Oʻzining loyiha/kompaniyasini yaratish niyatidagi yoshlar uchun $100 000 miqdoridagi grant — Thiel Fellowship dasturi

Thiel Fellowship — PayPal asoschisi, tadbirkor va investor Piter Til tomonidan tashkil etilgan 2 yillik dastur boʻlib, har yili 20-30 nafar yoshlarga oʻzining loyihasi/kompaniyasini yaratishga yordam beradi.

Ikki yil davomida manfaatli va oʻziga xos loyiha/kompaniya yaratish ustida ishlayotgan 22 yoshgacha boʻlgan yoshlarga $100 000 miqdorida grant ajratiladi. Dasturning asosiy sharti — agar nomzod dasturga qabul qilingan vaqtda, OTMda tahsil olayotgan boʻlsa, oʻqishini tashlashi va eʼtiborini loyihani rivojlantirishga qaratishi lozim

2 yillik dastur davomida ishtirokchilar mentorlik darslari, seminarlar, Silikon Vodiysi investorlari, tadbirkorlar bilan aloqa oʻrnatish(networking) imkoniyatini ham taqdim etadi.

Dastur haqida batafsil ushbu havola orqali maʼlumot olish mumkin.

“Thiel Fellowship dasturi sinfxonada oʻtirish oʻrniga, yangi gʻoyalar ustida ishlamoqchi boʻlgan yoshlarga $100 000 beradi.”

Dasturda:

• 22 yoshdan kichik boʻlish;
• Biror manfaatli, oʻziga xos loyiha/kompaniya ustida ishlayotgan;
• Agar universitetda tahsil olayotgan boʻlsa, dasturda ishtirok etish uchun oʻqishidan biroz muddat uzoqlashishga tayyor boʻlgan yoshlar ishtirok etishi mumkin.

Dastur talablari bilan batafsil ushbu havola orqali tanishib chiqish mumkin.

• 2 yil davomida $100 000 miqdoridagi grant taqdim etiladi. Berilgan mablagʻni qaytarib toʻlash sharti mavjud emas, va jamgʻarma nomzodning loyiha/kompaniyasidan hech qanday ulush talab qilmaydi.
• Nomzod loyihasini dunyoning istalgan qismida amalga oshirishi mumkin.

Dastur imtiyozlari haqida batafsil ushbu havola orqali maʼlumot olish mumkin.

Dasturga ushbu portal orqali onlayn ariza topshiriladi.

Portal orqali istalgan vaqtda roʻyxatdan oʻtib, arizani toʻldirish mumkin. Arizalar doimiy ravishda qabul qilinadi va munosib nomzodlar saralab olinadi.

Onlayn arizada nomzodlardan:

• Umumiy aloqa maʼlumotlari;
• Oʻz loyihasi haqidagi maʼlumotlar;
• Loyihalar yaratish boʻyicha avvalgi tajribasi haqida soʻraladi.

Qoʻshimcha maʼlumotlar uchun: tez-tez soʻraladigan savollar boʻlimi — FAQs.

Murojaat uchun: hello@thielfellowship.org.

Qoʻshimcha maʼlumotlar uchun: tez-tez soʻraladigan savollar boʻlimi — FAQs.