Oʻzbekistondagi barcha 12-17 yoshdagi bolalar uchun #SaferInternetDay doirasidagi “Eng yaxshi shior” tanlovi

Oʻzbekiston Respublikasi Ichki Ishlar Vazirligining Kiberxavfsizlik markazi va UNICEFning Oʻzbekistondagi vakolatxonasi Oʻzbekistonning barcha hududlaridan 12 yoshdan 17 yoshgacha boʻlgan bolalarni #SaferInternetDay doirasidagi tanlovda ishtirok etishga taklif etadi.

Gʻolib deb topilgan ishlar Xavfsiz Internet Milliy markazining ramzi va shiori sifatida tan olinadi.

Tanlovdan koʻzlangan maqsad kibermakonda bolalar xavfsizligi va himoyasini oʻzida mujassam etuvchi milliy ramziy xarakter timsoli(ramzi) va shiorni ishlab chiqishdan iborat. Bular, shuningdek, bolalar va oʻsmirlar tomonidan raqamli texnologiyalardan xavfsiz foydalanishni targʻib qilish boʻyicha tadbirlarda qoʻllaniladi.

 Oʻzbekistonda bolalar kibermakondan xavfsiz foydalanishi bilan bogʻliq shiorni quyidagi shaklda yozish mumkin:

• Shior;
• Ifodalar;
• Iboralar;
• Ikki qator sheʼr;
• Gap.

Tanlov qoidalari va ijodiy ishlar shakli haqida batafsil maʼlumot bilan rasmiy eʼlonda tanishib chiqish mumkin.

Tanlov shartlari quyidagicha:

• Oʻzbekiston hududida istiqomat qiluvchi barcha 12 yoshdan 17 yoshgacha boʻlgan bolalar ishtirok etishi mumkin;
• Har bir ishtirokchi faqat bitta yoki har ikkala nominatsiya boʻyicha ishtirok etishi mumkin;
• Har bir nominatsiya uchun faqat bittadan ijodiy ish taqdim etilishi mumkin.

Tanlov shartlari bilan batafsil rasmiy eʼlon orqali tanishib chiqish mumkin.

Tanlov g‘oliblari sertifikat va quyidagi sovg‘alar bilan taqdirlanadilar:

• 1-o‘rin – Planshet (Samsung Galaxy Tab S7 11" 128Gb 4G)
• 2-o‘rin – Electron kitob o‘quvchi (Amazon Kindle Paperwhite (10th Generation)
• 3-o‘rin - Fitness bilaguzuk (Xiaomi MI smart band 6).

Tanlovda ishtirok etish uchun quyidagi maʼlumotlarni oʻz ichiga olgan ariza yuborilishi lozim:

• Ishtirokchining toʻliq ism-sharifi;
• Ishtirokchining yoshi;
• Yashash manzili;
• Taʼlim maskani va sinfi;
• Aloqa uchun telefon raqamlari;
• E-mail manzili;
• Tanlovga yuborilgan ishni koʻrsatish: milliy ramziy timsol (ramzi) va/yoki shior.

Pochta orqali yuboriladigan xat uchun ariza A4 formatida boʻlishi yoki elektron pochtaga ilova qilish uchun Word hujjat formatida boʻlishi kerak.

Pochta manzili: Oʻzbekiston Respublikasi Ichki Ishlar Vazirligi Kiberxavfsizlik markazi, 100029, Toshkent sh., Yakkasaroy tumani, YUNUS RAJABI koʻchasi, “1”

Elektron pochta manzili(e-mail): tashkent@unicef.org

Muhim: Konvert ustida yoki elektron xat mavzusida “TANLOV #SaferInternetDay” deb koʻrsatib qoʻyilishi kerak.

Ariza yuborish boʻyicha ushbu havola orqali batafsil maʼlumot olish mumkin.

Timsol (ramz)

“Milliy ramziy xarakter” timsoli qoʻlda tasvirlangan surat yoki grafik shaklda taqdim etilishi kerak: Photoshop, Power Point dasturlarida yoki har qanday qulay onlayn dasturlarda yaratilishi mumkin.

Surat ruchka, qalam, flomaster yoki boʻyoqlar yordamida A3, A4 yoki A5 formatidagi qogʻoz yoki kartonda bajarilishi mumkin.

Shior

Shior qogʻozga qoʻl bilan oʻzbek, qoraqalpoq yoki rus tillarida tushunarli qilib yozilishi yoki bosma shaklda taqdim etilishi mumkin.

Mualliflik huquqini buzuvchi mavjud ramz va shiorlardan nusxa qilingan, shuningdek kamsitish va zoʻravonlikni targʻib qiluvchi, boshqa shaxslarning shaʼni va qadr-qimmatini yerga uruvchi, behayo soʻz va tasvirlarni oʻz ichiga olgan ramzlar va shiorlar tanlovga qoʻyilmaydi.

Tanlov natijalari 2022-yil 31-may kuni Oʻzbekiston Respublikasi Ichki ishlar Vazirligi va UNICEFning Oʻzbekistondagi vakolatxonasi veb-sayti va ijtimoiy tarmoqlarida eʼlon qilinadi.