Ozarbayjonning Xazar universitetida magistratura va doktorantura bosqichida oʻqishni istovchi ayol-qizlar uchun toʻliq moliyalashtiriluvchi Nailekhanim Foundation dasturi

Nailekhanim Foundation jamgʻarmasi Ozarbayjon poytaxti Boku shahrida joylashgan Xazar universitetida magistratura yoki doktorantura bosqichida oʻqishni maqsad qilgan barcha ayol-qizlarni qoʻllab-quvvatlash uchun tashkil etilgan. Dasturda akademik jihatdan faol, oʻz sohasi boʻyicha kuchli bilim va salohiyatga boʻlgan ayol-qizlar ishtirok etishi mumkin. Universitetda darslar ingliz tilida olib boriladi.

Dasturda ishtirok etish uchun ayol-qizlar 2026-yil 30-iyunga qadar Xazar universitetida magistratura yoki doktorantura bosqichida oʻqish uchun hujjat topshirgan boʻlishi kerak. 

Dasturga qabul qilingan eng yaxshi 1 nafar ishtirokchining barcha xarajatlari jamgʻarma tomonidan qoplanadi va oylik stipendiya bilan ham taʼminlanadi.

Dasturda ishtirok etish uchun nomzodlar quyidagi talablarga javob berishi kerak:

• Dasturda yuqori akademik koʻrsatkichga ega boʻlgan barcha ayol-qizlar ishtirok etishi mumkin; 
• Oldingi baholari boʻyicha 100 balli tizimda 90-92% yoki GPA (4 ballik tizimda) 3,7 koʻrsatkichga ega boʻlishi lozim;
• Oʻz tanlagan sohasi boʻyicha yuqori qiziqishga ega boʻlishi va ilmiy tadqiqotlar oʻtkazishga boʻlgan ishtiyoqini koʻrsatib bera olishi kerak;
• Ingliz tilini yaxshi bilishi kerak.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan ishtirokchilar quyidagi imtiyozlarga ega boʻlishi kerak:

• Yillik kontrakt toʻlovdan ozod etiladi;
• Borish-kelish xarajatlari qoplab beriladi;
• Yashash xarajatlari uchun 1 yil davomida oylik stipendiya bilan taʼminlanadi;
• Bepul turar joy bilan taʼminlanadi.

Dastur manfaatli jihatlari haqida batafsil ushbu havola orqali maʼlumot olish mumkin.

Dasturda ishtirok etish uchun nomzodlar avval Xazar universitetida magistratura yoki doktorantura bosqichiga hujjat topshirishi lozim.

Shundan soʻng quyidagi hujjatlar tayyorlanadi:

• Motivatsion xat. “Describe a situation or situations where you demonstrated or witnessed female leadership and how it made a positive difference” mavzusida motivatsion insho yozilishi kerak;
• Akademik tadqiqotlar olib borish uchun ingliz tilini kerakli darajada bilishini tasdiqlashi kerak. Aniq daraja va sertifikat talabi qoʻyilmagan;
• Universitetda olingan diplom va baholar. Oldingi baholari boʻyicha 90-92% yoki GPA (4 ballik sistemada) 3,7 koʻrsatkichga ega boʻlishi lozim;
• Dastur uchun toʻldirilgan ariza shakli.

Yuqoridagi hujjatlar admissions@khazar.org elektron manzilga “Nailekhanim Foundationʼ Scholarship Application” mavzusi ostida yuborilishi kerak.

Nailekhanim Scholarship hakamlar hayʼati tomonidan tanlangan nomzodlar maxsus ekspertlar tomonidan suhbatdan oʻtkaziladi. Eng yaxshi deb topilgan nomzod dastur ishtirokchisiga aylanadi.

Dastur haqida batafsil rasmiy havola orqali maʼlumot olish mumkin.

Qoʻshimcha murojaatlar uchun: +99412 421-17-08;
+99412421-79-16