"O‘zbekneftgaz" AJ tomonidan oliy ta’lim muassasalari iqtidorli talabalari uchun “GTL stipendiyalar dasturi - 5” tanlovi

15/09/2023 Qabul boshlanishi
Stipendiya Moliyalash turi
Oʻzbekiston Davlat
15.10.2023 Oxirgi muddat

Umumiy maʻlumotlar

Sintetik suyuq yoqilgʻi ishlab chiqarish zavodi uchun kadrlar tayyorlash dasturini kengaytirish, iqtidorli talabalarni moddiy va ijtimoiy qoʻllab-quvvatlash maqsadida “Oʻzbekneftgaz” AJ tasarrufidagi “Uzbekistan GTL” masʼuliyati cheklangan jamiyati 2023-2024 oʻquv yili uchun IV stipendiyalar dasturini eʼlon qiladi.

Stipendiya dasturida bakalavrning oxirgi ikki kurs va magistratura talabalari qatnashishlari mumkin. 3 bosqichda saralashdan muvaffaqiyatli o'tganlarga oylik stipendiya, doimiy ish va amaliyot o'tash imkoniyati beriladi.

Dastur bo'yicha batafsil maʼlumotlarni kompaniyaning rasmiy veb-sayti va telegram kanalidan bilib olishi mumkin.

Ma'lumot uchun: ushbu stipendiya dasturi 2019-2020 o‘quv yilida ta’sis etilgan. O‘tgan o‘quv yillarida dasturda jami 5714 nafar talaba qatnashib, 70 ga yaqin iqtidor egalari g‘olib va faol ishtirokchi sifatida e’tirof etilgan.

Maqbullik shartlari

Tanlovda texnika yo‘nalishida tahsil olayotgan oliy ta’lim muassasalarining 3-, 4-kurs bakalavr va 1-, 2-kurs magistrantlari ishtirok etishi mumkin.

Foydali tomonlari

G'oliblarga bir yil mobaynida oyma-oy 1 million so'mlik oylik stipendiya to'lanadi hamda oliy ta’lim muassasini tugatgandan so‘ng, doimiy ish bilan ta’minlanadi;
Shuningdek, “Uzbekistan GTL” zavodida kengaytirilgan ishlab chiqarish va diplomoldi amaliyotlarini o‘tash imkoniyatiga ega bo‘ladilar. Amaliyot davomida transport, yashash va ovqatlanish xarajatlari Kompaniya tomonidan qoplanadi.

Eslatma: Yuqoridagi ma'lumotlar asllikdan farq qilib qolish ehtimoli mavjud.

Hujjat topshirish

Stipendiya dasturida ishtirok etish quyidagi 3 bosqichda amalga oshiriladi:

Onlayn registratsiya (15-sentabrdan 15-oktabrgacha).

Bunda nomzodlardan o'zlari haqidagi muxtasar video rolikni ushbu manzilga ham jo'natishi so'raladi.

2. Birinchi bosqichdan muvaffaqiyatli o'tganlar ingliz tilida o'tkaziladigan yozma yoki test imtihoniga taklif qilinadilar (15-oktabrdan 15-noyabrgacha).

Imtihon o'tkazilish joylari: Qarshi, Buxoro, Toshkent.

3. Intervyu (20-noyabrdan 15-dekabrgacha).

Eng yaxshi natijalarni qayd etganlar Qarshi, Buxoro yoki Toshkentdagi o'quv joylarida intervyu qilinadilar. Bunda nomzodning kasbiy salohiyati va shaxsiy fazilatlari sinovdan o'tkaziladi.

G'oliblarni e'lon qilish taqdirlash - dekabr oyida.

Barcha bosqich g'oliblari tartib bilan kompaniya rasmiy saytida e'lon qilib boriladi.

Rasmiy havola Hujjat topshirish

Qoʻshimcha maʻlumotlar

Tanlov doirasida o‘tkaziladiga har bir bosqich bo‘yicha batafsil ma’lumot (keyingi bosqichga o‘tgan talabalar ro‘yxati, imtixon o‘tkazish kuni, joyi va vaqti) Kompaniyaning rasmiy sayti hamda @uzbgtl rasmiy telegram kanalida e’lon qilib boriladi.

Tanlov haqida ko'proq:

YouTube | LinkedIn | Telegram