OSCE Academy tomonidan Bishkek shahrida ijtimoiy fanlar yo’nalishida barcha xarajatlari qoplanadigan seminar dasturi

01/05/2024 Qabul boshlanishi
Toʻliq Moliyalash turi
Qirgʻiziston Davlat
05/06/2024 23:00 Oxirgi muddat

Muhim tafsilotlar

Kimlar uchun

Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

2024-yil 25-27-iyul kunlari Qirgʻizistonning Bishkek shahrida joylashgan OSCE Bishkek akademiyasida Eurasia in a Geopolitical Globalised World mavzusidagi seminar boʻlib oʻtadi. Dasturdan maqsad globallashuv va geosiyosat oʻrtasidagi ziddiyat sharoitida xalqaro tartibni tushunishga yordam berishdir va seminar iqlim oʻzgarishi, energiya xavfsizligi, oziq-ovqat, suv va chegaralar nazorati kabi mavzularni oʻz ichiga oladi. Dasturda ijtimoiy fanlar yoki shunga teng yoʻnalishda bakalavr yoki magistratura bosqichini tugatgan nomzodlar, shuningdek, tadqiqotchilar va mutaxassislar qatnashishlari mumkin. Seminar ingliz tilida boʻlib oʻtiladi, shuning uchun qatnashchilar ingliz tilini bilishlari lozim. Ishtirokchilarning turar-joy, oziq-ovqat va yoʻl xarajatlari dastur maʼmuriyati tomonidan qoplanadi.

Dasturga qabul jarayoni 2024-yil 5-iyungacha davom etadi.

Dastur haqida ushbu havola orqali toʻliq maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Nomzodlar Ozarbayjon, Armaniston, Gruziya, Qozogʻiston, Qirgʻiziston yoki Oʻzbekiston fuqarosi boʻlishi lozim. Shuningdek, Qirgʻizistonda istiqomat qilayotgan Afgʻoniston, Tojikiston va Turkmaniston fuqarolari ham dasturda qatnashishlari mumkin;
Ijtimoiy fanlar yoki shunga teng yoʻnalishda bakalavr yoki magistratura bosqichini tugatgan boʻlishlari kerak;
Dasturda xalqaro tashkilot, xalqaro nodavlat (notijorat) tashkiloti yoki davlat va jamoat institutlarining kichik va oʻrta darajadagi mutaxassislari ishtirok etishlari mumkin;
Shuningdek, dasturda tadqiqotchilar va mutaxassislar ham qatnashishlari mumkin;
Nomzod ingliz tilini yaxshi bilishi zarur.

Dastur talablari haqida ushbu havola orqali toʻliq maʼlumot olish mumkin.

Foydali tomonlari

Dasturning quyidagi foydali jihatlari mavjud:

Qatnashchilarning barcha xarajatlari dastur maʼmuriyati tomonidan toʻlab beriladi;
Nomzodlarning yoʻl xarajatlari qoplanadi;
Turar-joy va oziq-ovqat pullari ham dastur maʼmuriyati tomonidan toʻlanadi.

Hujjat topshirish

Dasturga hujjat topshirish jarayoni quyidagicha:

Quyidagi hujjatlarni ingliz tilida 4 betdan oshmagan PDF hujjat shaklida “Mr/Ms_Name_Surname_GGW” nomi ostida joʻnatilishi zarur:

-2 betdan oshmagan CV;

-Motivatsion xat (500 soʻzdan oshmagan);

Hujjatlarni training@osce-academy.net elektron manziliga Oʻzbekiston vaqti bilan 2024-yil 5-iyun soat 23:00 gacha joʻnatish lozim;
E-mail mavzusiga “Geopolitical Globalised World” deb yozilishi kerak.

Eslatma! Dastur talablariga amal qilinmagan va oʻz vaqtida joʻnatilmagan arizalar koʻrib chiqilmaydi.

Rasmiy havola Hujjat topshirish