Osiyo Taraqqiyot Banki (OTB)da magistratura va PhD darajasi talabalari uchun stipendiya to'lanuvchi 8 haftalik amaliyot dasturi
-
01/07/2021 Qabul boshlanishi
-
Stipendiya Moliyalash turi
-
Filippin Davlat
-
15/09/2021 20:59 Oxirgi muddat
Umumiy maʻlumotlar
Osiyo Taraqqiyot Banki amaliyot dasturi — OTBning joriy operatsion ehtiyojlariga asoslangan tadqiqot topshiriqlari orqali tajriba orttirish uchun magistratura yoki PhD darajasi talabalari uchun loyihalarga yoʻnaltirilgan oʻquv imkoniyatidir. Ishtirokchilar oʻzlari tanlagan yo'nalishlariga qarab OTBning Filippindagi bosh ofisida yoki onlayn tarzda, berilgan topshiriqlarga (rasmiy saytda eʼlon qilinadi) asosan 8 haftadan 26 haftagacha boʻlgan muddatda amaliyot oʻtashlari mumkin.
OTB amaliyot dasturi topshiriqlarini yiliga ikki marta eʼlon qiladi va gʻayratli, ochiq fikrli va oʻz-oʻzini boshqara oladigan shaxslarni hujjat topshirishga taklif qiladi.
Maqbullik shartlari
Amaliyot dasturiga hujjat topshiruvchilar:
- OTBga aʼzo davlatlardan birida magistratura yoki PhD darajasi talabasi boʻlishi (O'zbekiston bu davlatlar qatorida);
- OTB faoliyati bilan bevosita bogʻliq boʻlgan sohada oʻqiyotgan boʻlishi;
- Tegishli amaliyot topshirigʻi bilan bogʻliq professional tajribaga ega boʻlishlari kerak.
- Ingliz tilini mukammal bilishi;
- OTBga aʼzo davlatlardan birining fuqarosi boʻlishi;
Foydali tomonlari
Dastur quyidagi imkoniyatlarni taqdim etadi:
- Yirik xalqaro rivojlanish tashkilotida ishlash;
- 50 dan ortiq turli mamlakatlarning tajribali mutaxassislari bilan hamkorlikda ishlash;
- 56 kunlik (8 hafta) davr davomida stipendiya
- Taraqqiyot moliyalashtirilishi va OTB bajarayotgan ishlarning taʼsiri haqida chuqurroq maʼlumotga ega boʻlish;
- Tadqiqot natijalari orqali OTB biznesiga oʻz hissasini qoʻshish.
Qoʻshimcha maʻlumotlar
Amaliyot dasturi 2022-yil Yanvar oyidan boshlanadi;
Dastur davomiyligi: 8 haftadan 26 haftagacha;
Agarda amaliyotchi Filippinda amaliyot o’tashni istasa, dastur faqat parvoz xarajatlarini qisman qoplab beradi. Boshqa xarajatlarni amaliyotchining o’zi qoplashi zarur, jumladan, yashash, transport, parvoz safarining qolgan qismi va boshqalar.
Qoʻshimcha savol va murojaatlar uchun: adbintern@adb.org