Osiyo Taraqqiyot Bankida 3 yillik haq toʻlanadigan stajirovka — ADB Young Professionals Program (YPP) dasturi
-
06/09/2024 Qabul boshlanishi
-
Grant Moliyalash turi
-
Filippin Davlat
-
04.10.2024 Oxirgi muddat
Umumiy maʻlumotlar
Bosh ofisi Filippin davlatida joylashgan Asian Development Bank yosh mutaxassislar uchun TheYoung Professionals Program (YPP) dasturini tashkil qiladi. Dasturda 32 yoshdan oshmagan, bakalavr bosqichini dasturga tegishli sohada yuqori akademik koʻrsatkichlarga yakunlagan va ushbu sohada kamida 3 yillik tajribaga ega boʻlgan ingliz tilini biluvchi nomzodlar ariza topshirishlari mumkin. Saralab olingan nomzodlar bilan 3 yillik shartnoma tuziladi va ular Filippin shahridagi Asian Development Bankida ish faoliyatini boshlashadi. Dastur davomida ishtirokchilarga koʻplab imkoniyatlar yaratib beriladi, oʻqitish dasturlari tashkil qilinadi, tajriba oshirish va oʻz karyerasini rivojlantirish imkoniyati mavjud boʻladi.
Nomzodlar xalqaro xodimlar uchun boʻsh ish oʻrinlariga yoki amaliyot dasturiga ariza topshirishlari mumkin. Boʻsh ish oʻrinlari uchun qabul jarayoni tegishli ish oʻrniga qarab turli muddatlarda, 2024-yil sentyabr-noyabr oylarida boʻlib oʻtadi. Amaliyot dasturi uchun ariza topshirish muddati esa 2024-yil 4-oktyabrgacha davom etadi.
Dastur haqida ushbu havola orqali toʻliq maʼlumot olish mumkin.
Maqbullik shartlari
Dasturda qatnashish uchun quyidagi talablar mavjud:
- 2025-yil 1-avgustgacha 32 yoshdan oshmagan (1991-yil 1-avgustdan keyin tugʻilgan) boʻlish lozim;
- Asian Development Bank aʼzolari roʻyxatida boʻlgan davlat fuqarosi boʻlish kerak (Oʻzbekiston roʻyxatda mavjud);
- Bankdagi faoliyatiga bogʻliq yoʻnalishda kamida bakalavr bosqichini yuqori akademik baholarga yakunlagan boʻlish zarur;
- Asian Development Bank, yaʼni bank sohasiga oid kamida 3 yillik ish tajribasiga ega boʻlish kerak;
- Dasturda qatnashish uchun til sertifikati soʻralmagan, lekin nomzodlar ogʻzaki va yozma ingliz tilini mukammal darajada bilishlari shart;
- Ish rivoji uchun bor shijoat va gʻayrat bilan ishlashga, oʻrganishga tayyor va faol boʻlish kerak;
- Insonlar bilan oson muloqot qila olish qobiliyatiga ega boʻlish zarur.
Eslatma! Dasturda avval qatnashgan nomzodlar ham ishtirok etishlari mumkin.
Dastur talablari haqida ushbu havola orqali batafsil maʼlumot olish mumkin.
Foydali tomonlari
Dasturning quyidagi foydali jihatlari mavjud:
- Saralab olingan nomzodlar bilan 3 yillik haq toʻlanadigan mehnat shartnomasi tuziladi. Shartnoma muddati tugagandan soʻng, yangi shartnoma tuzmasdan, dastlabkisini yangilash ham mumkin;
- Nomzodlar dastlab Asian Development Bankining asosiy ofisi joylashgan Filippin davlatining Manila shahrida faoliyatni boshlashadi, 18 oydan soʻng, ular ushbu tashkilot faoliyati doirasidagi boshqa hududga koʻchiriladi;
- Ish faoliyati davomida xodimlar faktlarni aniqlash va baholash, loyihalarni koʻrib chiqish va yakunlash, mamlakat dasturlari, sektor va siyosatni oʻrganish yoki toʻlovlar boʻyicha missiyalarda ishtirok etish imkoniyatiga ega boʻlishadi;
- Shuningdek, saralangan nomzodlar uchun ichki va tashqi oʻqitish dasturlari tashkil qilinadi. Ularning ayrimlari aynan yosh mutaxassislar uchun moʻljallagan;
- 3 yillik hamkorlik yakunida ishtirokchilar ajoyib karyera qurish hamda Asian Development Bankning kelajakdagi yetakchilaridan biriga aylanish imkonini qoʻlga kiritishadi.
Dastur foydali jihatlari haqida ushbu havola orqali maʼlumot olish mumkin.
Qoʻshimcha maʻlumotlar
Amaliyot dasturi haqida ushbu havola orqali batafsil maʼlumot olish mumkin.
Dastur boʻyicha qoʻshimcha savollar boʻlgan taqdirda ushbu havola orqali murojaat qilish mumkin.
Maʼlumot uchun:
Manzil: Filippin, Mandaluyong City 1550, 6 ADB Avenyu, Metro Manila;
Tel: +63 2 8632 4444;
Fax: +63 2 8636 2444.
Dastur haqida quyidagi ijtimoiy tarmoqlar orqali ham maʼlumot olish mumkin: