Oʻzbekiston Respublikasi Oliy va oʻrta maxsus taʼlim vazirligi tomonidan Yosh mutaxassislarni tanlash dasturi

Oʻzbekiston Respublikasi Oliy va oʻrta maxsus taʼlim vazirligi tomonidan “Yosh mutaxassislarni tanlash” dasturi boʻyicha tanlov eʼlon qilinadi.

Tanlovdan koʻzlangan maqsad — oliy taʼlim muassasalari bitiruvchi kurslarida oʻqiyotgan qobiliyatli yoshlarni saralab olish, stajirovkasini tashkil etish va keyinchalik kadrlar zaxirasiga kiritish.

Tanlov ikki bosqichda: test va suhbat asosida tashkil etiladi. Tanlovdan muvaffaqiyatli oʻtgan nomzodlar Oliy va oʻrta maxsus taʼlim vazirligida stajirovka oʻtaydi.

Stajirovka uch bosqichga boʻlinadi:

• tayyorlov;
• asosiy;
• hisobotlarni topshirish va baholash.

Stajirovka jarayoni qanday boʻlishi haqida, dastur haqidagi umumiy maʼlumotlarni bu yerda oʻqish mumkin.

• OTMlarning kunduzgi shaklida bakalavr sifatida oʻqiyotgan bitiruvchi kurs talabalari qatnasha oladi.

• Tanlovdan muvaffaqiyatli oʻtgan nomzodlar Oliy va oʻrta maxsus taʼlim vazirligida stajirovka oʻtaydi, stajirovkani namunali yakunlagan yosh mutaxassislar kadrlar zaxirasiga kiritiladi

Talabgorlardan hujjatlar @yosh_mutaxassislarni_tanlash_bot orqali joriy yil 9-noyabrdan 19-noyabrga qadar (shu kuni ham) qabul qilinadi.

Qoʻshimcha savollarni ushbu post izohlarida qoldirish mumkin.