O‘zbekistonda tiflosharhlovchilarni tayyorlash boyicha navbatdagi ta’lim granti

O‘zbekiston Respublikasi Vazirlar Mahkamasi huzuridagi Madaniyat va san’atni rivojlantirish jamg‘armasi Reakomp instituti bilan hamkorlikda O‘zbekistonda tiflosharhlovchilarni tayyorlash bo‘yicha navbatdagi ta’lim grantlarini e’lon qiladi.

Ta’lim dasturi ikki bosqichda: onlayn-ta’lim va Rossiyadagi Reakomp institutida ta’lim shaklida bo‘lib o‘tadi. Ishtirokchilar Reakomp institutida ko‘rishda nuqsoni bo‘lgan insonlarni o‘qitishga yangi pedagogik yondashuvlarni o‘rganishadi. Dastur ishtirokchilarning barcha asosiy xarajatlarini qoplaydi. Loyiha yakunlangach loyiha ishtirokchilari O‘zbekistondagi teatrlarda ko‘zi ojiz va zaif ko‘ruvchilar bilan ish olib boradilar.

Dasturga nomzodlar quyidagi talablarga javob berishlari kerak:

• Nomzodlar O‘zbekiston va MDH davlatlarida tiflosharhlash haqida ma’lumotga ega bo‘lishi;
• Loyiha yakunlangach loyiha ishtirokchilari O‘zbekistondagi teatrlarda ko‘zi ojiz va zaif ko‘ruvchilar bilan ish olib borishlari kerak bo‘ladi.

Dastur maqbullik talablarini quyidagi havola orqali tanishish mumkin

Dasturga qabul qilinganlar quyidagi talablarga javob beradilar:

• Borib-kelish xarajatlari;
• Turar-joy va ovqatlanish xarajatlari qoplanadi;
• Dastur davomida ishtirokchilar onlayn-kurs hamda Moskvadagi Reakomp institutida kunduzgi ta’lim olish imkoniyatiga ega bo‘lishadi.

Dastur imkoniyatlari bilan quyidagi havola orqali tanishish mumkin.

Dasturga hujjat topshirishda quyidagilar so‘raladi:

• Pasport nusxasi;
• Avtobiografiya;
• Rezyume;
• Oliy yoki o‘rta maxsus ma’lumotni tasdiqlovchi tasdiqlovchi hujjat nusxasi;
• Motivatsion xat.

Motivatsion xatda nomzodning dasturda ishtirok etishdan maqsadini yoritishi  hamda quyidagi savollarga javob berishi kerak:

• Loyiha haqida qayerdan eshitdingiz va nima uchun  ishtirok etishga qaror qildingiz?;
• O‘zbekiston va MDH davlatlarida tiflosharhlash haqida nimalarni bilasiz?;
• Ilgari qanday ijtimoiy loyihalarda ishtirok etgansiz?;
• O‘zbekistonda inklyuziv va qulay muhitni rivojlantirishga qo‘shadigan hissangizni qanday ko‘rasiz?

Yuqoridagi hujjatlar tiflo@acdf.uz elektron manziliga yoki Toshkent sh., Mirobod tumani, Taras Shevchenko ko‘chasi, 1-uy manziliga yuboriladi.

Ishtirokchilar onlayn-test va suhbat natijalariga ko‘ra saralab olinadi. 

Qo‘shimcha ma'lumotni quyidagi havola orqali olish mumkin.

Tiflosharhlash-bu maxsus og‘zaki tushuntirishlarsiz ko‘zi ojizlar uchun tushunarsiz bo‘lgan narsa, joy yoki harakatning lo‘nda tavsifi. Maxsus tayyorlanfan tiflo-izohlar yordamida ko‘zi ojiz yoki zaif ko‘ruvchi insonlar sahnada sodir bo‘layotgan voqealarning to‘liq vizual tasvirini shakllantirishlari mumkin.