Barcha 18-26 yosh oraligʻidagilar uchun AQShda xarajatlari qoplanadigan dastur — Young Leaders Fellowship 2025

Yosh liderlar jamiyati dasturi (The Young Leaders Fellowship Program) 18-26 yosh oraligʻidagi barcha davlatlarda boʻlgan yosh liderlarga moʻljallangan dastur hisoblanadi. 

Dasturda jamiyatdagi taʼlim, sogʻliq va iqtisodiy muammolarni yechishga qiziqishi boʻlgan liderlar ishtirok etishlari mumkin. Bir yil davom etadigan dastur ishtirokchilarga oʻzlarining jamiyatida liderlikni rivojlantirish, global fuqarolik, ehtiyotkorlik va fikrlarini namoyish qilib bera olish qobiliyatini rivojlantirishga yordam beradi. Dastur jamoasi, mentorlar va ishtirokchilar barchasi birgalikda oʻzlarining innovatsion gʻoyalari hamda puxta rejalashtirilgan loyihalari yordamida “Global almashinuv orqali hududlarni rivojlantirish (Local Change Through Global Exchange)” vazifasini amalga oshirishadi.

Dastur boshlanganidan soʻng bir oy mobaynida ishtirokchilarga oʻzlarining jamiyatidagi muammolarni chuqurroq talqin qilish va tushunib olishlari uchun vaqt beriladi. Soʻngra, yosh liderlar bir hafta davom etadigan intensiv treninglarda qatnashishadi.

Ishtirokchilar trening uchun AQSh davlatiga tashrif buyurishadi va Nyu-York, Burlington hamda Vermunt shaharlarida boʻlishadi.

AQShga kelish va ketish, turar-joy, oziq-ovqat va shu kabi xarajatlar dastur maʼmuriyati tomonidan qoplanadi. 

Treninglar yakunlanganidan soʻng, ishtirokchilar oʻz davlatlariga qaytib ketishadi va dasturing qolgan qismini oʻz davlatlaridan turib onlayn davom ettirishadi. Dasturning qolgan qismi 1 yil (2026-yil iyul oyidan 2027-yil iyul oyigacha) davom etadi. Ishtirokchilardan mentorlari bilan internet hamda e-mail orqali uzluksiz aloqada boʻlish talab qilinadi.

Dastur haqida ushbu havola orqali toʻliq maʼlumot olish mumkin.

• Dastur nomzodlari oʻzlarining jamiyatga foyda keltirish uchun potensiallarini namoyish qilib bera olishlari kerak;
• Ishtirokchilar oʻzlari yashayotgan jamiyatdagi taʼlim, sogʻliq yoki iqtisodiy xavfsizlik masalalari boʻyicha muammolarni aniqlash va anglashlari kerak;
• Nomzodlar dastur boshlanish davrida (2026-yil 1-iyun) 18-26 yosh oraligʻida boʻlishlari zarur;
• Ingliz tilida erkin yozish va gapirish imkoniyatiga ega boʻlish talab qilinadi;
• Nomzod iyun oyida jamiyatdagi zarur boʻlgan muammolarni aniqlash, iyul oyida 10 kunlik dasturda ishtirok etish va yilni oʻzining loyihalarini bajarish uchun sarflashga tayyor boʻlishi lozim;
• Ishtirokchi MCW Global Team va Yosh liderlar jamiyati bilan yil davomida uzluksiz ravishda e-mail yoki va internet orqali aloqaga chiqib turish talab qilinadi;
• Nomzod Yosh liderlar jamiyati (Young Leaders Fellowship) dasturini tamomlash boʻyicha qoidalar va koʻrsatmalarga amal qilish kerak;
• Viza olish va chet davlatga chiqish uchun kerakli hujjatlari boʻlishi kerak;
• Ikkinchi raund uchun onlayn ariza shakli 2025-yil 3-dekabrgacha topshirilgan boʻlishi lozim.

Dasturning quyidagi foydali jihatlari mavjud:

• Chet ellik ishtirokchilar uchun ekonomik klass chipta puli qoplab beriladi;
• Dastur qatnashchilari 2026-yil 20-iyul kechki paytdan boshlab 30-iyulgacha turarjoy bilan taʼminlanadi;
• Ishtirokchilar 2026-yil 21-iyuldan 30-iyulga qadar kunlik oziq-ovqat bilan taʼminlanadi;
• Dastur Nyu-York, Nyu-Yorkdan Burlingtongacha va Vermontgacha boʻlgan sayohat xarajatlarini ham qoplab beradi;
• Qatnashchilar JFK, LaGuardia va Nevark aeroporti hududlari oraligʻida jamoat transporti bilan taʼminlanadi.

Quyidagilar xarajatlar dastur tomonidan qoplab berilmaydi:

• Pasport xarajatlari;
• Viza;
• Davlat ichidagi xarajatlar (aeroportga kelish, qoʻshimcha yuklar uchun toʻlanadigan pul va boshqalar).

Muhim! Dasturga qabul qilingan ishtirokchilar $100 miqdoridagi badal puli (depozit) toʻlashlari kerak boʻladi. Ushbu pul Square yoki PayPal ilovalari orqali toʻlanishi mumkin. Badal puli 2026-yil martgacha toʻlanishi kerak, aks holda dasturga qabul qilingan ishtirokchilar unda ishtirok eta olmaydilar. Toʻlov boʻyicha muammolar yuzaga kelgan taqdirda dastur maʼm-yiluriyati bilan bogʻlanish soʻraladi. Mazkur to'lov 2026-yilning iyulida ishtirokchiga to'liq qaytarib beriladi. 

Dasturga ushbu havola orqali roʻyxatdan oʻtish mumkin.

Onlayn ariza shakli quyidagi qismlarni oʻz ichiga oladi:

• Umumiy maʼlumot
• Dastur tomonidan berilgan savollar

-Jamiyatingizdagi sizni qiziqtirgan biror muammo haqida yozing. Siz ushbu muammoga qanday yechim taklif qilgan boʻlar edingiz?

-Muammoga duch kelgan va uni yechishda liderlik qobiliyatingizdan foydalangan biror bir vaziyat haqida yozing.

• Rezyume (CV)

-Taqdim etilgan rezyume 1 betdan oshmasligi, Times New Roman shaklida, 12 shriftda va 1 intervalda yozilgan boʻlishgan kerak.

• 2 ta tavsiyanoma

-Tavsiyanoma sizning ish etikangiz va jamiyatdagi muammolarni yechishga boʻlgan potensialingizni bilgan hamda kuzatib yurgan inson tomonidan yozilgan boʻlishi lozim. Tavsiyanoma oila aʼzolari tomonidan yozilmasligi maslahat beriladi;

-Tavsiyanomada tavsiya beruvchining ism-sharifi, mansabi, telefon raqami, e-mail manzili va tavsiyanomaning yuqori qismida nomzodni qayerdan tanishi yaʼni nomzod tavsiya beruvchi bilan qanday aloqada ekanligi yozilgan boʻlishi kerak.

• Eslatma qismi

-Arizani topshirishdan avval dastur talablari va kerakli maʼlumotlar bilan tanishib chiqishi lozim;

• Arizani topshirish portali

-Ushbu havola orqali kirib akkaunt ochish va 2025-yil 3-dekabrgacha arizani topshirish zarur.

Eslatma! Dasturning ariza shakli ingliz tilida toʻldirilgan boʻlishi zarur. Aksincha boʻlgan taqdirda maʼlumotlar koʻrib chiqilmaydi va ariza shakli toʻliq emas deb hisoblanadi. 

Dasturga roʻyxatdan oʻtish jarayoni haqida ushbu havola orqali batafsil maʼlumot olish mumkin.

Muhim sanalar:

• 2025-yil, 5-noyabr-Onlayn arizalarni qabul qilish jarayoni boshlanadi;
• 2025-yil, 3-dekabr-Onlayn ariza topshirish jarayoni yakunlanadi;
• 2025-yil, 22-dekabr-Dastlabki saralash jarayoni boʻlib oʻtadi va undan oʻtgan ishtirokchilar roʻyxati eʼlon qilinadi. Shuningdek, ikkinchi bosqich ariza qabul qilish jarayoni boshlanadi;
• 2026-yil, 11-yanvar-Ikkinchi bosqich ariza qabul qilish jarayoni yakunlanadi;
• 2025-yil, 3-12-fevral-Ikkinchi bosqichdagi nomzodlar bilan intervyu oʻtkaziladi;
• 2026-yil, 19-fevral-Dasturga qabul qilinganlarga xat yuboriladi;
• 2026-yil, 26-fevral- Yuborilgan xatlarning tasdiqlanishi yakunlanadi;
• 2026-yil, 5-mart - Viza intervyulari va depozitning tasdiqlanish muddati;
• 2026-yil, 8-iyun - 3-iyul- Ishtirokchilarning loyihalarini baholash jarayoni boʻlib oʻtadi;
• 2026-yil, 21-30-iyul-Yosh Liderlar jamiyati trening dasturi boʻlib oʻtadigan sana. Treninglar Nyu-York, Burlington va Vermont shaharlarida boʻladi.

Ushbu havоla оrqali qоʼshimcha savоllarni berish mumkin.

Dastur haqida quyidagi ijtimoiy tarmoqlar orqali ham qoʻshimcha maʼlumot olish mumkin:

-facebook;

-twitter;

-youtube;

-instagram.