Oʻzbekiston Resрublikasi Mudofaa vazirligidan barcha рrofessional, havaskor dizayner va rassomlar uchun koʻrik-tanlov

Oʻzbekiston Respublikasi Mudofaa vazirligi Qurolli Kuchlar harbiy xizmatchilari uchun yagona namunadagi milliy formali kiyim rusumini ishlab chiqish boʻyicha koʻrik-tanlovni eʼlon qiladi.

Koʻrik-tanlovning asosiy maqsadi Oʻzbekiston Respublikasi Qurolli Kuchlarining kuch va qudratini aks ettiradigan, oʻzida boy tariximizni ifoda etadigan, zamonaviy harbiy xizmatchining koʻrinishini ifodalaydigan, qulaylikni taʼminlaydigan hamda mintaqamizning iqlim sharoitlariga mos boʻlgan yangi koʻrinishdagi milliy harbiy kiyim rusumini yaratish va Qurolli Kuchlar imijini ifoda etadigan, betakror badiiy yechimga ega boʻlgan, yuksak estetik talab darajasida yaratilgan harbiy kiyim rusumining eng yaxshi loyihasini tanlab olishdir.

Koʻrik-tanlov bir bosqichda oʻtkaziladi. Koʻrik-tanlov quyidagi nominatsiyalarda eng yaxshi milliy formali kiyim rusumi toʻplami boʻyicha oʻtkaziladi (bayramona va kundalik (qishki va yozgi)):

• Generallar tarkibi uchun;
• Kontrakt boʻyicha ofitserlar tarkibi uchun;
• Kontrakt boʻyicha oddiy askarlar va serjantlar tarkibi uchun;
• Kontrakt boʻyicha harbiy xizmatchi ayollar tarkibi uchun.

Koʻrik-tanlovda 16 yoshdan katta boʻlgan havaskor, professional rassom va dizaynerlar ishtirok etishlari mumkin. Gʻoliblar рul mukofotlari bilan taqdirlanadi.

Dasturga ariza toрshirishning oxirgi muddati: 2024-yil 30-yanvar kuni soat 18:00 ga qadar.

Dastur haqida batafsil ushbu havola orqali maʼlumot olish mumkin.

• Koʻrik-tanlovda 16 yoshdan katta boʻlgan havaskor, professional rassom
  va dizaynerlar ishtirok etishlari mumkin;
• Ishtirokchilar Qurolli Kuchlar harbiy xizmatchilari uchun yagona namunadagi milliy formali kiyim rusumini ishlab chiqish kerak; 
• Koʻrik-tanlovning har bir ishtirokchisi oʻz ishlarini (eskizlarini) koʻrik-tanlovning istalgan (bir vaqtning oʻzida bir nechta) nominatsiyasi boʻyicha taqdim qilish huquqiga ega. Bitta muallif yoki bir guruh hammualliflar tomonidan taqdim etiladigan koʻrik-tanlov ishlarining soni cheklanmagan;
• Eskizlar (ishlanmalar) – A3 formatidan katta boʻlmagan yoki A4 formatida bir necha varaqda, asl nusxada taqdim etilishi shart;
• Eskizlarning har bir elementi asoslantirilgan tavsifga ega boʻlishi shart;
• Har bir eskizning orqa tomonida ishtirokchi toʻgʻrisidagi maʼlumotlar (familiyasi, ismi, otasining ismi, ish joyi, oʻqish joyi, yashash manzili, telefon raqamlari) va koʻrik-tanlov nominatsiyasining nomlanishi koʻrsatilishi hamda shaxsini tasdiqlovchi hujjat nusxasi biriktirilishi shart.

Koʻrik-tanlov uchun quyidagi pul mukofotlari belgilangan:

• Birinchi oʻrin uchun – 10 million soʻm;
• Ikkinchi oʻrin uchun – 7 million soʻm;
• Uchinchi oʻrin uchun – 5 million soʻm.

Eslatma: koʻrik-tanlovda ishtirok etish uchun materiallarni tayyorlashga ketadigan mablagʻlar, shuningdek, koʻrik-tanlov uchun tayyorlangan loyihani Tashkiliy qoʻmitaga yetkazish bilan bogʻliq xarajatlar koʻrik-tanlov ishtirokchilari hisobidan qoplanadi.

Ishlanmalar bayram va dam olish kunlaridan tashqari 2024-yil 30-yanvar kuni soat 18:00 ga qadar Toshkent shahri, M. Ulugʻbek koʻchasi, 100-uy manzili boʻyicha Mudofaa vazirligining ruxsatnomalar byurosida qabul qilinadi.

• Koʻrik-tanlovga taqdim qilingan materiallar qaytarib berilmaydi, mualliflik patenti berilmaydi hamda Mudofaa vazirligining ixtiyoriga oʻtadi.
• Koʻrik-tanlovda ishtirok etish uchun materiallarni tayyorlashga ketadigan mablagʻlar, shuningdek, koʻrik-tanlov uchun tayyorlangan loyihani Tashkiliy qoʻmitaga yetkazish bilan bogʻliq xarajatlar koʻrik-tanlov ishtirokchilari hisobidan qoplanadi.

Murojaat uchun tel: (71) 269-86-35, 269-86-37, 269-86-42, 269-86-09.

Pochta: info@mudofaa.uz