O‘rta maktab va universitet talabalari uchun “Markaziy Osiyo va Afg‘onistonda suv inqirozi va iqlim o‘zgarishi” mavzusidagi uch kunlik konferensiya

  C5+1 Yoshlar Kengashi tomonidan  o‘tkaziladigan “Markaziy Osiyo va Afg‘onistondagi suv inqirozi va iqlim o‘zgarishi muammolari” mavzusidagi konferensiya uchun arizalar qabul qilish boshlangani e’lon qilinadi. Ushbu  konferensiya maqsadi o‘rta maktab va universitet talabalarining suv inqirozi va iqlim o‘zgarishi muammolari haqidagi  bilimlarini oshirishdir.

  Uch kun davom etadigan ushbu konferensiya mobaynida ishtirokchilar taqdimotlar, seminarlar, bahs-munozaralarda ishtirok etadilar. Ishtirokchilar o‘z jamoalarida tinchlik o‘rnatish bo‘yicha muloqotlar, muzokaralar, nizolar va suv muammolarini hal qilishda innovatsion yondashuvlarni ilgari surish bo‘yicha loyiha takliflari g‘oyalarini muhokama qiladilar. Eng yaxshi g‘oyalar C5+1 YC dan moliyalashtiriladi.

  Dastur bilan batafsil ushbu havola orqali  tanishib chiqish mumkin.

Dastur uchun nomzodlar quyidagi talablarga javob berishlari kerak:

• Nomzodlar ingliz tilida so‘zlashadigan o‘rta maktab yoki universitet talabasi bo‘lishlari;
• Suv inqirozi va iqlim o‘zgarishi bilan bog‘liq muammolarga qiziqishi;
• Nomzodlar Namangan va Toshkent shaharlaridan bo‘lishi kerak.

Dasturning maqbullik shartlari bilan ushbu havola orqali batafsil tanishib chiqish mumkin.

Dastur qabul qilinganlar quyidagi imtiyozlarga  ega bo‘lishadi:

• Qirg‘izistonga borib-kelish xarajatlari qoplanadi;
• Qatnashuvchilar konferensiya mobaynida taqdimotlar hamda seminarlarda ishtirok etish imkoniyatiga ega bo‘lishadi.

Dasturning imtiyozlari bilan ushbu havola orqali batafsil tanishib chiqish mumkin.

Konferensiyada qatnashish uchun ushbu havola orqali ariza topshiriladi.

Ariza to‘ldirishda quyidagilar so'raladi:

• Nomzod haqida ma'lumot;
• Motivatsion xat(200 so‘zdan oshmasligi kerak);
• Nomzodning yutuq va tajribalari haqidagi qisqacha bayon(200 so'zdan oshmasligi kerak).

Qo‘shimcha ma’lumot:

• Qo‘shimcha savollar uchun telegram guruh orqali bog‘lanish mumkin;
• Konferensiya 8-10 aprel kunlari Qirgʻizistonning O‘sh davlat Universitetida o‘tkaziladi.