Osiyo Taraqqiyot Bankidan magistratura va doktorantura talabalari uchun haq toʻlanadigan amaliyot dasturi — ADB Internshiр Рrоgram

Asian Development Bank (Osiyo Taraqqiyot Banki) gʻayratli, ochiq fikrli va eng nufuzli tashkilotda tajriba orttirish istagida boʻlgan barcha yoshlar uchun haq toʻlanadigan ADB Internship Program amaliyot dasturini taqdim etadi.  

Ushbu dasturdan asosiy maqsad tashqi hamkorlar bilan bilim almashish hamda ishlab chiqarish platformasini yanada yaxshilashdan iborat. Bundan tashqari, dastur tashkilot uchun kelajakda manfaatli boʻladigan kuchli xodimlarni aniqlash imkonini beradi. 

Dastur tanlangan yoʻnalishga qarab 8 haftadan 11 haftagacha davom etadi. Muntazam ish tartibi: 8:00 dan 17:00 gacha (bir soat tushlik uchun tanaffus beriladi). Boshqa har qanday afzallik rahbariyat bilan muhokama qilinadi. Dastur yiliga 2 marta taqdim etiladi.

Maʼlumot uchun: Asian Development Bank (Osiyo Taraqqiyot Banki) dunyоdagi eng nufuzli tashkilotlardan biri hisoblanadi. Tashkilot qashshoqlikka barham berish boʻyicha saʼy-harakatlarini davom ettirib kelmoqda. Ayni shu maqsadda oʻz aʼzolari va hamkorlariga ijtimoiy va iqtisodiy rivojlanishga koʻmaklashish uchun kreditlar, texnik yordam, grantlar va investitsiyalar beradi. 

Dastur haqida batafsil ushbu havola orqali maʼlumot olish mumkin.

• Dasturda faqat Osiyo Taraqqiyot Bankiga aʼzo davlat fuqarolari ishtirok etishi mumkin. (O'zbekistonliklar qatnasha oladi);
• Ingliz tilini mukammal bilish lozim;
• Nomzodlar Osiyo Taraqqiyot Banki faoliyati bilan bevosita bogʻliq sohada tahsil olayotgan boʻlishi kerak;
• Nomzodlar amaliyot dasturida qatnashishdan oldin ham, keyin ham Osiyo Taraqqiyot Bankiga aʼzo davlatlarda joylashgan OTMdan birida magistratura yoki doktorantura bosqichida tahsil olishi kerak;
• Tanlagan amaliyot turi boʻyicha professional tajribaga ega boʻlish lozim.

Saralash mezonlari:

• Nomzodning dastur talablariga mosligi;
• Taʼlim va ish tajribasi;
• Tashkilotni yanada rivojlantirishga hissa qoʻshish uchun qiziqish darajasi.

Muhim: Osiyo Taraqqiyot Bankining xodimlari va ularning yaqin qarindoshlarining arizalari qabul qilinmaydi. Bundan tashqari, dasturda avval qatnashgan nomzodlar ham ariza topshira olmaydi.

• Dastur davomida stipendiya beriladi;
• Amaliyot joyigacha boʻlgan havo qatnovining bir qismi qoplab beriladi;
• Eng nufuzli va yirik xalqaro tashkilotda ishlash;
• 50 dan ortiq turli mamlakatlardan kelgan tajribali mutaxassislar bilan hamkorlikda ishlash;
• Bank sohasiga oid moliyaviy bilimlarni oshirish va xalqaro eʼtirof etilgan bankning ishlash mexanizmini yanada chuqurroq tushunish imkoniyati;
• Tadqiqot natijalari orqali Osiyo Taraqqiyot Bankini yanada rivojlanishiga hissa qoʻshish.

Eslatma: Stipendiya miqdori yoʻnalishga qarab farqlanadi.

• Dasturda qatnashish istaganlar ushbu havola orqali ariza topshirishi mumkin;
• Barcha hujjatlar ingliz tilida topshiriladi;
• Faqat saralangan nomzodlar bilan bogʻlaniladi.

Talab qilinadigan hujjatlar:

• CV;
• Insho;
• Magistratura yoki doktorantura bosqichi talabasi ekanligini isbotlovchi hujjat.

Muhim: Ariza topshirish muddati tanlangan soha va ishga qarab farq qiladi. Kechikkan arizalar koʻrib chiqilmaydi. Taqdim etishda xatolikka yoʻl qoʻymaslik uchun oxirgi muddatini kutmasdan ariza topshirish tavsiya etiladi.

• Saralashdan oʻtgan nomzodlarga bevosita elektron pochta orqali xabar beriladi;
• Amaliyotga oid savollar bilan ushbu havola orqali aloqaga chiqish mumkin;
• Amaliyot dasturiga ariza topshirishning oxirgi muddati: 2025-yil 01-iyul;
• Tel: +63 2 8636 2444;
• Fax: +63 2 86362444;
• Email: adbintern@adb.org. 

Dastur haqida qoʻshimcha quyidagi ijtimoiy tarmoqlar orqali maʼlumot olish mumkin:

• Twitter;
• Youtube;
• Facebook;
• Instagram;
• Linkedin.