekiston Davlat
-
31/12/2021 23:59 Oxirgi muddat
Umumiy maʻlumotlar
Alisher Navoiy nomidagi oʻzbek tili va adabiyoti universiteti magistranti Shokir Yoʻldosh tomonidan oʻzbek tilini ona tili sifatida oʻqitish hamda taqlid soʻzlarni qoʻllab-quvvatlash maqsadida ilk maqolalar tanlovini eʼlon qildi.
Tanlov 3 asosiy va bir bonus yoʻnalishda oʻtkaziladi:
- Oʻqib tushunish koʻnikmalarini rivojlantirish haqidagi eng yaxshi maqola.
- Yozma nutq koʻnikmalarini rivojlantirish haqidagi eng yaxshi maqola.
- Lingvistik bilimni kontekstda oʻqitish haqidagi eng yaxshi maqola.
- Olmoshning mustaqil soʻz emasligini/ekanligini hamda taqlid soʻzning mustaqil soʻz turkumi ekanligi/emasligini isbotlab bergan eng yaxshi ilmiy maqola.
Tanlovda ilmiy darajaga ega boʻlmagan va doktorantura bosqichida oʻqimayotgan barcha ishtirok etishi mumkin. Gʻoliblar pul mukofoti bilan taqdirlanadi.
Maqbullik shartlari
- Tanlovda tayanch doktoranturada oʻqimaydigan, ilmiy unvoni mavjud boʻlmagan barcha qatnasha oladi;
- Maqolalar 5 betdan kam boʻlmasligi lozim;
- Maqolalar quyidagi mavzularga doir boʻlishi lozim:
- Oʻqib tushunish koʻnikmalarini rivojlantirish haqidagi eng yaxshi maqola.
- Yozma nutq koʻnikmalarini rivojlantirish haqidagi eng yaxshi maqola.
- Lingvistik bilimni kontekstda oʻqitish haqidagi eng yaxshi maqola.
- Olmoshning mustaqil soʻz emasligini/ekanligini hamda taqlid soʻzning mustaqil soʻz turkumi ekanligi/emasligini isbotlab bergan eng yaxshi ilmiy maqola.
MUHIM! Dastlabki uch yoʻnalishdagi maqolalar umumtaʼlim maktablarining 5-11-sinflari doirasida yozilishi shart.
Foydali tomonlari
- Har bir yoʻnalish gʻolibi 200.000 soʻmdan pul mukofotini qoʻlga kiritadi;
- Dastlabki 3 yoʻnalish gʻoliblarining maqolalarini Respublika taʼlim markazi orqali maktab oʻqituvchilariga yetib borishi taʼminlanadi;
- Soʻnggi yoʻnalish gʻolibi faqat pul mukofotini oladi.
Qoʻshimcha maʻlumotlar
Maqolalarni 31.12.2021 soat 23:59 gacha yuborish mumkin.
Asosiy shartlar:
Maqola oʻzbek tilida boʻlishi shart, unda annotatsiya (faqat oʻzbek tilida), kalit soʻzlar, foydalanilgan adabiyotlar roʻyxati qismlari boʻlishi shart. Foydalanilgan adabiyotlar APA usulida berilishi lozim (APA usuli haqida ushbu maqola orqali maʼlumot olish mumkin.
Maqola uchun tanlangan mavzu aniq ochib berilishi shart. Maqola sarlavhasini mavzu doirasidan kelib chiqqan holda erkin tanlash mumkin.
BONUS yoʻnalish uchun maqolada olmoshning mustaqil soʻz turkumi ekanligi yoki emasligini nazariy isbotlash, shu bilan birga taqlid soʻzning mustaqil soʻz turkumi ekanligi yoki emasligini nazariy isbotlash lozim.
Maqola 5 betdan kam boʻlmasligi lozim.
Gʻoliblar 11.01.2022. da eʼlon qilinadi.
Qoʻshimcha maʼlumotlar ushbu havola orqali berilishi mumkin.