Oʻzbekiston Futbol Assotsiatsiyasidan futzal boʻyicha JCh-2024 uchun volontyorlik dasturi
-
25/04/2024 Qabul boshlanishi
-
Bepul Moliyalash turi
-
Oʻzbekiston Davlat
-
01.07.2024 Oxirgi muddat
Umumiy maʻlumotlar
Oʻzbekiston 2024-yil 14-sentyabrdan 6-oktyabrga qadar nufuzli xalqaro musobaqa futzal boʻyicha FIFA Jahon chempionatiga mezbonlik qiladi. Musobaqa Toshkent, Buxoro va Andijon shaharlarida boʻlib oʻtadi.
Ushbu xalqaro ahamiyatga ega musobaqada ishtirok etish, tajriba orttirish hamda koʻplab koʻngilochar tadbirlarda ishtirok etish istagidagi koʻngillilarni FIFA Volunteer jamoasiga qoʻshilish taklif qilinmoqda. Volontyorlar musobaqalar oʻtkazish, media, marketing, terma jamoalar bilan ishlash, protokol, tibbiyot, xavfsizlik, IT, akkreditatsiyalash, mehmonlarni kutib olish xizmati, transport va boshqa sohalarda faoliyat olib boradi.
Mazkur musobaqada yuzlab koʻngillilar ishtirok etishi rejalashtirilgan hamda nomzodlarni roʻyxatga olish va saralash jarayonlari joriy yilning 1-iyuliga qadar davom etadi.
Dastur haqida batafsil ushbu havola orqali maʼlumot olish mumkin.
Maqbullik shartlari
- 18 yosh va undan yuqori boʻlgan, jinsi, millati, jismoniy imkoniyatlaridan qatʼi nazar barcha qatnashishi mumkin;
- Hujjat topshirish vaqtida kamida ikkinchi kurs universitet/kollej talabasi boʻlish (majburiy emas, ammo afzallik berishi mumkin);
- Koʻngilli yordamchi sifatida tajribaga ega boʻlish tanlab olinish imkonini oshiradi;
- Muloqot qobiliyati yaxshi shakllangan, madaniyatlararo muloqot qilishda tajribasi boʻlishi;
- Ingliz tilini mukammal bilish (kamida upper-intermdiate darajada. Lekin hech qanday sertifikat talab etilmaydi);
- Ikkinchi chet tilini (koreys, xitoy, arab, yapon) bilish qoʻshimcha afzallik berishi mumkin;
- Qattiq mehnat qilish va qoʻshimcha masʼuliyatni oʻz zimmasiga ola bilish.
Xullas, quvnoq, harakatchan, sogʻlom turmush tarzini olib boruvchi, xorijiy tillarni yaxshi biladigan, keng kasbiy mahoratga ega va yuqoridagi talablarga javob bera oluvchi barcha dasturda qatnashishi mumkin.
Foydali tomonlari
Dastur nomzodlarga quyidagi imtiyozlarni taklif qiladi:
- Koʻngillilar uchun moʻljallangan maxsus forma;
- Smenalarda bepul ovqatlanish;
- Suvenirlar;
- Mahalliy transportdan bepul foydalanish;
- Bebaho tajriba;
- Yangi doʻstlar;
- Ishtirokchi diplomi.
Shuningdek, nufuzli sport tadbirida toʻgʻridan toʻgʻri ishtirok etish va Osiyo sport industriyasiga yanada yaqinroq boʻlish uchun katta imkoniyatni qoʻlga kiritadilar.
Qoʻshimcha maʻlumotlar
- Dasturga hujjat topshirish uchun oxirgi muddat: 1-yil, 2024-yil;
- Volontyorlik bоʼyicha trening mashgʻulotlar Toshkent shahrida joylashgan Oʻzbekiston futbol assosiatsiyasida tashkil etiladi;
- Treninglar haqidagi barcha maʼlumotlar boʻlajak volontyorlarga elektron pochta yoki Telegram orqali yuboriladi.