0
Oʻzbekiston va Yaponiya hamkorligida Orol dengizi muammosiga qarshi kurashishga qaratilgan loyihalarga yo'naltirilgan SATREPS-2020 qoʻshma xalqaro ilmiy loyihalar tanlovi

Oʻzbekiston va Yaponiya hamkorligida Orol dengizi muammosiga qarshi kurashishga qaratilgan loyihalarga yo'naltirilgan SATREPS-2020 qoʻshma xalqaro ilmiy loyihalar tanlovi

  • 01/10/2021 Qabul boshlanishi
  • Mukofot Moliyalash turi
  • Oʻzbekiston Davlat
  • 30.11.2021 Oxirgi muddat

Mundarija

GrantGO

Muhim tafsilotlar

  • Kimlar uchun
    Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Yapon tili, Rus tili, O'zbek tili
  • Yosh chegarasi
    Chegaralanmagan

Sohalar

Doʻstlar bilan ulashing

Umumiy maʻlumotlar

Oʻzbekiston Respublikasi Innovatsion rivojlanish vazirligi va SATREPS-2020 loyihasi koordinatorlari “The Project for Development of Innovative Climate Resilient Technologies for Monitoring and Controlling of Water Use Efficiency and Impact of Salinization on Crop Productivity and Livelihood in Aral Sea region” (“Orol mintaqasi shoʻrlanishiga qarshi kurashish va yerdan foydalanish unumdorligini oshirish uchun suv resurslaridan unumli foydalanishni monitoring qilish va nazorat qilishning yangi texnologiyalarini ishlab chiqish loyihasi”) Oʻzbekiston tadqiqot guruhlari oʻrtasida tanlov eʼlon qiladi.

Mazkur tanlov Oʻzbekiston Respublikasi Vazirlar Mahkamasining 2020-yil 9-martdagi 133-sonli “Ilmiy-tadqiqot va innovatsion faoliyatni rivojlantirishning normativ-huquqiy bazasini yanada takomillashtirish chora-tadbirlari toʻgʻrisida”gi qarori talablariga muvofiq oʻtkaziladi.

Tanlovda ishtirok etish istagini bildirgan ilmiy jamoalar tanlovda qatnashish uchun Yaponiyalik hamkorlari bilan oʻzaro kelishuv va loyiha maqsadlari doirasida ariza berishlari kerak.

Ushbu loyiha iqlim oʻzgarishini kuzatish markazini tashkil etishni, meteorologik monitoringni oʻtkazishni, shuningdek, Orol dengizi hududida suv taʼminoti cheklangan sharoitda mahalliy jamoatchiliklarning farovonlik darajasini koʻtarish va yerlarning hosildorligini oshirish maqsadida shoʻrlanish bilan kurashish uchun qishloq xoʻjaligida yangi texnologiyalarni joriy etishni koʻzda tutadi.

Tanlov haqida batafsil bu yerda.

Maqbullik shartlari

  • Loyihalar “Orol mintaqasi shoʻrlanishiga qarshi kurashish va yerdan foydalanish unumdorligini oshirish uchun suv resurslaridan unumli foydalanishni monitoring qilish va nazorat qilishning yangi texnologiyalarini ishlab chiqish” mavzusiga aloqador boʻlishi kerak;
  • Tanlovda ishtirok etish istagini bildirgan ilmiy jamoalar Yaponiyalik hamkorlari bilan oʻzaro kelishuv va loyiha maqsadlari doirasida ariza berishlari kerak.

