Oʻzbekistondagi AQSh elchixonasi tomonidan oʻrta taʼlim muassasasining 15-17 yoshli oʻquvchilari uchun AQSh universitetlariga kirishga tayyorlovchi bepul The EducationUSA Academy Connects onlayn dasturi
-
18/02/2023 Qabul boshlanishi
-
Bepul Moliyalash turi
-
AQSh Davlat
-
01/03/2023 18:00 Oxirgi muddat
Umumiy maʻlumotlar
AQShning Oʻzbekistondagi elchixonasi maktab, kollej va akademik litseyning 15-17 yoshli oʻquvchilarini AQSh oliygohlariga kirish talablari haqida maʼlumot beruvchi EducationUSA Academy Connects dasturida ishtirok etishga taklif qiladi.
EducationUSA — AQSh Davlat departamentining 175 dan ortiq mamlakatlardagi 430 dan ortiq taʼlim maslahat markazlaridan iborat global tarmogʻidir.
EducationUSA Academy Connects bu oliygohga kirish uchun qisqa muddatli toʻliq onlayn akademik tayyorlov dasturi hisoblanadi. Dastur qatnashchilari AQShning nufuzli oliygohlariga kirish, ularga muvaffaqiyatli hujjat topshirish usullaridan boxabar boʻlish, ushbu universitetlarga virtual tashrif buyurish va madaniy tadbirlarda ishtirok etish imkoniyatiga ega boʻladilar. Shu bilan birga, dastur orqali nomzodlar ingliz tili bilimlarini yana mustahkamlashlari mumkin.
Dasturning 2023-yildagi mavsumi quyidagi oliygohlar tomonidan olib boriladi:
- Boston University (Boston, MA)
- Embry-Riddle Aeronautical University (Daytona Beach, FL)
- Cloud State University (St. Cloud, MN)
- Johnʼs University (Queens, NY)
- Temple University (Philadelphia, PA)
- University of Colorado Boulder (Boulder, CO)
- University of Wisconsin-Madison (Madison, WI)
Dastur davomida ishtirokchilarning barcha xarajatlari AQSh elchixonasi tomonidan toʻliq moliyalashtiriladi.
Maqbullik shartlari
Dasturda ishtirok etish uchun nomzodlar quyidagi talablarga javob berishi lozim:
- Dasturda maktab, kollej yoki akademik litseyda oʻqiyotgan 15-17 yoshli oʻquvchilari ishtirok etishi mumkin;
- Nomzod ingliz tilini kamida B2 (IELTS 5.5) darajada bilishi shart;
- AQSh oliygohlarida oʻqishga katta qiziqishga ega boʻlishi lozim;
- Onlayn darslarda faol ishtirok etish imkoniyatga ega, intizomli va masʼuliyatli boʻlishi darkor;
- Yuqori akademik koʻrsatkichlarga, jumladan aʼlo baholar va turli yutuqlarga ega boʻlishi kerak;
- Keng mulohazali, masʼuliyatli, oʻziga ishongan, qolaversa, izlanuvchan boʻlishi lozim.
Eslatma! AQSh elchixonasi xodimlari oila aʼzolari ushbu dasturda ishtirok eta olmaydilar.
Dastur talablari haqida batafsil ushbu havola orqali maʼlumot olish mumkin.
Foydali tomonlari
Dasturga qabul qilinganlar quyidagi imtiyozlarga ega boʻladi:
- Dasturga qabul qilinganlar ushbu dasturda bepul ishtirok etadi;
- Ishtirokchilar AQShning nufuzli 7 ta universitetlariga kirish talablari haqida maʼlumotga ega boʻladi;
- AQSh oliygohlariga muvaffaqiyatli hujjat topshirish usullarini oʻrganadi va ushbu universitetlarga virtual tarzda sayohat qiladi;
- Amerika madaniyati bilan yaqindan tanishish va madaniy tadbirlarda ishtirok etish imkoniyatiga ega boʻladi;
- Ingliz tilidan bilimlarini yanada mustahkamlaydilar.
Dastur imkoniyatlari haqida batafsil ushbu havola orqali maʼlumot olish mumkin.
Qoʻshimcha maʻlumotlar
AQSh elchixonasiga shaxsan hujjat topshirish uchun kelish mumkin emas. Hujjatlar onlayn qabul qilinadi.
Qoʻshimcha savol va murojaatlar uchun:
Tel: +998 781205450;
Fax: +998 781206335.