Oʻzbekiston va Turkiya ilmiy tashkilotlari hamkorligida doktorant va post-doktorantlar uchun TÜBA-TÜBİTAK Oʻzbekiston Aziz Sanjar tadqiqot stipendiya dasturi

2023-yil 27-dekabr kuni Turkiyadagi TÜBA va Turkiya ilmiy va texnologik tadqiqot kengashi (TÜBİTAK) oʻrtasida imzolangan shartnomaga asosan, Turkiya va Oʻzbekiston oʻrtasida doktorantura davomida va undan keyin ilmiy va texnologik hamkorlikni ragʻbatlantirishga qaratilgan TÜBA-TÜBİTAK Oʻzbekiston Aziz Sanjar tadqiqot stipendiya dasturi taqdim etiladi. Ushbu stipendiya doktorant va post-doktorantlar uchun 1 yildan 3 yilgacha boʻlgan muddatga beriladi. 

Grant beriladigan yoʻnalishlar quyidagilardan iborat:

• Basic Sciences (Biology, Physics, Chemistry, Mathematics, Molecular Biology and Genetics);
• Engineering Sciences;
• Astronomy, Earth and Space Sciences;
• Information Technologies;
• Agricultural Sciences (Agriculture, Food, Animal Husbandry, Veterinary Medicine);
• Social Sciences (International Relations, Political History, Educational Sciences).

Dastur haqida batafsil ushbu havola orqali maʼlumot olish mumkin.

• Nomzodlar Oʻzbekistonda doimiy yashovchi Oʻzbekiston fuqarolari boʻlishi shart;
• Oʻzbekiston hukumatining davlat muassasalari, Oʻzbekiston oliy oʻquv yurtlari yoki Oʻzbekiston Fanlar akademiyasidan tavsiyanoma olgan boʻlishi lozim;
• Turk yoki ingliz tilini bilish darajasini koʻrsatuvchi til sertifikati yoki TÜBA-TÜBİTAK tomonidan oʻtkaziladigan suhbatdan muvaffaqiyatli oʻtganini koʻrsatuvchi hujjat boʻlishi kerak; 
• Nomzod Turkiyadagi davlat universiteti yoki davlat muassasasining tadqiqot markazlaridan taklifnoma olgan boʻlishi shart.

Doktorantura uchun qoʻyilgan talablar (2023-yil 31-dekabrga qadar):

• Nomzod 35 yoshdan oshmagan boʻlishi;
• Ariza topshirishning oxirgi muddatigacha Oʻzbekiston oliy taʼlim muassasalaridan biriga belgilangan yoʻnalishlardan biri boʻyicha doktoranturaga oʻqishga kirgan boʻlishi lozim.

Post-doktorantura uchun qoʻyilgan talablar (2023-yil 31-dekabrga qadar):

• Nomzod 45 yoshdan oshmagan boʻlishi;
• Belgilangan sohalardan birida doktorlik darajasiga ega boʻlishi lozim.

Muhim: Ikkita fuqaroligi boʻlgan, biron-bir sababga koʻra Turkiya fuqaroligini tark etgan, boshqa davlatda vaqtinchalik yoki doimiy yashash uchun vizasi boʻlgan yoki hozirda Turkiyada istiqomat qilayotganlar dasturga murojaat eta olmaydi.

• Dastur davomida oylik stipendiya beriladi;
• Tadqiqotchining Turkiyaga kelishi va Turkiyadan qaytishi xarajatlari TÜBA tomonidan qoplanadi;
• Soha boʻyicha kuchli mutaxassislar bilan fikr almashish mumkin.

• Dasturda ishtirok etadigan tadqiqotchilar va ularning ilmiy rahbarlari dastlab ushbu havola orqali roʻyxatdan oʻtishlari lozim;
• Roʻyxatdan oʻtganlar ushbu havola orqali onlayn ariza topshirishlari mumkin;
• Barcha hujjatlar turk yoki ingliz tilida boʻlishi lozim;
• Ariza topshirishda quyidagi hujjatlar talab qilinadi:
  • Pasportning shaxsini tasdiqlovchi qismining nusxasi;
  • TÜBİTAK tomonidan belgilangan formatda tayyorlangan tadqiqot taklifi;
  • Oʻzbekiston davlat davlat muassasalari, Oʻzbekiston universitetlari yoki Oʻzbekiston Fanlar akademiyasi tomonidan berilgan tavsiyanoma;
  • Tadqiqotchi va uning Turkiyadagi ilmiy rahbari tomonidan imzolangan majburiyat xati (a letter of undertaking);
  • Tadqiqot olib boriladigan muassasaning oliy organidan olingan taklifnoma;
  • Doktorantura uchun: Nomzodning doktorant sifatida roʻyxatdan oʻtganligi, doktorlik imtihonini muvaffaqiyatli topshirganligi/oʻqishni boshlaganligi toʻgʻrisida va talabaning dasturda qatnashishiga eʼtiroz bildirilmaslik toʻgʻrisida hujjat (non-objection certificate). Ushbu hujjatlar ariza topshirishdan oldin oxirgi uch oy ichida olingan boʻlishi kerak.
  • Post-doktorantura uchun: Doktorlik diplomining tasdiqlangan nusxasi (agar diplom tayyor boʻlmasa, vaqtinchalik beriladigan bitiruv guvohnomasi yoki universitetni tamomlaganligi toʻgʻrisidagi rasmiy xat).

Muhim: Tavsiyanomalar azizsancarbursu@tuba.gov.tr elektron manzili orqali toʻgʻridan-toʻgʻri TÜBAga yuborilishi kerak. Bundan tashqari, talab etilgan taqdirda, kerakli hujjatlar pochta orqali joʻnatilishi shart. 

• Stipendiyalar tegishli boʻlgan oydan keyingi oyning birinchi 10 kuni ichida Turkiyada joylashgan banklarda ochilgan va tashkilot tomonidan eʼlon qilingan bank hisob raqamlariga toʻlanadi;
• Nomzodlar chipta olish tartib-qoidalari haqida batafsil azizsancarbursu@tuba.gov.tr manzili orqali ma'lumot olishlari mumkin;
• Tel: 0312 444 66 90;
• Email: 2216azizsancar@tubitak.gov.tr;
• Oxirgi muddat: 14-iyul, 2023-yil (02:00).