O‘zbekiston Badiiy akademiyasidan “Navqiron O‘zbekiston” iqtidorli yoshlar respublika zamonaviy sanʼat ko‘rgazma-tanlovi

O‘zbekiston Badiiy akademiyasi va Badiiy ijodkorlar uyushmasi tasviriy sanʼat, dizayn va zamonaviy sanʼatning barcha yo‘nalishlaridagi ijodkor yoshlarning milliy o‘zligimizni anglash g‘oyalarini tarannum etuvchi yorqin sanʼat asarlarini yaratishdagi faoliyatini rag‘batlantirish va yosh ijodkorlarni qo‘llab-quvvatlashga qaratilgan “Navqiron O‘zbekiston” iqtidorli yoshlar respublika zamonaviy sanʼat ko‘rgazma-tanlovini e'lon qiladi.

Tanlov quyidagi 3 (uch)ta yo‘nalish bo‘yicha o‘tkaziladi:

• tasviriy sanʼat: rangtasvir, grafika, haykaltaroshlik;
• dizayn: meʼmoriy, landshaft, interer va h.k.;
• zamonaviy sanʼat: foto-art, video-art, installyatsiya, perfomans va boshqalar.

Tanlov haqida batafsil bu yerda o'qish mumkin.

• Tanlovda tasviriy sanʼat, dizayn va zamonaviy sanʼatning barcha yo‘nalishlarida ijod qilib kelayotgan o‘rta maxsus yoki badiiy ixtisoslik maʼlumotiga ega, 23 yoshdan 35 yoshgacha bo‘lgan ijodkor yoshlar ishtirok etishlari mumkin.

• Eng yaxshi ishlar ko'rgazmaga qo'yiladi va sertifikat beriladi.

Tanlovda ishtirok etishni istagan yosh ijodkorlar quyidagi hujjatlarni taqdim etishlari lozim:

• tanlovda ishtirok etish uchun maʼlumotnoma (anketa-rezyume);
  pasport nusxasi;
• 3 x 4 sm o‘lchamdagi 2 ta fotosurat;
  tanlovda ishtirok etish uchun taqdim etiladigan asarlar.

Tanlovga taqdim etiladigan ijodiy ishlar  2023-yilning 1-mayidan 20-mayiga qadar Badiiy ijodkorlar uyushmasining hududiy bo‘limlariga yuboriladi.

Toshkent shahri uchun: Toshkent shahri. Istiqlol-4, Toshkent fotosuratlar uyi. 
Telefon: (71) 232-17-66

Qo‘shimcha maʼlumotlar uchun telefonlar: (+99871) 232-17-66