OTM talabalari va "Bir million o'zbek dasturchisi" loyihasi bituruvchilari uchun The Global Best M-Gov Award mobil ilovalar tanlovi
-
01/12/2022 Qabul boshlanishi
-
Mukofot Moliyalash turi
-
Birlashgan Arab Amirliklari Davlat
-
10/01/2023 21:00 Oxirgi muddat
Umumiy maʻlumotlar
“M-Gov Award” Birlashgan Arab Amirliklari hukumati tomonidan Jahon hukumati sammiti doirasida taqdim etiluvchi yillik mukofot hisoblanadi. Ushbu mukofot mahalliy va global muammolarni hal qilish yoʻlida, insoniyatning porloq kelajagi uchun eng yangi texnologiyalardan foydalangan holda innovatsion yechimlarni ishlab chiqish yoʻlida izlanayotgan kashfiyotchi talabalar, tadqiqotchilar, davlat idoralari va muassasalari xodimlari, xususiy sektor kompaniyalari va startaplar uchun moʻljallangan.
“The Global Best M-Gov Award” dunyo boʻylab davlat yoki xususiy universitetlarda oʻqiyotgan talabalar va tadqiqotchilarga, shuningdek, “Bir million dasturchi”, shu jumladan, “Bir million oʻzbek dasturchilari” dasturi bitiruvchilariga taqdim etiladi.
Tanlov gʻoliblari 13-15-fevral kunlari Dubayda oʻtkaziladigan taqdirlash marosimida eʼlon qilinadi.
Dastur haqida batafsil bu yerda oʻqish mumkin.
Maqbullik shartlari
Tanlovda ikki xil kategoriyada qatnashish mumkin:
- Talabalar;
- “Bir million dasturchi” bitiruvchisi.
Eslatma: Oʻzbekistondan OTMlar talabalari va “One Million Uzbek Coders” kursi bitiruvchilari ishtirok etishlari mumkin.
Talaba kategoriyasida topshiruvchilar quyidagi shartlarga muvofiq kelishi lozim:
- Davlat yoki xususiy universitetlarda tahsil olayotgan boʻlish;
- Universitet vakolatli tashkilotlar tomonidan akkreditatsiyadan oʻtgan va tan olingan boʻlishi kerak;
- Yakka tartibda qatnashish mumkin emas. 2-6 kishilik jamoa talab etiladi;
- Bir OTMdan bir necha talabalar jamoasi ariza berishi mumkin;
- Bir jamoa bir necha marta ariza joʻnata oladi;
- Mobil ilovalar va muammoga yechimlar universitet talabalarning oʻzlari tomonidan ishlab chiqilishi kerak;
- Barcha taqdimnomalar mobil ilovaning asosiy xususiyatlari va afzalliklarini tushuntiruvchi videoni oʻz ichiga olgan boʻlishi kerak;
- Barcha ilovalarning dasturiy taʼminotni quyidagi rasmiy vositalaridan birida ishlaydigan yoki simulyatsiya qilingan ishchi paketni oʻz ichiga olishi kerak:
- IOS uchun: https://developer.apple.com/devcenter/ios/index.action
- Android uchun: http://developer.android.com/tools/index.html
“Bir million dasturchi” bitiruvchisi kategoriyasida qatnashish uchun:
- Bu dasturning bitiruvchisi ekanligini tasdiqlovchi sertifikat taqdim etilishi kerak;
- Ilova kursda oʻqiyotgan paytida yoki undan keyin ishlab chiqilgan yoki ishga tushirilganligi isbotlanishi kerak;
- Barcha taqdimnomalar mobil ilovaning asosiy xususiyatlari va afzalliklarini tushuntiruvchi videoni oʻz ichiga olgan boʻlishi kerak;
- Barcha ilovalarning dasturiy taʼminotni quyidagi rasmiy vositalaridan birida ishlaydigan yoki simulyatsiya qilingan ishchi paketni oʻz ichiga olishi kerak:
- IOS uchun: https://developer.apple.com/devcenter/ios/index.action
- Android uchun: http://developer.android.com/tools/index.html
Foydali tomonlari
- 1-oʻrin: 1 million dirham BAA ($272 000);
- 2-oʻrin: 500 ming dirham BAA ($136 000);
- 3-oʻrin: 250 ming dirham BAA ($68 000).
Qoʻshimcha maʻlumotlar
Tanlov taassurotlar video va fotolar gallereyasida ham aks etgan.
Aloqa uchun:
- info@govtechprize.ae
- P.O. Box 212000,Dubai – UAE