Ozarbayjonda barcha xarajatlari qoplanadigan Changemakers Summit Azerbaijan 2025 dasturi

Ozarbayjonning Boku shahrida 2025-yilning 11-14-aprel kunlari Changemakers Summit Azerbaijan 2025 xalqaro sammiti bo‘lib o‘tadi. 4 kun bo‘lib o‘tadigan sammit butun dunyodan bo‘lgan yosh yetakchilarni jamlaydi. Global rivojlanish siyosatini shakllantirish maqsadida tashkillashtirilgan ushbu sammit davomida seminarlar, munozaralar va madaniy almashinuvlar bo‘lib o‘tadi. Dasturda 16-45 yosh oralig‘idagi barcha davlat fuqarolari va keng soha vakillari qatnashishlari mumkin. Dasturda to‘liq, qisman va moliyalashtirilmaydigan grant orqali qatnashish imkoni mavjud. To‘liq moliyalashtiriladigan grant nomzodlarning barcha xarajatlarini qoplaydi. 

Dasturga ariza topshirish jarayoni 2025-yil 22-fevralgacha davom etadi. 

Dastur haqida ushbu havola orqali to‘liq ma’lumot olish mumkin. 

Dasturda ishtirok etish uchun quyidagi talablar mavjud: 

• Dasturda 16-45 yosh oralig‘idagi barcha davlat fuqarolari qatnashishlari mumkin;
• Talabalar, soha mutaxassislari, ijtimoiy xodimlar, yoshlar himoyachilari, sog‘liqni saqlash sohasi vakillari, siyosatchilar, trenerlar, inson huquqlari himoyachilari, tinchlik elchilari, ko‘ngillilar, shijoatli yosh yetakchilar va ijtimoiy faollar dasturda qatnashishlari mumkin. 

To‘liq moliyalashtiriladigan grantni qo‘lga kiritgan nomzodlarga quyidagi imkoniyatlar taqdim etiladi: 

• Yo‘l xarajatlari;
• 4/5 yulduzli turar-joy va ovqatlanish xarajatlari qoplanadi;
• Dasturlarda qatnashish;
• Rasmiy sertifikat va mukofot;
• Xalqaro spiker bo‘lish imkoni;
• Buyuk Britaniyadagi bosh ofisda ishlash imkoni;
• Birlashgan Millatlarga kirish imkoni;
• Dastur mahsulotlari;
• Mahalliy an’ana va marosimlarni ko‘rish;
• Xalqaro jurnalda o‘z hikoyasini chop etish imkoni. 

Qisman moliyalashtiriladigan grantni qo‘lga kiritgan nomzodlarga quyidagi imkoniyatlar taqdim etiladi: 

• Qisman moliyalashtiriladigan grant nomzodlarning yo‘l xarajatlaridan tashqari, to‘liq moliyalashtiriladigan grant beradigan barcha imkoniyatlarni taqdim etadi. 

Moliyalashtirilmaydigan grant uchun ishtirokchilar £395 miqdoridagi to‘plamni sotib olishlari kerak bo‘ladi va bu quyidagi imkoniyatlarni taqdim etiladi: 

• Yuqoridagi miqdor to‘langan taqdirda moliyalashtirilmaydigan grant nomzodlarning yo‘l xarajatlaridan tashqari, to‘liq moliyalashtiriladigan grant beradigan barcha imkoniyatlarni taqdim etadi. 

Dasturga ariza topshirish jarayoni 2025-yil 22-fevral soat 23:59 gacha, O‘zbekiston vaqti bilan esa 23-fevral 04:59 gacha davom etadi. Dasturga ushbu havola orqali ariza topshirish mumkin va bu jarayonda quyidagilar so‘raladi: 

• Shaxsiy ma’lumotlar;
• Rasm;
• Pasport;
• Dastur bilan bog‘liq ba’zi savollarga insho shaklida 250 so‘zdan oshmagan javoblar;
• Dastur shartlariga rozilik;
• Dastur badali. 

Eslatma! Dasturga ariza topshirish uchun £18.75 miqdorida badal puli mavjud. Dastur natijalari 2025-yil 27-28-fevral kunlari e’lon qilinadi.

Dastur haqida quyidagi ijtimoiy tarmoqlar orqali ham ma’lumot olish mumkin:

-Facebook;

-Instagram;

-You Tube;

-LinkedIn;

-Twitter.