OSCE akademiyasi tomonidan “China affairs in Central Asia” mavzusida tadqiqot olib borishni istovchilarga Bishkekda 6 oy davomida tadqiqot olib borish imkonini beruvchi umumiy miqdori $9300 ga teng boʻlgan grant dasturi
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (magistr), PhD talabasi
  • Dastur tili
    Ingliz tili, Xitoy tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Qirgʻizistonning Bishkek shahrida joylashgan OSCE Academy tashkiloti “China affairs in Central Asia” mavzusida ilmiy izlanish olib bormoqchi boʻlganlar uchun 6 oylik tadqiqot dasturini taklif etadi.

Dastur 2022-yil 1-apreldan boshlanadi va 6 oy davomida Qirgʻizistonning poytaxti Bishkek shahrida boʻlib oʻtadi. Dasturda xitoy va ingliz tilini mukammal biluvchi, Xitoy tadqiqotlari (xitoyshunoslik), Sharqiy Osiyo tadqiqotlari, Sharqiy Osiyoga yoʻnaltirilgan xalqaro aloqalar va boshqa tegishli sohalarda magistratura bosqichini yakunlaganlar ishtirok etishi mumkin. dasturga eng salohiyatli 1 nafar ishtirokchi saralab olinadi.

Dastur davomida tadqiqotchi China affairs in Central Asia mavzusi boʻyicha 6000-8000 soʻzdan iborat ilmiy ish yozishi kerak. Dasturga qabul qilingan tadqiqotchiga jami 9300$ miqdorda grant taqdim etiladi.

Maqbullik shartlari

Dasturda ishtirok etish uchun nomzodlar quyidagi talablarga javob berishi lozim:

  • Nomzod Xitoy tadqiqotlari(xitoyshunoslik), Sharqiy Osiyo tadqiqotlari, Sharqiy Osiyoga yoʻnaltirilgan xalqaro aloqalar va boshqa tegishli sohalarda magistratura bosqichini yakunlagan boʻlishi kerak;
  • Ingliz va xitoy tillarini mukammal bilishi shart;
  • Markaziy Osiyoda Xitoy boʻyicha olib borilayotgan tadqiqotlar boʻyicha kuchli bilim, oʻziga xos tadqiqot oʻtkazish qobiliyati va xitoyshunoslik boʻyicha karyera qilish istagiga ega boʻlishi lozim;
  • Shaxslar aro erkin muloqot qilish qobiliyati talab etiladi;
  • Akademiyadagi hamkasblar bilan hamkorlik qilish istagiga ega boʻlishi kerak;
  • Markaziy Osiyoda Xitoy masalalari boʻyicha nashr etilgan ishlari mavjudligi afzallik beradi.

Dastur talablari haqida batafsil ushbu havola orqa maʼlumot olish mumkin.

Foydali tomonlari

OSCE akademiyasi tadqiqotchilarga dastur davomida jami 9300$ miqdordagi grant quyidagi tartibda taqdim etiladi:

  • Dastlabki tadqiqot rejasini taqdim etilib tasdiqlangandan keyin 2022-yil aprel oyi oxirida 1550$ miqdorida;
  • Dastlabki xulosalar taqdim etilib tasdiqlanganidan keyin 2022-yil iyun oyi oxirida 3100$ miqdorida;
  • Yakuniy hisobot loyihasini taqdim etilib tasdiqlangandan keyin 2022-yil avgust oyi oxirida 3100$ miqdorida;
  • Yakuniy tadqiqot ishi taqdim etilib tasdiqlangandan keyin 2022-yil sentyabr oyi oxirida 1550$ miqdorida.

Har grant taqdim etilgan paytda Oʻzbekiston fuqarolaridan 11% miqdorda soliq va ijtimoiy toʻlovlar uchun pul ayirib qolinadi.

Eslatma: dastur transport, turar joy, tibbiy sugʻurta va boshqa xarajatlarni moliyalashtirmaydi. Lekin Bishkekka kelish va shahardan turar joy topishda yordam beradi.

Hujjat topshirish

Dasturda ishtirok etmoqchi boʻlgan nomzodlar oʻz arizalarini ingliz tilida topshirishlari kerak.

Kerakli hujjatlar:

  • CV. Maksimal 2 sahifadan iborat boʻlishi lozim;
  • Tadqiqot rejasi. Ushbu ish 300 ta soʻzdan koʻp boʻlmasligi Xitoyning Markaziy Osiyodagi oʻrni yoritilgan boʻlishi kerak. Tadqiqot maqsadi, asosiy savoli, metodologiyasi va dastlabki maʼlumotlar batafsil yoritilgan boʻlishi kerak;
  • Motivatsion xat. 500 soʻzdan koʻp boʻlmasligi Xitoy tadqiqoti boʻyicha karyera qilishga qiziqish batafsil aks etgan boʻlishi lozim;
  • 2 nafar tavsiya beruvchining kontakt maʼlumotlari;
  • Universitet diplomlari, HSK sertifikatlari va boshqa kerakli deb topilgan hujjatlar nusxalari.

Barcha hujjatlar bitta PDF shakldagi faylga olinishi va “Vacancy of Research Fellow Your name” mavzusi ostida mediaproject2021@osce-academy.net emailga joʻnatilishi kerak.

Qoʻshimcha maʻlumotlar

Saralash bosqichi quyidagi omillarga koʻra baholanadi:

  • Tadqiqot rejasining sifati;
  • Markaziy Osiyoda Xitoyning oʻrni boʻyicha noyob, original tadqiqot olib borish qobiliyati;
  • Xitoy va ingliz tillarini bilishi;
  • Xitoy masalalari boʻyicha nashriyot ishlari mavjudligi.

Faqatgina saralashdan oʻtgan nomzod bilangina aloqaga chiqiladi.

Dastur haqida batafsil rasmiy havola orqali maʼlumot olish mumkin.

Qirgʻiziston
OSCE akademiyasi tomonidan “China affairs in Central Asia” mavzusida tadqiqot olib borishni istovchilarga Bishkekda 6 oy davomida tadqiqot olib borish imkonini beruvchi umumiy miqdori $9300 ga teng boʻlgan grant dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar