Oʻzbekiston Respublikasi Markaziy bankining maxsus stipendiyasi bo'yicha tanlov
-
06/09/2022 Qabul boshlanishi
-
Stipendiya Moliyalash turi
-
Oʻzbekiston Davlat
-
09/09/2022 17:00 Oxirgi muddat
Umumiy maʻlumotlar
Oʻzbekiston Respublikasi Markaziy bankining maxsus stipendiyasiga tanlov eʼlon qilindi. Unda bank ishi, iqtisodiyot, banklarda buxgalteriya hisobi, makroekonomika, statistika yoʻnalishlari boʻyicha bakalavrning kunduzgi boʻlimining soʻnggi kursida (4-kursda) hamda magistraturada taʼlim olayotgan talabalarga ishtirok etishlari mumkin.
Stipendiyani qoʻlga kiritgan nomzodlarga respublika hududida oʻrnatilgan bazaviy hisoblash miqdorining 3 baravaridan kam boʻlmagan miqdorda stipendiya belgilanadi.
2022-2023 oʻquv yili uchun Markaziy bank stipendiyasi 2022-yil 3-oktyabrdan tayinlanadi.
Maqbullik shartlari
Tanlovda bank ishi, iqtisodiyot, banklarda buxgalteriya hisobi, makroekonomika, statistika yoʻnalishlari boʻyicha bakalavrning kunduzgi boʻlimining soʻnggi kursida (4-kursda) hamda magistraturada taʼlim olayotgan talabalar ishtirok etishlari mumkin.
Shuningdek, faqat quyidagi Toshkent shahrida joylashgan oliygoh talabalati ishtirok etishi mumkin:
- Toshkentdagi Xalqaro Vestminster universiteti;
- Toshkentdagi Singapur menejmentni rivojlantirish instituti;
- Toshkent davlat iqtisodiyot universiteti;
- Toshkent Moliya instituti;
- Jahon iqtisodiyoti va diplomatiya universiteti;
- Toshkent shahridagi INHA universiteti;
- Mirzo Ulugʻbek nomidagi Oʻzbekiston milliy universiteti.
Foydali tomonlari
- Gʻoliblar respublika hududida oʻrnatilgan bazaviy hisoblash miqdorining 3 baravaridan kam boʻlmagan miqdorda stipendiya olishadi;
- Stipendiatlar oʻz xohishiga koʻra oliy oʻquv yurtlarini bitirganlaridan soʻng bank tizimiga ishga joylashtiriladi;
- Stipendiatlar bakalavriatni tugatganidan soʻng, Markaziy bankka ishga kirgan taqdirda, tegishli xalqaro moliya institutlariga tajriba almashish va mutaxassislik boʻyicha magistratura yoki PhD yoʻnalish boʻyicha oʻqish uchun xorijga umumiy tanlov asosida yuborilishi mumkin.
Qoʻshimcha maʻlumotlar
- Batafsil maʼlumotni tegishli Oliy taʼlim muassasasi veb saytida topishingiz mumkin.