OSCE hamda Crisp tashkilotlari tomonidan iqlim oʻzgarishi va nizolar boʻyicha barcha xarajatlari qoplanuvchi 4 kunlik seminar — “Climate Change & Conflict” training
  • 12/07/2022 Qabul boshlanishi
  • Toʻliq Moliyalash turi
  • Oʻzbekiston Davlat
  • 07/08/2022 23:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr), Oliy ma'lumotli (magistr)
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

“Climate Change & Conflict” — “Iqlim oʻzgarishi va mojarolar” treningi ishtirokchilarga iqlim oʻzgarishining Markaziy Osiyo mintaqasiga taʼsiri haqida kengroq maʼlumot olish imkoniyatini beradi. Bundan tashqari nomzodlar iqlim oʻzgarishining (ijtimoiy) ziddiyatlarga taʼsiri boʻyicha alohida bilim va koʻnikmalarga ega boʻladi.

Trening Markaziy Osiyo hududida iqlim oʻzgarishi tufayli zararlangan hududlardagi vaziyatni yumshatish va moslashtirish uchun reja hamda qarorlar qabul qilish jarayonlariga qaratilgan simulyatsiya oʻyinini oʻz ichiga oladi.

Dasturda Markaziy Osiyo fuqarolari hamda Afgʻoniston va Mogʻulistondan ham ishtirokchilar qatnasha oladi.

Dastur mazkur yilning 4-7-oktyabr kunlari Toshkentda oflayn formatda boʻlib oʻtadi.

Trening tashkilotchilari va ekspertlari bilan ushbu havola orqali tanishish mumkin.

Dastur xarajatlari toʻliq qoplanadi.

Dastur haqida batafsil ushbu havola orqali tanishish mumkin.

Maqbullik shartlari

Dasturga ariza topshirish uchun nomzodlardan quyidagilar talab etiladi:

  • Dasturda Markaziy Osiyo mamlakatlari, Afgʻoniston hamda Moʻgʻulistonning nodavlat notijorat tashkilotlari va hukumat tashkilotlarining kichik va oʻrta darajadagi mutaxassislari ishtirok etishi mumkin;
  • Ushbu mamlakatlardan tadqiqotchilar, faollar va ekspertlar ariza topshirishlari mumkin;
  • Nomzodlar ijtimoiy fanlar yoki boshqa tegishli sohalarda bakalavr yoki magistr darajasini tugatgan boʻlishlari lozim;
  • Ishtirokchilar toʻliq 4 kun intensiv mashgʻulotlarda (maʼruzalarda qatnashish, ertalab, tushdan keyin va baʼzan oʻtkaziluvchi kechki topshiriqlar) qatnasha olish imkoniyatiga ega boʻlishlari kerak;
  • Dastur ingliz tilida olib boriladi. Shu sababdan nomzodlardan mazkur tilni yaxshi bilishlari soʻraladi.

Dastur talablari haqida batafsil ushbu havola orqali tanishish mumkin.

Foydali tomonlari

Dasturga qabul qilingan nomzodlar quyidagi imtiyozlarga ega boʻladi:

  • Treningda qatnashish mutlaqo bepul;
  • Ishtirokchilarning barcha xarajatlari, jumladan, sayohat, turar-joy hamda oziq-ovqat toʻlovlari tashkilot tomonidan qoplanadi.

Dastur manfaatli jihatlari haqida batafsil ushbu havola orqali tanishish mumkin.

Hujjat topshirish

Dasturga ariza topshirish uchun nomzodlar quyidagi hujjatlarni topshirishlari lozim:

  • CV (ingliz tilida, 2 betdan koʻp boʻlmagan);
  • Mazkur trening nomzodning akademik ishi yoki oʻqishi uchun qanday foyda keltirishi haqida motivatsion xat (maksimal 600 ta soʻz). Ishtirokchilardan ushbu xatda fuqaroliklari va jinslarini keltirishlari soʻraladi;
  • Nomzod oʻzi duch kelgan ziddiyatli vaziyat hamda uni qanday hal qilganligi haqida 2 minutlik video.

Eslatma: Ushbu hujjatlar bitta PDF shakliga biriktirilishi hamda faylni nomzod oʻz ismi va fuqarolik mamlakati bilan nomlashi zarur (misol uchun: KanykeiTemirbekovaKyrgyzstan).

Hujjatlar training@osce-academy.net e-mail manziliga Iqlim oʻzgarishi va mojarolar boʻyicha trening mavzusi (title) ostida joʻnatilishi lozim.

Dasturga ariza topshirishning soʻngi muddati 2022-yil 7-avgust.

Qoʻshimcha maʻlumotlar

Tanlangan kandidatlar avgust oyi oxirigacha eʼlon qilinadi.

Qoʻshimcha savol va murojaatlar uchun: Kyrgyzstan, Bishkek, 1A Botanichesky pereulok

Tel.: +996 (312) 54-32-00, 54-12-00

Fax: +996 (312) 54-23-13

Oʻzbekiston
OSCE hamda Crisp tashkilotlari tomonidan iqlim oʻzgarishi va nizolar boʻyicha barcha xarajatlari qoplanuvchi 4 kunlik seminar — “Climate Change & Conflict” training

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar