Ozarbayjon hukumati tomonidan bakalavr, magistratura va doktorantura bosqichida o‘qish uchun to‘liq moliyalashtiruvchi ta’lim dasturi

Ozarbayjon davlati “Islom hamkorlik tashkilotiga” hamda “Qoʻshilmaslik harakati” ga a’zo mamlakat fuqarolari uchun taʼlim granti dasturini e’lon qiladi. Dastur Ozarbayjon davlat  universitetlarining bakalavr, magistratura, doktorantura, umumiy tibbiyot, rezidentura dasturlarida o‘qish imkoniyatini beradi. 

Dasturga har yili 40 nafar nomzod qabul qilinib, ular Ozarbayjonning yetakchi universitetlarida istalgan fanni o‘rganish imkoniyatiga ega bo‘lishadi. Shuningdek, muvaffaqiyatli nomzodlar kontrakt pulidan ozod qilinadi hamda oylik stipendiya bilan ta’minlanadi. 

Dastur bilan batafsil ushbu havola orqali batafsil tanishib chiqish mumkin.

Dasturga nomzodlar quyidagi talablarga  javob berishlari kerak:

• Islom hamkorlik tashkilotiga a’zo davlat fuqarosi bo‘lishi (O‘zbekiston bu tashkilotga a’zo);
• Bakalavr va umumiy tibbiyot dasturi uchun bo‘lgan nomzodlar 25 yoshdan, magistratura va rezidentlik dasturi uchun 30 yoshdan va doktorantura bosqichi uchun esa  40 yoshdan kichik bo‘lishlari kerak;
• Ingliz tilini bilish darajasini tasdiqlovchi sertifikat bakalavr bosqichi uchun IELTS 5.0, TOEFL 40; boshqa dasturlar uchun IELTS 5.5, TOEFL 50 bo‘lishi kerak (til bilish sertifikati majburiy emas, ammo sertifikati bor nomzodlarga ustunlik beriladi).

Dastur maqbullik shartlari bilan ushbu havola orqali batafsil tanishib chiqish mumkin.

Dasturga qabul qilinganlar quyidagi imtiyozlarga ega bo‘ladilar:

• Oyiga AZN 800 stipendiya (~$470);
• Kontrakt to‘lovi qoplanadi;
• Borib-kelish xarajatlari;
• Tibbiy sug‘urta;
• Viza va ro‘yxatdan o‘tish xarajatlari qoplanadi.

Dastur imtiyozlari bilan ushbu havola orqali batafsil tanishib chiqish mumkin.

Qabul muddati uzaytirildi!

Nomzodlar o‘z davlatlarining  tegishli davlat idoralari (vazirliklar, elchixonalar va boshqalar) tomonidan Ozarbayjon Respublikasining elchixonalari yoki Tashqi ishlar vazirligiga rasman tavsiya qilinishlari kerak.

Hujjat topshirish bo‘yicha batafsil ma’lumotni Ozarbayjonning O‘zbekistondagi elchixonasidan olish mumkin. 

Nomzodlar ariza to‘ldirayotganlarida o‘z xohishlaridan kelib chiqqan holda ro‘yxatda keltirilgan universitetlardan 3 tasini  belgilashlari kerak so‘raladi.

Hujjat topshirishda quyidagilar so‘raladi:

• Ariza shakli;
• Nomzodning bugungi kungacha olgan ta’limi (maktab/kollej/universitet)to‘g‘risida ma’lumotnomalar va baholari  ingliz tiliga tarjima qilingan va notarial tasdiqlangan holda topshirilishi kerak. Agar hujjatlar rus tilida bo‘lsa ingliz tiliga tarjima qilinmasdan notarial tasdiqlangan shaklda topshirilishi mumkin; 
• Pasport nusxasi;
• Nomzodning salomatligi yaxshiligi hamda OITS, gepatitning barcha turlari bo‘yicha ijobiy natijalarni ko‘rsatuvchi ma’lumotnoma. Ushbu ma’lumotnomalar ingliz tiliga tarjima qilingan va rasmiy  tasdiqlangan bo‘lishi kerak;
• CV/Rezyume;
• Motivatsion xat.

Ushbu havola orqali arizani topshirish bo‘yicha ko‘rsatma bilan tanishib chiqish mumkin.
Hujjatlarni ko‘rib chiqish jarayonidan so‘ng nomzodlar bilan onlayn intervyu o‘tkaziladi. Faqat dasturga qabul qilingan nomzodlar bilan bog‘laniladi.

Qo‘shimcha ma’lumotlar:

• Natijalar avgust oyining boshlarigacha e’lon qilinadi;
• Tez-tez so‘raladigan savollar;
• Email: scholars@mfa.gov.az;
• Tel:(+994 12) 5969376;
• www.mfa.gov.az | www.aida.az;
• Dastur bilan  Call for Application, Guidelines for international Students, General Application Form, Instructions for Submitting Application Form havolalari orqali batafsil tanishish mumkin.