Ozarbayjon shoiri Nizomiy Ganjaviyning 880 yilligiga bagʻishlangan xalqaro insholar tanlovi. Dastlabki uch o'rin pul mukofoti bilan taqdirlanadi

Buyuk ozarbayjon shoiri va faylasufi Nizomiy Ganjaviyning 880 yilligi munosabati bilan ICYF — Islom hamkorlik tashkiloti Xalqaro insholar tanlovini eʼlon qiladi.

Tanlovning maqsadi yoshlarga ozarbayjon shoiri va mutafakkiri Nizomiy Ganjaviyning musulmon madaniyatidagi oʻrni haqida maʼlumot berish, shuningdek, uning merosini yoshlarga oʻrgatish, va ular oʻrtasida keng targʻib qilish va umummaʼrifiy ishlarni tashkil etishdan iborat.

Tanlovda ishtirok etish uchun nomzodlar “Nizami-poet for all humanity” mavzusida kamida 700, koʻp bilan 1500 soʻzdan iborat insho yozishi lozim.

Tanlov yakunida 5 nafar eng yaxshi yozilgan insho mualliflari pul mukofoti bilan taqdirlanadi.

• Tanlovda Islom hamkorlik tashkilotiga (IHT) aʼzo davlatlarining (Oʻzbekiston ham mavjud) 16-36 yoshdagi barcha fuqarolar qatnashishi mumkin;
• Insho ingliz tilida “Nizami-poet for all humanity” mavzusida yozilgan boʻlishi kerak.

Umumiy hisobda 5 nafar gʻolib aniqlanadi:

• 1-oʻrin gʻolibi $300 ;
• 2-oʻrin uchun $200 ;
• 3-oʻrin uchun $150 miqdorida pul mukofot oladi.
• Ikki nafar alohida eʼtirof etilgan ishtirokchilar $100 miqdoridagi maxsus sovgʻalarga ega boʻladi.

Taqdirlash marosimi onlayn tarzda oʻtkaziladi. Taqdirlash marosimi sanasi haqida xabar beriladi.

Barcha insholar faqat ingliz tilida Microsoft Word dasturida Times New Roman, 14 shrift hajmda yozilgan boʻlishi va kamida 700, koʻpi bilan 1500 soʻzdan iborat DOC fayl koʻrinishida ushbu havolaga yuklangan boʻlishi kerak.

Insholar ushbu elektron pochta orqali oxirgi muddatdan kechiktirmay yuborish ham mumkin.

Insholar quyidagi mezonlar asosida baholanadi:

• Oʻziga xosligi — gʻoyalarning oʻziga xosligi, yangiligi va haqiqiyligi;
• Keng qamrovliligi — yozuvchining (ishtirokchi nazarda tutilgan) mavzuni qanchalik toʻliq va batafsil koʻrsatishi;
• Inshoni oʻz vaqtida koʻrsatilgan veb-sayt yoki elektron pochta orqali yuborilganligi.

Qoʻshimcha savol va murojaatlar uchun: projects@icyf-erc.org

Gʻoliblar haqidagi eʼlon ICYF-ERC ijtimoiy media sahifalarida 2021-yil dekabr oyi oxirigacha eʼlon qilinadi:

Facebook: https://www.facebook.com/icyferc/

Instagram: https://www.instagram.com/icyferc/

Twitter: https://twitter.com/icyferc