Oʻz biznesini rivojlantirmoqchi boʻlgan yoshlar uchun WeRISE Business Accelerator ijtimoiy tadbirkorlik dasturi. Umumiy mukofot qiymati — $34,000!

FinTech Association Uzbekistan tomonidan tashkillashtirilayotgan WeRISE Business Accelerator yosh tadbirkorlarni qoʻllab-quvvatlash va ularni yoʻnaltirish uchun moʻljallangan dastur hisoblanadi. Dasturda biznes rejasi ijtimoiy, madaniy va ekologik muammolarni yechishga qaratilgan barcha yosh tadbirkorlar ishtirok etishlari mumkin. Dastur uch kun davomida, ingliz tilida boʻlib oʻtadi va unda saralangan kompaniyalar, Silikon vodiysidan maxsus maʼruzachilar, shuningdek, AQShdan sarmoyadorlar ishtirok etadilar. Tanlov soʻnggida 5 ta kompaniyaga umumiy qiymati 34,000 AQSh dollari miqdoridagi moliyaviy mukofot ajratiladi.

Dasturga qabul jarayoni 2024-yil 10-aprelgacha davom etadi.

Dastur haqida ushbu havola orqali batafsil maʼlumot olish mumkin.

Dasturda qatnashish uchun quyidagi talablar mavjud:

• Dasturda oʻz biznesiga ega, uni rivojlantirish va davom ettirishni xohlagan nomzodlar ariza topshirishlari mumkin;
• Ishtirokchilarning biznes rejasi ijtimoiy, madaniy va ekologik muammolarni yechishga qaratilgan boʻlishi lozim;
• Dastur ingliz tilida olib boriladi va ishtirokchilar prezentatsiyalarini ingliz tilida taqdim qila olishlari lozim. Shuning uchun ingliz tilini yetarli darajada bilish talab qilinadi.

Dastur talablari haqida ushbu havola orqali qoʻshimcha maʼlumot olish mumkin.

Dasturda qatnashishning quyidagi foydali jihatlari mavjud:

• Ishtirokchilar oʻz bizneslarni rivojlantirish uchun yordam va maslahatlar olish imkonini qoʻlga kiritadilar;
• Dastur doirasida 3 kunlik trening oʻtkaziladi va bu jarayonda saralangan kompaniyalar, Silikon vodiysidan maxsus maʼruzachilar, shuningdek, AQShdan sarmoyadorlar ishtirok etadilar;
• Dastur davomida 5 ta kompaniya quyidagicha moliyaviy ragʻbatlantiriladi:

1. Birinchi oʻrin- $15,000;

2. Ikkinchi oʻrin- $10,000;

3. Uchinchi oʻrin- $5,000;

4. Toʻrtinchi oʻrin- $2,500;

5. Beshinchi oʻrin- $1,500;

Dasturga qabul 2024-yil 10-aprelga qadar davom etadi va ariza topshirish jarayonida quyidagilar soʻraladi:

• Loyiha nomi;
• Aloqaga chiqiladigan insonning maʼlumotlari;
• Biznes xizmati yoki mahsulotining taʼrifi;
• Nomzodning biznesini rivojlantirishdagi qarashlari (maksimum 150 soʻz, Word faylida);
• Erishgan yutuqlari (sotuvlar, xaridor ishonchnomasi, hamkorliklar va boshqalar).

Dasturga ushbu havola orqali ariza topshirish mumkin.

Qo'shimcha savollar tug'ilgan taqdirda ushbu havola orqali javob olish mumkin. 

FinTech Association Uzbekistan haqida ushbu havola orqali ma'lumot olish mumkin.