Ozarbayjonning Boku shahrida iqlim oʻzgarishi boʻyicha tоʼliq mоliyalashtiriladigan 11 kunlik xalqaro konferensiya — COP29 dasturi

Konferensiya To'liq moliyalash

Telegram kanalimizni kuzatib boring

Obuna bo’lish

Mundarija

Tavsif

2024-yil 11-22-noyabr kunlari Ozarbayjonning Boku shahrida IOM COP29 Youth Delegates on Climate Migration dasturi tashkil qilinadi.

Dasturda iqlim oʻzgarishi va migratsiya masalalari boʻyicha turli mavzularda global muhokamalar va kelishuvlar amalga oshiriladi. Unda 18 yoshdan 30 yoshgacha boʻlgan iqlim oʻzgarishi va migratsiya masalalariga qiziquvchi va bu borada yetakchilik faoliyatini olib borgan yoshlar ishtirok etishlari mumkin. Dastur bu borada tajriba oshirish hamda dolzarb masalalarni global miqyosda tahlil qilish hamda boʻlishish uchun ajoyib imkoniyat hisoblanadi.

Dastur besh kategoriyada olib boriladi va jami 20 nafar ishtirokchi saralab olinadi va tоʼliq mоliyalashtiriladi. Ishtirokchilar iqlim oʻzgarishi va migratsiya masalalaridagi soʻnggi oʻzgarishlar, mashaqqatlar va yangiliklar toʻgʻrisida maʼlumotlarga ega boʻlish va ularning inson huquqlari, rivojlanish va tinchlikka boʻlgan aloqadorligini oʻrganish imkoniga ega boʻlishadi.

Dasturga qabul jarayoni 2024-yil 20-avgustgacha davom etadi.

Dastur haqida ushbu havola orqali toʻliq maʼlumot olish mumkin.

Kimlar uchun mo'ljallangan

Dasturda qatnashish uchun quyidagi talablar mavjud:

Qatnashchilar 18-30 yosh oraligʻida boʻlishlari lozim;
Chet elga chiqish uchun hujjatlari tayyor boʻlishi va dastur oʻtkaziladigan kunlari Ozarbayjonga yetib kela olish imkoniga ega boʻlishlari zarur;
Migratsiya, iqlim oʻzgarishi, ayniqsa, bu doiradagi quyidagi mavzularga qiziqishlari yoki tajribaga ega boʻlishlari kerak: fuqarolar mobilligi, ofatlar xavfini kamaytirish, moslashish, muammolarni yumshatish, bardoshlilik, inson huquqlari, gender, yoshlar imkoniyatlarini kengaytirish, suv tanqisligi, xavfsizlik, tinchlik, shahar va qishloq dinamikasi hamda ijtimoiy tenglik;
Oʻz yurtida migratsiya va iqlim oʻzgarishi masalalarida yetakchi boʻlishi va shu borada turli faoliyatlarni amalga oshirgan boʻlishi kerak;
Dasturga qabul qilingan ishtirokchilar COP29 va pre-COP29 jarayonida toʻliq ishtirok eta olish imkoniga ega boʻlishlari lozim.

Dastur talablari haqida ushbu havola orqali toʻliq maʼlumot olish mumkin.

Imtiyozlar va qulayliklar

Dasturning quyidagi foydali jihatlari mavjud:

Dastur g'oliblarining barcha xarajatlari to'liq qoplanadi;
Iqlim oʻzgarishi va migratsiya masalalaridagi soʻnggi oʻzgarishlar, mashaqqatlar va yangiliklar toʻgʻrisida maʼlumotlarga ega boʻlish va ularning inson huquqlari, rivojlanish va tinchlikka boʻlgan aloqadorligini oʻrganish imkoni mavjud boʻladi;
Oʻz tajribalarini almashish, yoshlar, tajribalari mutaxassislar va soha bilimdonlari bilan fikr almashish imkoni tugʻiladi;
Muhofaza qilish, aloqa va yetakchilik borasida bilim hamda koʻnikmalarni oshirish mumkin boʻladi;
Mavzu doirasida yangi insonlar bilan tanishish, yosh yetakchilar va tashkilotchilar bilan birga ishlash imkoni paydo boʻladi;
Dunyo yoshlarining fikrlarini yetkazib berish hamda global miqyosda tabiat muhofazasiga oʻz hissasini qoʻshish mumkin boʻladi.

Topshirish jarayoni

Dasturga ushbu havola orqali roʻyxatdan oʻtish mumkin.

Dasturga roʻyxatdan oʻtish uchun onlayn ariza topshirish sahifasiga tashrif buyurish hamda quyidagilarni maʼlumotlarni kiritish lozim:

Shaxsiy maʼlumotlar, taʼlim, ish, volontyorlik faoliyati, dasturda qatnashishdan maqsad, ijtimoiy tarmoq hisoblari va dasturdan kutayotgan natijalarini oʻz ichiga olgan ariza shaklini toʻliq toʻldirish;
Nomzodning migratsiya va iqlim oʻzgarishi masalalariga qiziqishi va bu boʻyicha faoliyatini isbotlovchi havola, nashrlar, hisobotlar, maqolalar, videolar yoki boshqa manbalarni taqdim etish.

Eslatma! Saralash jarayonida nomzodlarning dastur talablariga mosligi, shuningdek, geografik hamda gender omillari ham inobatga olinadi. Saralash natijalari 2024-yil 15-sentyabrgacha eʼlon qilinadi.