Foydali tomonlari

  • Loyihalar Oʻzbekiston Innovatsion rivojlanish vazirligi tomonidan moliyalashtiriladi

Loyiha Yaponiya hukumatining SATREPS dasturi doirasida bir qancha Oʻzbekiston va Yaponiya oliy oʻquv yurtlari, ilmiy-tadqiqot institutlari, Oʻzbekiston Respublikasi Prezidenti huzuridagi Orolboʻyi xalqaro innovatsion markazi, bir qator vazirliklar va idoralar konsorsiumi ishtiroki asosida Oʻzbekiston va Yaponiya xususiy sektorining yordami bilan amalga oshirilmoqda;

Hujjat topshirish

SATREPS -2020 doirasida tasdiqlangan loyiha komponentlariga muvofiq asosiy tadqiqot yoʻnalishlari:

  1. Axborot tizimlarida innovatsion “nou-xau” — iqlim oʻzgarishini geostatsionar meteorologik sunʼiy yoʻldoshlar maʼlumotlari asosida real vaqtga yaqin tarzda kuzatish, quyosh nurlanishining oʻzgarishini monitoring qilish va baholash. Loyihani amalga oshirish muddati: 2023-2026-yillar.
  2. Tuz va qum boʻronlarini kuzatish, prognoz qilish va oldindan ogohlantirish tizimini yaratish va rivojlantirish. Loyihani amalga oshirish muddati: 2023-2025-yillar.
  3. Suv va yer resurslari monitoringi, suv-energetika balansini baholash, suv resurslari va ulardan foydalanish boʻyicha iqlim oʻzgarishini modellashtirishning zamonaviy tizimini ishlab chiqish, tuproq shoʻrlanishini nazorat qilish va xaritasini tuzish; Amudaryoning quyi oqimida va Qashqadaryo daryosi havzasida qishloq xoʻjaligi yerlarining hosildorligi va tuzlarning toʻplanish dinamikasidagi uzoq muddatli oʻzgarishlarni baholash va prognoz qilish; MODIS, GCOM-C Landsat, Sentinel va mahalliy uchuvchisiz kuzatuv dronlar yordamida toʻplangan maʼlumotlaridan foydalanib shoʻrlanish sharoitida biomassaning oʻsish, toʻplanishi dinamikasi va hosildorligini baholash va prognoz qilish. Loyihani amalga oshirish muddati: 2022-iyuldan – 2025-iyulgacha.
  4. Baholashning zamonaviy usullarini qoʻllashni kiritish va Orol dengizi galofitlar florasi madaniyatiga kiritish. Tuz va qurgʻoqchilikka chidamli noanʼanaviy ekinlarning istiqbolli galofitlarini yetishtirish uchun urugʻlantirish usullari va yetishtirish agrotexnikasini ishlab chiqish; urugʻlarni biokimyoviy tahlil qilish va ularni koʻpaytirish va in-situ va ex-situ saqlash biotexnologik asoslari. Loyihani amalga oshirish muddati: 2022-iyuldan – 2025-iyulgacha.
  5. Oʻzgaruvchan iqlim sharoitida suvdan foydalanishni optimallashtirish uchun shoʻrlanish sharoitida yopiq siklli qishloq xoʻjaligi tizimini ishlab chiqish; tuz va qurgʻoqchilikka chidamli noanʼanaviy galofit tizimli qishloq xoʻjaligida va agro oʻrmon xoʻjaligi tizimlarida qoʻllash; ularning fiziologiyasini, fitomeliorativ xususiyatlarini va tijorat qiymatini oʻrganish (yem-xashak va ozuqaviy qiymati, dorivor xususiyatlari, nektar va asalga boyligi va boshqalar). Loyihani amalga oshirish muddati: 2022-iyuldan – 2026-iyulgacha.
  6. Shoʻrlanish va iqlim oʻzgarishi sharoitida suv miqdori kam boʻlgan holatda ishlab chiqarish-taqsimlash zanjirini maksimal darajada oshirish uchun yerdan foydalanish ssenariylarini yaratish. Tayyor mahsulotlar, yuqori daromadli noanʼanaviy oʻsimliklar va ekinlarning qoʻshimcha qiymat zanjiri va marketingini tahlil qilish; kichik qishloqlar va mahalliy jamoalar darajasida shoʻrlanish sharoitida qishloq xoʻjaligini barqaror rivojlantirish uchun muvaffaqiyatli biznes modellarini tarqatish. Loyihani amalga oshirish muddati: 2023-2026-yillar.

