Ozarbayjonda barcha bosqichlarni xarajati qoplangan holda oʻqish imkoniyati — Azerbaijan Government Study Scholarship

Ozarbayjon Respublikasi Tashqi ishlar vazirligi va Fan va taʼlim vazirligi tomonidan xalqaro talabalar uchun grant dasturi — Azerbaijan Government Study Scholarship taqdim etiladi. Dastur doirasida har yili 100 ta taʼlim granti ajratiladi.

Ushbu grant dasturi xorijiy fuqarolarning Ozarbayjon oliy taʼlim muassasalarida taʼlim olishini qoʻllab-quvvatlash maqsadida tashkil etilgan.

Quyidagi taʼlim darajalarida oʻqish uchun uchun grant beriladi:

• Bachelorʼs Program;
• General medicine Program;
• Masterʼs Program;
• Medical Residency Program;
• Doctoral (PhD) Program.

Grant 2026–2027 oʻquv yilidan boshlab 5 yil davomida har yili taqdim etiladi va hamda oʻquv yili 2026-yil 15-sentyabrdan boshlanishi rejalashtirilgan.

Maʼlumot uchun: Ushbu grant dasturi yana Heydar Aliyev International Education Grant Program ham deb ataladi. Chunki dastur Ozarbayjonning Milliy yetakchisi Heydar Aliyev xotirasiga bagʻishlangan.

Dastur Ozarbayjon Respublikasi Prezidenti Ilhom Aliyevning 2023-yil 8-iyuldagi farmoni bilan tashkil etilgan boʻlib, tanlab olingan nomzodlarga Ozarbayjonning yetakchi universitetlarida tayyorlov kurslari, bakalavriat, magistratura, doktorantura, umumiy tibbiyot hamda tibbiyot rezidenturasi dasturlarida tahsil olish uchun ajoyib imkoniyat yaratadi.

Dastur haqida batafsil ushbu havola orqali maʼlumot olish mumkin.

• Bosqichlar uchun qoʻyilgan yosh talablariga javob berish kerak:
  • Bakalavriat va umumiy tibbiyot dasturlari uchun 2026-yil 15-sentyabr holatiga koʻra 35 yoshdan kichik xorijiy fuqarolar;
  • Magistratura va tibbiyot rezidenturasi dasturlari uchun 2026-yil 15-sentyabr holatiga koʻra 40 yoshdan kichik xorijiy fuqarolar;
  • Doktorantura dasturlari uchun 2026-yil 15-sentyabr holatiga koʻra 45 yoshdan kichik xorijiy fuqarolar.
• Taʼlimni ingliz tilida oʻqishni istaganlar uchun til bilish talablari (bunda oldingi taʼlimning oʻqitish tili ingliz tili boʻlishi kerak):
  • Bakalavriat dasturlari uchun: minimal IELTS 5 (TOEFL 40);
  • Magistratura va undan yuqori dasturlar uchun: minimal IELTS 5.5 (TOEFL 50).
• Taʼlimni rus tilida oʻqishni istaganlar til bilish darajasini tasdiqlovchi hujjat yoki oldingi taʼlimning oʻqitish tili rus tili boʻlganligini tasdiqlovchi hujjat taqdim etishi lozim;
• Taʼlimni turk tilida oʻqishni istaganlar til bilish darajasini tasdiqlovchi hujjat yoki oldingi taʼlimning oʻqitish tili turk tili boʻlganligini tasdiqlovchi hujjat taqdim etishi kerak;
• Taʼlimni ozarbayjon tilida oʻqishni istaganlar til bilish darajasini tasdiqlovchi hujjat ingliz, rus yoki turk tili uchun boʻlishi yoki oldingi taʼlimning oʻqitish tili ingliz, rus yoki turk tilida boʻlganligini tasdiqlovchi hujjat taqdim etishi lozim;
• Tanlangan universitetning ichki talablariga javob berish talab qilinadi;
• Universitetga qabul qilingan nomzodlar talaba vizasini olishlari kerak.

Eslatma: Koʻplab universitetlar nomzodni talab etilgan darajaga yetishishi uchun tayyorlov (til) kurslarini taklif qiladi.

Ozarbayjon Respublikasi fuqarolari yoki Ozarbayjon fuqaroligi bekor qilingan shaxslar grant uchun koʻrib chiqilmaydi.

• Oʻqish xarajatlari qoplanadi;
• Aviachipta bilan taʼminlanadi;
• 800 AZN (~$470) miqdorida oylik stipendiya beriladi;
• Tibbiy sugʻurta uchun 200 AZN (~$117) ajratiladi;
• Viza uchun yordam beriladi;
• Kerakli turar joy topishda koʻmaklashiladi;
• Amaliyot imkoniyatlari taqdim etilishi mumkin.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishdan oldin quyidagilar soʻraladi (bu maxsus jamoa nomzod bilan aloqaga chiqishiga yordam beradi):

• Shaxsiy maʼlumotlar;
• Aloqa maʼlumotlari;
• Taʼlim tili (rus, ingliz yoki ozarbayjon tili);
• Taʼlim darajasi;
• Manzil.

Ariza topshirishda quyidagilar taqdim etilishi kerak:

• Toʻldirilgan ariza shakli;
• Diplom va akademik transkriptlar;
• Amal qiluvchi pasport nusxasi;
• Tibbiy maʼlumotnoma nusxasi (shu jumladan HIV/AIDS, Gepatit B/C testlari);
• CV/Rezyume;
• Til bilish darajasini tasdiqlovchi hujjat;
• Motivatsion xat;
• Mahalliy va xalqaro mukofotlar (agar mavjud boʻlsa).

Ariza topshirish bosqichlari:

1. Ozarbayjonda taʼlim boʻyicha bogʻlaniladi.
2. Konsultant yordamida kerakli dastur va universitet tanlanadi.
3. Ariza topshirish uchun hujjatlar toʻplami tayyorlanadi.
4. Suhbat oʻtkaziladi (zarurat boʻlsa).
5. Qabul xati olinadi.
6. Talaba vizasi uchun ariza beriladi va turar joy topiladi.

Eslatma: Ayrim taʼlim dasturlari qoʻshimcha hujjatlar yoki suhbat (intervyu) talab qilishi mumkin.

Faqat birinchi bosqichda oʻz mamlakati tomonidan rasmiy ravishda nomzod sifatida tavsiya etilgan arizalar grant dasturi boʻyicha baholash jarayonidan oʻtkaziladi.

• Tel: +994 10 228 00 94;
• Email: office@studyinazerbaijan.edu.az.

Muhim sanalar:

• Dasturga hujjat topshirish uchun oxirgi muddat: 15-aprel 2026-yil;
• Nomzodlarni tegishli hukumat organlari tomonidan koʻrib chiqish va baholash: 2026-yil 16-apreldan 16-maygacha;
• Arizalarni SIACAS (Study in Azerbaijan Centralized Admission Service) tizimida roʻyxatdan oʻtkazish (ikkinchi bosqich): 2026-yil 18-maydan 1-iyungacha;
• Nomzodlarni koʻrib chiqish va baholash: 2026-yil 1-iyundan 1-iyulgacha;
• Tanlangan nomzodlarga xabar berish: 2026-yil 1-iyuldan 1-avgustgacha;
• Oʻquv yili boshlanishi: 2026-yil 15-sentyabr;
• Ozarbayjon Respublikasiga kelish uchun oxirgi sana: 2026-yil 30-sentyabr.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• Telegram.