Oʻzbekiston Respublikasida “Oʻzbekkosmos” agentligi va NASA tomonidan tashkillashtiriladigan NASA SPACE APPS TASHKENT xalqaro tadbiri

15/09/2022 Qabul boshlanishi
Mukofot Moliyalash turi
Oʻzbekiston Davlat
24.09.2022 Oxirgi muddat

Muhim tafsilotlar

Kimlar uchun

Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

O'zbek tili
Yosh chegarasi

15 yoshdan

Doʻstlar bilan ulashing

Umumiy maʻlumotlar

Joriy yilning 1 va 2 oktyabr kunlari “Oʻzbekkosmos” agentligi, Yoshlar ishlari agentligi, Universal Bank, Innovatsion rivojlanish vazirligi, IT Park va Sehriyo maktabi bilan birgalikda Inno Texnoparkda mahalliy tanlovda gʻoliblikka daʼvogarlarni kutib oladi. “Oʻzbekkosmos” agentligi NASA Space Apps Tashkent kabi xalqaro tadbirni ilk marotaba Oʻzbekiston Respublikasida oʻtkazayotganligidan faxrlanadi. NASA SPACE APPS CHALLENGE dunyodagi eng koʻp roʻyxatdan oʻtgan talabnoma beruvchilar soni va sohada eng koʻp yechimlarga ega boʻlgan muvaffaqiyatli shahar xakatonlaridan biri boʻlib kelmoqda.

Tadbirda ishtirok etayotgan jamoalar va yakka tartibdagi ishtirokchilar kosmik tadqiqotlar missiyalarini ilgari surish va yerdagi hayotni yaxshilash kabi muammolarini hal qilishadi. Dunyoni yaxshi tomonga oʻzgartirishga intilayotgan va global muammolarning yechimlarini ishlab chiqishga eʼtiborini qaratganlar uchun maʼlumotlar ochiq dasturlash kodi yordamida taqdim etiladi. Tanlovning ushbu bosqichidan oʻtganlar uning AQShda boʻlib oʻtadigan va NASA tomonidan saralanadigan final bosqichida ishtirok etish imkoniyatini qoʻlga kiritishadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda qatnashish uchun quyidagi talablar mavjud:

Dasturda 15 yoshdan yuqori nomzodlar ishtirok etishlari mumkin. Lekin nomzod soha bo'yicha kuchli bilimga ega bo'lsa, yosh bo'yicha istisno qilinishi mumkin;
Tadbirda dasturchilar, olimlar, dizaynerlar, maʼruzachilar, ishlab chiqaruvchilar, quruvchilar, texnologlar va kosmik ixlosmandlar ishtirok etishlari mumkin;
Yakka tartibdagi ishtirokchilar yoki jamoalar NASA tomonidan taklif etiladigan vazifalardan birini tanlaydi va ularning yechimi ustida ishlaydi;
Vazifalar chegaralangan vaqt oraligʻida amalga oshiriladi;
Dasturda ishtirokchilar shaxsan qatnashishlari kerak boʻladi (yaʼni dastur onlayn shaklda boʻlmaydi).

Tanlov shartlari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali tomonlari mavjud:

Dasturda ishtirok etish mutlaqo bepul;
Tadbir davomida ishtirokchilarda oʻz bilimlarini sinab koʻrish va tajriba oshirish imkoniyati boʻladi;
NASA SPACE APPS xalqaro tadbiri Toshkentda birinchi marta boʻladi va ushbu tadbirda qatnashish orqali xalqaro ekspertlar va vakillar bilan fikr almashish imkoni mavjud;
Dastur soʻnggida tanlov ishtirokchilariga sertifikatlar taqdim etiladi;
Dasturning ushbu bosqichidan o'tganlar AQShda bo'lib o'tadigan final bosqichiga yo'l olishadi;
Final bosqichi g'oliblari NASAning rasmiy ofisiga sayohat qilish uchun taklifnomani qo'lga kiritishadi. Ularda NASA kosmik raketa uchirilishi jarayonini kuzatish imkoniyati ham bo'ladi.
Final gʻoliblarning sayohat uchun xarajatlarini qoplash maqsadida maʼlum bir moliyaviy yordam loyihalari amalga oshiriladi. Bundan tashqari har bir nomzod oʻzi bilan bir kishini sayohatga taklif qilishi mumkin. Ammo sayohat, turar-joy, viza kabi barcha xarajatlar taklif qilingan mehmonning oʻzi tomonidan qoplanadi.

Dasturning foydali tomonlari haqida ushbu havola orqali batafsil maʼlumot olish mumkin.

Hujjat topshirish

Dasturda ishtirok etish jarayoni quyidagicha:

Space Appsda roʻyxatdan oʻting (sahifaning oʻng tomonidagi havola).
Hududni belgilashda Toshkentni tanlang va ushbu manzil bilan roʻyxatdan oʻting.
Space Apps resurslari bilan tanishib chiqing. Ishtirokchilar uchun koʻp beriladigan savollardan boshlashingiz mumkin.

Muhim sanalar:

24-sentyabr- Roʻyxatdan oʻtish jarayoni tugaydi;
1-oktyabr 9:00 — Tadbirning birinchi kuni;
2-oktyabr 11:59- Tadbirning ikkinchi kuni.

Eslatma! Tanlovning ushbu bosqichidan oʻtganlar uning AQShda boʻlib oʻtadigan va NASA tomonidan saralanadigan final bosqichida ishtirok etish imkoniyatini qoʻlga kiritishadi.

Ushbu havola orqali dasturga roʻyxatdan oʻtish mumkin.

Dasturga roʻyxatdan oʻtish jarayonida haqida ushbu havola orqali batafsil maʼlumot olish mumkin.

Rasmiy havola Hujjat topshirish

Qoʻshimcha maʻlumotlar

Dasturga oid savollar tugʻilgan taqdirda tadbirning Oʻzbekistondagi masʼuli Axror Agzamov bilan ushbu havola orqali bogʻlanish mumkin.

Dasturning rasmiy telegram sahifasi bilan ushbu havola orqali tanishish mumkin.

Shuningdek, tadbir tashkillashtirilishiga yaqin ishtirokchilar tomonidan koʻp beriladigan savollar va boshqa qoʻllanmalar (chatlar, jamoa tuzish haqida va loyihalarni taqdim etish boʻyicha) bilan ushbu havola orqali tanishib chiqishingiz mumkin boʻladi.

Dastur boʻyicha barcha qoʻllanmalarni ushbu havola orqali topish mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

-facebook;

-twitter;

-instagram.