“O‘zbekiston – Rossiya startap loyihalar” mavzusida tanlov

Tanlov Oʻzbekiston Respublikasi Vazirlar Mahkamasining 2020-yil 9-martdagi 133-son qarori bilan tasdiqlangan “startap” loyihalarni tasdiqlash, moliyalashtirish va amalga oshirish tartibi toʻgʻrisidagi nizomning 2-ilovasiga muvofiq tashkil etiladi.

Ushbu tanlovda qoʻshma loyihaga ega barcha ariza berishi mumkin. Yurdik va jismoniy shaxslar qoʻshma loyihaga ega boʻlgan taqdirda koʻrsatilgan hujjatlarni ilova qilgan holda  ariza berishi mumkin. Innovatsiyalar Vazirligi tomonidan hujjatlar oʻrganib chiqilgach, koʻrsatilgan talablarga javob beruvchi startaplar vazirlik tomonidan moliyalashtiriladi.

Toʻliq maʼlumotni rasmiy xabardan olish mumkin. 

Startap loyihalarni qabul qilishda qoʻyiladigan shartlar:

• startap loyiha tashabbuskori – startap loyiha asoschilaridan boʻlishi (kompaniya boʻlgan taqdirda asosiy ulushdorlardan boʻlishi) lozim;
• startap loyiha tashabbuskori (1 ta ishtirokchi) 1 ta loyiha bilan ishtirok etishi mumkin;
• startap loyihalar asosida tayyor mahsulot, dasturiy mahsulot, xizmatlar va texnologiyalar yaratishning hamda vazirlik tomonidan moliyalashtirishning eng koʻp muddati 1 yildan oshmasligi lozim;
• arizalarni yuridik va jismoniy shaxslar taqdim etishi mumkin (Arizalar jismoniy shaxs tomonidan taqdim etilgan taqdirda – loyiha tanlov Kollegial organi tomonidan moliyalashtirishga tavsiya etilgandan soʻng yuridik korxona ochish toʻgʻrisida kafolat xati ilova qilinishi shart).

• koʻrsatilgan summaga muvofiq startaplar moliyalashtiriladi.

Tanlovda ishtirok etuvchi “startap” loyiha tashabbuskorlari arizalari 2023-yil 31-avgustdan 23-oktabrga qadar qabul qilinadi.

Startap loyihalar quyidagi mezonlar asosida baholanadi:

• Loyihaning innovatsionligi;
• Loyihaning texnik jihatdan mukammalligi, shu jumladan yakunlanganlik darajasi;
• Loyiha jamoasining tegishli soha mutaxassislari bilan ta’minlanishi;
• Loyihaning investitsion jozibadorligi;
• Loyihani moliyaviy rejalashtirish;
• Marketing rejasi;
• Loyihani amalga oshirishdan kutilayotgan natijalar.

Tanlovga arizalar tomonlar o‘rtasida kelishilgan holda, mos ravishda taqdim qilinishi shart. Bunda quyidagi hujjatlar asl nusxalari PDF shaklida ushbu havola orqali yuborilishi lozim:

• Startap loyiha muallifi tomonidan imzolangan ariza;
• Startap loyiha pasporti;
• Xarajatlar smetasi;
• Startap loyiha biznes matni (imzo va muhr qo‘yilgan holda);
• Loyihaning Rossiya tomonidan ishtirokchisi haqida ma’lumot;

Startap loyiha taqdimoti (10 slayd ) yoki planshet shaklida loyiha mazmuni to‘liq yoritilganligi (5 daqiqadan oshmaydigan video shaklida tayyorlangan ma’lumotlar ma’qullanadi).

Muhim! Loyiha tashabbuskori Rossiya tomonidan ham hamkorga ega bo‘lishi va ushbu hamkor tomonidan tegishli mavzuda Rossiya tomonidan ariza topshirishi zarur (Rossiya tanlovi havolasi bu yerda).

Taqdim etilgan loyihalar tanlov talablariga qatʼiy rioya qilinganligi, loyiha materiallarining ishonchliligi va haqqoniyligi, koʻchirmachilikka (plagiat) yoʻl qoʻyilmaganligi, talablar asosida shakllantirilganligi, shuningdek startap loyiha yakunida qoʻlga kiritiladigan muhim natijalarning tadqiqot dizayniga muvofiq toʻliq asoslanganligi va soʻralgan mablagʻlarning tanlov shartlarida keltirilgan moliyalashtirish hajmiga muvofiq toʻgʻri hisob-kitob qilinganligi boʻyicha dastlabki texnik ekspertizadan oʻtkaziladi.

Startap loyihalarni elektron roʻyxatdan oʻtkazish bilan bogʻliq texnik masalalari va tanlov bosqichlari boʻyicha tanlovning texnik jihatdan qoʻllab-quvvatlash xizmati: 

+998-71-203-32-23 (ichki raqam: 216, 747)

Aloqa maʼlumotlari:

Levchenko Olga Georgiyevna: levchenko@fasie.ru; +7 (495) 249 249 2 (165)