O‘zbekiston Respublikasi Mustaqilligining 30 yilligi munosabati bilan "Mening mustaqil O'zbekistonim" fototanlovi
-
07/08/2021 Qabul boshlanishi
-
Mukofot Moliyalash turi
-
Oʻzbekiston Davlat
-
27.08.2021 Oxirgi muddat
Umumiy maʻlumotlar
Oʻzbekiston Respublikasi Prezidenti administratsiyasi huzuridagi axborot va ommaviy kommunikatsiyalar agentligi tasarrufidagi Alisher Navoiy nomidagi Oʻzbekiston Milliy kutubxonasi Oʻzbekiston Respublikasi Mustaqilligining 30 yilligi munosabati bilan Respublika media loyihasini eʼlon qiladi.
Tanlovda 15 yoshdan 25 yoshgacha bo'lgan barcha O‘zbekiston fuqarolari qatnashishlari mumkin. Fotosuratlar faqatgina Oʻzbekiston hududida suratga olingan boʻlishi kerak. Bitta ishtirokchidan ko‘pi bilan uchta fotosurat qabul qilinadi.
Fotosuratlar mualliflari uchta nominatsiya bo‘yicha taqdirlanadi: "Eng go‘zal mamlakat", "O‘zbek tsivilizatsiyasi", "Mening shahrim hayoti". Eng yaxshi suratlar tanlov ekspozitsiyasiga kiritiladi, laureatlar Alisher Navoiy nomidagi O'zbekiston Milliy kutubxonasining diplom va esdalik sovg'alari bilan taqdirlanadi.
Maqbullik shartlari
- Fotosuratlar faqatgina Oʻzbekiston hududida suratga olingan boʻlishi kerak;
- 15 yoshdan 25 yoshgacha bo'lgan ishtirokchilar o'z ishlari bilan qatnashishlar mumkin;
- Tanlovda ishtirok uchun jo‘natilayotgan fotosuratlar mobil telefon yordamida ham fotokamera yordamida ham suratga olingan bo‘lishi mumkin;
- Bitta ishtirokchidan ko‘pi bilan uchta fotosurat qabul qilinadi;
- Tanlovda ishtirok etish uchun gorizontal holatdagi fotosuratlar qabul qilinadi;
- Tanlovda ishtirok uchun yuborilayotgan fotosuratlar avval boshqa tanlovlarda ishtirok etmagan bo‘lishi kerak;
- Mualliflar o'zlari va asarlari haqida ma'lumot berishi, fotosurat olingan joyi va surat haqida qisqacha izoh berishi kerak;
- Tanlov ishtirokchilari faqat o‘zlari olgan fotosuratlarni yuborishlari mumkin bo‘lib, ular taqdim qilayotgan ma’lumotlari uchun O‘zbekiston Respublikasining “Mualliflik huquqi va turdosh huquqlar to‘g‘risida”gi Qonuniga muvofiq javobgarlikni o‘z zimmalariga oladilar;
Qo'shimcha eslatma va ma'lumotlar
- Fotosuratlar mualliflari uchta nominatsiya bo‘yicha taqdirlanadi: "Eng go‘zal mamlakat", "O‘zbek tsivilizatsiyasi", "Mening shahrim hayoti";
- Kadrda odatiy ko‘rinishlar muhrlangan bo‘lishi mumkin — masalan, madaniyat va san’at ob’ektlari, tabiatning qiziqarli ko‘rinishlari, shahar hayoti, portretlar va tanish narsalarning noodatiy ko‘rinishlari — mamlakatimiz mustaqilligi tarixidan so‘zlovchi lavhalar;
- Tashkilotchilar ishtirokchilardan tanlov doirasida qabul qilingan fotosuratlardan foydalanish huquqini o‘zlarida qoldiradilar.
Foydali tomonlari
- Eng yaxshi suratlar tanlov ekspozitsiyasiga kiritiladi, laureatlar Alisher Navoiy nomidagi O'zbekiston Milliy kutubxonasining diplom va esdalik sovg'alari bilan taqdirlanadi.