OTM pedagog xodimlari va talabalari uchun “Islohotlar bilimdoni” respublika koʻrik-tanlovi

Oliy taʼlim, fan va innovatsiyalar vazirligi huzuridagi Talaba va oʻquvchilarning ijtimoiy faolligini oshirish markazi taʼlim muassasalari pedagog xodimlari va talabalari oʻrtasida “Islohotlar bilimdoni” respublika koʻrik-tanlovini eʼlon qiladi. Tanlov gʻoliblari diplom va pul mukofotlari bilan taqdirlanadi.

Tanlov quyidagi nominatsiyalar boʻyicha oʻtkaziladi:

• Eng faol milliy gʻoya va maʼnaviyat targʻibotchisi (oliy taʼlim muassasasi pedagog xodimlari uchun);
• Maʼnaviy-maʼrifiy ishlar boʻyicha eng yaxshi kafedra (oliy taʼlim muassasasi pedagog xodimlari uchun);
• Eng yaxshi tyutori (oliy taʼlim muassasasi pedagog xodimlari uchun);
• Eng faol xotin-qizlar maslahat kengashi raisi (oliy taʼlim muassasasi pedagog xodimlari uchun);
• Eng faol islohotlar targʻibotchisi (oliy taʼlim muassasasi talabalari uchun).

Tanlovni oʻtkazishdan asosiy maqsad pedagog xodimlar va talabalarni mamlakatda oshirilayotgan ijtimoiy-siyosiy, iqtisodiy islohotlar toʻgʻrisida xabardor qilish, taʼlim muassasasi faoliyatining ochiqligi va oshkoraligini, axborot erkinligini taʼminlashdek demokratik islohotlarni chuqur oʻrganish va vatan ravnaqini taʼminlash yoʻlida amalga oshirilayotgan misli koʻrilmagan yutuqlarga nisbatan daxldorlik tuygʻusini, mafkuraviy immunitetni shakllantirishdir.

Ushbu keng tarmoqli ilmiy-maʼrifiy koʻrik-tanlovni oʻtkazish boʻyicha maxsus tashkiliy qoʻmita tuzilgan boʻlib, tanlovning adolatli oʻtishini taʼminlash maqsadida Hakamlar hayʼati ham tashkil etilgan. Tanlov natijalari OAVda eʼlon qilib boriladi.

Dastur haqida batafsil ushbu havola orqali maʼlumot olish mumkin.

• Tanlovda barcha oliy taʼlim muassasalarining pedagog xodimlari va talabalari qatnashishi mumkin;
• Nomzodlar tanlagan sohadagi muammolarni bartaraf etish boʻyicha innovatsion takliflarini taqdim etishlari kerak.

Oliy taʼlim muassasasi bosqichi boʻyicha saralash mezonlari:

• Nomzodning nominatsiya boʻyicha amalga oshirgan ishlarining samaradorligi va natijadorligi (50 ball) ;
• Sohaga doir test sinovi yoki suhbat (50 ball).

Respublika bosqichi boʻyicha saralash mezonlari:

• Tanlangan soha boʻyicha amalga oshirgan ishlardan eng yuqori deb topilgan 15 nafar ishtirokchi tanlanadi;
• Nomzodlar amalga oshirgan ishlari boʻyicha taqdimot (10-15 minut) taqdim etadi. Bunda 1, 2, 3-oʻrin gʻoliblari aniqlanadi.

Tanlov gʻoliblari diplom va pul mukofotlari bilan taqdirlanadi:

• 1-oʻrin uchun BHMning 45 barobari miqdorida pul mukofoti;
• 2-oʻrin uchun BHMning 40 barobari miqdorida pul mukofoti;
• 3-oʻrin uchun BHMning 35 barobari miqdorida pul mukofoti.

Tanlovda qatnashishni istaganlar 2023-yil 15-oktyabrga qadar OTMlardagi Yoshlar bilan ishlash, maʼnaviyat va maʼrifat boʻlimiga ariza bilan murojaat qilishlari va oʻzlari haqida kerakli hujjatlarni taqdim etishlari kerak.

Tanlovning respublika bosqichida ishtirok etish uchun taqdim etiladigan hujjatlar:

• Oliy taʼlim muassasasi rahbarining xati;
• Ariza anketasi;
• Ishlayotgani (oʻqiyotgani) toʻgʻrisida maʼlumotnoma;
• Gʻolib boʻlganini tasdiqlovchi hujjat nusxasi (diplom va bayon nusxasi);
• Hujjatlarning yigʻma jildi.

Eslatma: Respublika bosqichida ishtirok etish uchun oliy taʼlim muassasasi tomonidan 2023-yilning 20-oktyabr kuniga qadar (shu kuni ham) Respublika tashkiliy qoʻmitasiga taqdim etilmagan hujjatlar qabul qilinmaydi va koʻrib chiqilmaydi.

• Dastur haqidagi video bu yerda;
• Tanlovga hujjat topshirish uchun oxirgi muddat: 2023-yil, 15-oktyabr.

Tanlov 2 bosqichda oʻtkaziladi:

• Oliy taʼlim muassasasi bosqichi — ushbu bosqichda arizalar qabul qilinadi va nomzodlar saralanadi;
• Respublika bosqichi — ushbu bosqichda taqdim etilgan taqdimot asosida 1, 2, 3-oʻrin gʻoliblari aniqlanadi.

Dastur haqida quyidagi ijtimoiy tarmoqlar orqali maʼlumot olish mumkin:

• Telegram;
• Youtube.