Oʻz startap loyihasiga ega tadbirkorlar uchun Qozogʻistonda oʻtkaziladigan 3 kunlik xalqaro forum — Kazakhstan ESG Forum 2024
-
03/01/2024 Qabul boshlanishi
-
Mukofot Moliyalash turi
-
Qozogʻiston Davlat
-
24.01.2024 Oxirgi muddat
Umumiy maʻlumotlar
Apple Events Group va MOST Media hamjamiyati Tech Garden va Kcell bilan hamkorlikda oʻz startap loyihasiga ega jamoalar va tadbirkorlar uchun Qozogʻistonda oʻtkaziladigan 3 kunlik Kazakhstan ESG Forum — 2024 xalqaro forumini taqdim etadi.
Forum 2024-yil 1-fevraldan 3-fevralgacha Qozogʻistonning Olmaota shahrida oʻtkaziladi. Unga 50 mingdan ortiq ishtirokchilar kelishi kutilmoqda.
Forum doirasida quyidagi tadbirlar tashkil qilinadi:
- Industry 4.0 Statup Battle — bu dastur doirasidagi startap loyihalari boʻyicha eng yirik tanlov hisoblanadi. Umumiy mukofot jamgʻarmasi 150 ming AQSh dollarni tashkil qiladi. Startaplar quyidagi yoʻnalishlarda raqobatlashadilar:
- Digital Oil Field;
- ESG;
- Smart Mining.
- Startup District & Industry X — bu Markaziy Osiyodagi eng yirik tadbirda oʻz loyihasini potensial investorlar va xalqaro auditoriga koʻrsatishni istaganlar uchun tadbir boʻlib, unda ishtirokchilar oʻz loyihalarini stend koʻrinishida namoyish qiladilar.
Dastur quyidagi vazifalarni bajaradi:
- Yetakchi ekspertlardan soha boʻyicha eng soʻnggi yangiliklarini oʻz ichiga olgan boy biznes dasturini taqdim etish;
- Innovatsiyalar, texnologiya, sanoat va turli sohalardagi yetakchi kompaniyalarni namoyish qiluvchi yirik koʻrgazma tashkil qilish;
- Robototexnika chempionatidan tortib Qozogʻistondagi eng yirik startap loyihalari bellashuvigacha boʻlgan turli madaniy va koʻngilochar dasturlar oʻtkazish.
Maʼlumot uchun: Digital Almaty xalqaro forumi barqaror rivojlanish strategiyalari, ekologik va ijtimoiy sohadagi innovatsion yechimlar, shuningdek, korporativ boshqaruvning soʻnggi tendensiyalarini muhokama qilish uchun yetakchi ekspertlar, biznes va siyosat vakillarini birlashtiradigan anʼanaviy muloqot maydonidir. Dastur 2018-yildan beri oʻtkazilib kelinmoqda.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturda oʻz startap loyihasiga ega tadbirkorlar qatnashishi mumkin;
- Ingliz va/yoki rus tilini dasturda qatnashish darajasida bilish lozim.
Taklif qilinayotgan loyihalarga qoʻyilgan talablar:
- Loyihalar innovatsion va investitsiya qilishga tayyor koʻrinishda boʻlishi;
- PMF yoki Scale bosqichida yaratilishi;
- Manfaatdor mijozlari mavjudligi;
- Oʻz biznes modeliga ega boʻlishi kerak.
Foydali tomonlari
- Dasturda bepul qatnashish mumkin;
- Industry 4.0 Statup Battle musobaqasi gʻoliblari pul mukofoti bilan taqdirlanadi.
- “Digital Oil Field” nominatsiyasi uchun — $15 000;
“ESG” nominatsiyasi uchun — $15 000; - “Smart Mining” nominatsiyasi uchun — $15 000.
- Oʻz loyihasini xalqaro auditoriya oldida namoyish qilish imkoniyati (stend koʻrinishida);
- Mahalliy va xalqaro sanoat vakillari, potensial mijozlar hamda investorlar bilan aloqa oʻrnatish mumkin;
- 200 dan ortiq soha mutaxassislardan bilim olish imkoniyati;
- Spiker va tinglovchilar oʻrtasida 40 dan ortiq panel sessiyalari oʻtkaziladi;
- Dastur doirasida 300 dan ortiq koʻrgazmalar tashkil qilinadi.
Qoʻshimcha maʻlumotlar
Muhim sanalar:
- Ariza topshirish: 3-yanvardan 24-yanvargacha;
- Qatnashuvchilar eʼlon qilinadi: 24-yanvardan 27-yanvargacha.
Tel: +77273122863;
Email: info@almatydigital.kz.