Oʻzbekistonlik migrantlar haqida tadqiqot olib borish imkoniyati

Shveysariyaning Jeneva shahrida joylashgan Xalqaro Savdo Markazi tomonidan dasturlar boshqaruvi sohasida tadqiqot olib borish uchun ish oʻrinlari eʼlon qilinadi.

Tadqiqotchilarning asosiy vazifasi Oʻzbekistonga qaytib kelayotgan migrantlar uchun iqtisodiy imkoniyatlarni baholash va ularga koʻmaklashish uchun asos yaratishdan iborat. Dastur savdo va xalqaro biznesni rivojlantirish orqali inklyuziv va barqaror iqtisodiy oʻsish hamda rivojlanishni qoʻllab-quvvatlashga qaratilgan.

Tadqiqot olib borish nomzod ishga qabul qilingan kundan boshlab 2 oy muddatda tugatilishi kerak. Bunda nomzod Oʻzbekistonga qaytib kelgan migrantlarga munosib biznes va ish imkoniyatlarini topishda yordam berish maqsadida tadqiqot olib boradi va olingan natijalarni amaliy tavsiyalar bilan birga batafsil hisobotga jamlaydi.

Maʼlumot uchun: Xalqaro Savdo Markazi global savdo va iqtisodiy rivojlanish bilan shugʻullanadigan tashkilot hisoblanadi.

Dastur haqida batafsil ushbu havola orqali maʼlumot olish mumkin.

• Oʻzbekistonlik ishchilar, migrantlar va mehnat bozori haqida tadqiqot olib borishga qiziqqan barcha qatnashishi mumkin;
• Iqtisodiyot, biznes, rivojlanish tadqiqotlari, migratsiya tadqiqotlari, empirik tadqiqot yoki shu kabi sohalardan birida magistr yoki unga teng darajaga ega boʻlish lozim;
• Ingliz tilini (ogʻzaki va yozma) mukammal bilish hamda oʻzbek va/yoki rus tilida ravon gapira olish talab qilinadi;
• Ishtirokchilar Oʻzbekiston iqtisodiy muhitini yaxshi tushunishi kerak;
• Nomzod intervyu va soʻrovnoma oʻtkaza olishi lozim;
• Xususiy sektor yoki migratsiya boʻyicha tadqiqotlar olib borish tajribasi boʻlishi soʻraladi;
• Ishtirokchilar Oʻzbekistonda uydan turib ishlashlari shart.

Ishtirokchilar quyidagi vazifalarni bajarishlari kerak:

1. Guruh suhbatlari tashkil qilish. Qaytib kelgan migrantlar bilan 5 ta guruh suhbati va 30 nafar migrant soʻrovdan oʻtkazildi.
2. Intervyular. Muhim tashkilotlar va mutaxassislar bilan 10 ta intervyu tashkil qilinadi.
3. Kompaniyalar bilan soʻrovnoma. 30 ta kompaniya bilan migrantlarga munosabati va tajribasi boʻyicha soʻrov olib boriladi. Migrantlar uchun qiziq boʻlgan 3 ta sektor aniqladi.
4. Tahlil va hisobot. Intervyu qilingan shaxslar va kompaniyalar boʻyicha maʼlumotlar bazasi tuzildi va soʻrov natijalari tahlil qilindi. Tadqiqot natijalari va qoʻllab-quvvatlash boʻyicha amaliy tavsiyalarni oʻz ichiga olgan batafsil hisobot tayyorlandi.

Nomzodlar quyidagi koʻnikmalarga ega boʻlishi kerak:

• Xalqaro savdo va iqtisodiy rivojlanish tashabbuslari haqida bilimga ega boʻlish;
• Migratsiya bilan bogʻliq masalalarni tushunish;
• Kuchli tahliliy va strategik rejalashtirish koʻnikmalari, tanqidiy fikrlash qobiliyati;
• Aʼlo darajadagi muloqot va insonlar bilan ishlash koʻnikmalari;
• Minimal nazorat ostida mustaqil ishlash qobiliyati;
• Kompyuter dasturlarini yaxshi bilish, jumladan Microsoft Word va Microsoft Excel.

Muhim: Yuqoridagi barcha vazifalar shartnoma boshlangan kundan boshlab 2 oy ichida (va undan kechiktirmay) bajarilishi kerak.

Agar tegishli soha boʻyicha universitet diplomi boʻlmasa, shu sohadagi ish tajribasi ham qabul qilinishi mumkin.

• Dasturda bepul qatnashish mumkin;
• Xalqaro tashkilotda tajriba orttirish imkoniyati.

Dasturda qatnashishni istaganlar quyidagi amallarni bajarishlari kerak:

• Nomzod ushbu havola orqali roʻyxatdan oʻtadi;
• Keyin maxsus Inspira tizimiga kirish imkoni paydo boʻladi;
• Tizimga kirgan har bir nomzod oʻz profilini yaratishi kerak. Profil yaratishda barcha shaxsiy va aloqa maʼlumotlari hamda yashash manzili boʻyicha maʼlumotlar kiritiladi;
• Soʻng tanlangan ish oʻrni uchun ariza topshiriladi.

Eslatma: Inspira tizimiga roʻyxatdan oʻtishda kiritilgan maʼlumotlarni oʻzgartirish mumkin emas.

• Dasturga hujjat topshirish uchun oxirgi muddat: 20-mart 2026-yil.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• YouTube;
• Twitter;
• Linkedin.