Har bir loyihada bir nechta ilmiy jamoalarning ishtirok etashi afzalliklarga ega.

Tanlov shartlari.

Tanlovda ishtirok etadigan ilmiy loyihalar 2021-yil 30-noyabr sanasigacha grant.mininnovation.uz elektron platformasining “Tanlovga ilmiy loyihalarni taqdim etish” sahifasi orqali elektron shaklda qabul qilinadi.

grant.mininnovation.uz elektron platformasi orqali tadqiqot loyiha hujjatlarini roʻyxatdan oʻtkazish jarayonida dastlabki hujjatlarning pdf/doc elektron shaklini yuklash zarur:

  • SATREPS-2020 ishtirokchisining Yaponiya universitetidan loyihani qoʻllab-quvvatlash xati;
  • Ijro etuvchi organ rahbari tomonidan imzolangan tavsiyanoma (pdf);
  • Amalga oshiruvchi tashkilot ilmiy (ilmiy-texnik) kengashining qaroridan koʻchirma (pdf);
  • Loyiha matni (imzolangan va muhrlangan, pdf vadoc/docx variantlarida).

Taqdim etilgan loyihalar tanlov talablariga qatʼiy rioya qilishi, ishonchliligi, aniqligi va plagiatning yoʻqligini tekshirish maqsadida dastlabki texnik koʻrikdan oʻtkaziladi.

Tanlovning keyingi bosqichiga elektron roʻyxatga olish va dastlabki texnik ekspertizadan oʻtmagan loyihalar tavsiya etilmaydi.

Rasmiy havola Hujjat topshirish

Qoʻshimcha maʻlumotlar

  • Tanlovga taqdim etilgan loyihalarni koʻrib chiqish natijalari toʻgʻrisida maʼlumot grant.mininnovation.uz elektron sayti “Tanlov natijalarini aniqlash boʻyicha interaktiv xizmat” sahifasi, shuningdek www.mininnovation.uz saytidagi “Tanlov natijalari” interaktiv xizmati orqali taqdim etiladi;
  • Innovatsion rivojlanish vazirligining grant.mininnovation.uz elektron platformasidagi “Ilmiy loyihalarni tanlovga taqdim etish” sahifasi orqali ilmiy loyihalarni elektron roʻyxatga olish masalalari boʻyicha texnik qoʻllab-quvvatlash xizmati: + 998-71-203-32-32, +998 (90) 989-92-94

Oʻxshash dasturlar

Diplomsiz dastur
Barcha talabalar va yoshlar yetakchilari uchun AQShning Kaliforniya shtatida o'tkaziladigan xalqaro konferensiya — International Youth Conference 9
Diplomsiz dastur
AQShning Ayova universitetidan malakali yozuvchi va adabiyot boʻyicha mutaxassislar uchun 11 haftalik IWP Fall Residency dasturi
Diplomsiz dastur
Turli sоha vakillari uchun taʼlim sohasida ikki yillik professional rivojlanish imkoniyatini beruvchi Teach for Uzbekistan dasturi
Diplomsiz dastur
Professional yosh xodimlar uchun Germaniyada 3 oylik amaliyot — CrossCulture Fellowship Programme. Barcha xarajatlar qoplanadi!
Diplomsiz dastur
AQShning Kolumbiya universitetida bir yil davomida toʻliq moliyalashtirilgan holda tadqiqot qilish imkoniyati — Obama Foundation Scholars Program
Oʻzbekiston
Oʻzbekiston va Yaponiya hamkorligida Orol dengizi muammosiga qarshi kurashishga qaratilgan loyihalarga yo'naltirilgan SATREPS-2020 qoʻshma xalqaro ilmiy loyihalar tanlovi
Rasmiy havola Hujjat topshirish

Veb-saytimizdan foydalanishni davom etish orqali siz bizning cookie qoidalarimizga rozilik bildirasiz.

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar