Oʻz gʻoyasi yoki startap loyihasini rivojlantirmoqchilar uchun 8 haftalik RS Incubation dasturi

Markaziy Osiyo davlatlaridan boʻlgan, oʻz gʻoyasi yoki startap loyihasiga ega jamoalar uchun 8 haftalik RS Incubation dasturi taqdim etiladi. Ushbu loyiha Amerika Qoʻshma Shtatlari Xalqaro Taraqqiyot Agentligining (USAID) yordami tufayli amalga oshirilmoqda.

Dastur 2024-yil 26-iyundan 20-avgustgacha onlayn tarzda oʻtkazilishi rejalashtirilgan. Jami 40 ta eng yaxshi deb topilgan startaplar dasturga qabul qilinadi.

Dastur doirasida oʻrgatiladigan Lean Canvas metodologiyasi yordamida jamoalar oʻzining biznes modelining gipotezalarini tuzishi va ularni tizimli ravishda sinab koʻrishi mumkin. Ishtirokchilarga “Gʻoyadan startapgacha 16 qadam” kursi taqdim etilishi eng yaxshi imkoniyatlardan biri hisoblanadi. Kursda gʻoyani toʻliq koʻrib chiqish, uning imkoniyat darajalarini tahlil qilish va gʻoyani toʻliq daromadli biznesga aylantirish oʻrgatiladi. Ishtirokchilar platformaning oʻzida LeanCanvas vositasi yordamida biznes modelini yaratishlari mumkin boʻladi.

Dastur haqida batafsil ushbu havola orqali maʼlumot olish mumkin.

• Markaziy Osiyo davlatlaridan boʻlgan barcha fuqarolar qatnashishi mumkin (jumladan, Oʻzbekiston);
• Dasturda oʻz gʻoyasi yoki startap loyihasiga ega jamoalar ishtirok etishi kerak;
• Ingliz va rus tilini dasturda qatnashish darajasida bilish lozim (sertifikat soʻralmaydi).

• Dasturda bepul qatnashish mumkin;
• Gʻoyalar tahlili uchun haftalik uchrashuvlar tashkil etiladi;
• Yetakchi mutaxassislar bilan startap yaratish boʻyicha mashgʻulotlar oʻtkaziladi;
• “Gʻoyadan startapgacha 16 qadam” mualliflik kursi taqdim etiladi;
• Startaplar uchun xavflarni kamaytirish va gʻoyalarini amalda tezlikda sinab koʻrishga yordam beradigan maxsus Lean Canvas metodologiyasi oʻrgatiladi;
• Ishtirokchilar oʻz biznes gʻoyalarini rivojlantirish va takomillashtirishga yordam beradigan tajribali ekspertlar maslahatidan foydalanishlari mumkin;
• Oʻz loyihasini keng omma oldida namoyish qilish va investorlar bilan hamkorlik oʻrnatish imkoniyati;
• Barcha qatnashchilarga kerakli resurslarga kirish imkoni beriladi;
• Dasturni muvaffaqiyatli tugatgandan soʻng, nomzod kengaytirilgan, tezlashtirib oʻtiladigan dasturga ariza berish imkoniyatiga ega boʻladi;
• RS Bootcamp boshqaruv hamkorlari Aset Dosymxanov va Andrey Kryukov bilan uchrashuvlar.

Hujjat topshirish quyidagi bosqichlardan iborat:

1. Onlayn ariza topshiriladi.
2. Saralangan nomzodlar bilan suhbat oʻtkaziladi.

Ariza topshirishda quyidagilar soʻraladi:

• Gʻoya yoki startap loyihasi nomi;
• Jamoa boshligʻining shaxsiy maʼlumotlari;
• Gʻoya yoki startapning qisqacha tavsifi (3 tagacha taklif);
• Jamoa aʼzolari soni;
• Gʻoya yoki startap taqdimot koʻrinishida (Pitch Deck) yuklanadi;
• Jamoada masʼuliyati cheklangan jamiyat yoki yakka tartibdagi tadbirkor bor yoki yoʻqligi koʻrsatiladi;
• Quyidagi savollarga batafsil javob berilishi kerak:
  • Есть ли потенциал роста на рынке? Можно ли его измерить? (Bozorda oʻsish potensiali bormi? Buni oʻlchash mumkinmi?);
  • Является ли выбранная проблема в настоящее время недостаточно решенной? (Tanlangan muammo hozirda yetarlicha hal etilmaganmi?).

Maʼlumot uchun: Pitch deck — bu yaratilgan gʻoya yoki loyihaning tarixiga bagʻishlangan qisqa taqdimot. Taqdimot odatda investorlarning eʼtiborini jalb qilish va ularni loyihaga sarmoya kiritishga undash uchun yaratiladi.

• Takroran soʻraladigan savollarga javob bu yerda;
• E-mail: info@rsbootcamp.com;
• Tel: +7 705 206 2948.

Muhim sanalar:

• Dasturga hujjat topshirish uchun oxirgi muddat: 23-iyun, 2024-yil;
• Saralanganlar bilan suhbat: 24-25-iyun, 2024-yil;
• Natijalar eʼlon qilinadi: 25-iyun, 2024-yil;
• Dastur boshlanadi: 26-iyun, 2024-yil.

Quyidagi ijtimoiy tarmoqlar orqali qoʻshimcha maʼlumot olish mumkin:

• Instagram;
• WhatsApp;
• Linkedin.