Oʻzbekistondagi AQSH elchixonasidan 9-10-sinf oʻquvchilari uchun barcha xarajatlari qoplanadigan bir oylik "Samarkand-USA" yozgi lageri

O’zbekistondagi AQSH elchixonasi 9-10-sinf o’quvchilari uchun barcha xarajatlari qoplanadigan yozgi lager e’lon qiladi. Lager davomida yangi do’stlar orttirish, ingliz tilini bilish darajangizni rivojlantirish, Amerika haqida yanada ko’proq va qiziqarliroq ma’lumotlar bilish, Samarqandning qadimiy joylariga sayohat qilish imkoniyatiga ega bo’lasiz. Lager 20-iyundan 18-iyulgacha Samarqandda bo’lib o’tadi. 

• 9-10-sinf o’quvchisi bo’lish;
• Madaniyatlararo almashinuv va ingliz tilini o'rganishga qiziqish;
• Sinfdan tashqari qo’shimcha mashg’ulotlarda ham faol bo’lish;
• Ilmiy sohalarga qiziqish bildirish

• 1 oy davomida Samarqandda bo’lish va u yerning qadimiy va diqqatga sazovor joylariga sayohat qilish;
• Yangi do’stlar orttirish hamda ingliz tilini bilish darajangizni rivojlantirish;
• Amerika haqida ko’proq ma’lumotga ega bo’lish;
• Musiqa, raqs, san’at, sport tadbirlarida ishtirok etish;

1. Ariza shaklini to’ldiring. Yuklab olish
2. Nega “Samarkand-USA English Camp-2021” da qatnashmoqchi ekanligingiz haqida 500 ta so’zdan iborat insho yozing;
3. Mukofotlar, stipendiyalar yoki maxsus e'tiroflar ro'yxati;
4. Qobiliyatlaringiz, sevimli mashg'ulotingiz va qanday sport turini yoqtirishingiz haqida 500 ta so’zdan iborat insho yozing;
5. Lagerda qatnashish uchun ota-onangizni biri yoki har ikkalalaridan olingan rozilik xatini rasmi yoki skanerini yuklang

Lagerga qabul qilinganlar bir oy davomida Samarqand davlat chet tillar institutida maxsus darslarga qatnashishadi. Turar-joy va barcha xarajatlar qoplanadi.