Parijda diplomatiya va xalqaro munosabatlar bo'yicha forum — Global Youth Diplomacy Forum 2026

Youth Diplomatic Academy (YDA) tomonidan tashkil etiluvchi Global Youth Diplomacy Forum — Paris Edition 2026 — diplomatiya, siyosatshunoslik va xalqaro boshqaruv sohasida faoliyat yuritmoqchi bo'lgan 16–35 yoshdagi yoshlar uchun mo'ljallangan xalqaro forum hisoblanadi. Tadbirda ishtirokchilar diplomatlаr va siyosat ekspertlari bilan bevosita muloqot olib boradi, interaktiv simulyatsiyalar va muhokamalar orqali haqiqiy diplomatik jarayonlarni o'rganadi.

Forum uch asosiy mavzu atrofida qurilgan:

• Understanding Diplomacy in the Contemporary Era — zamonaviy diplomatiyanining shakllari: ommaviy, raqamli va ko'ptaraflama diplomatiya;

• Youth Inclusion in Policy and Decision-Making — yoshlarning siyosiy jarayonlarga qo'shilish yo'llari va to'siqlari;

• Digital Diplomacy and Global Influence — raqamli platformalarning xalqaro ta'sir va advokasiyaga ta'siri.

Forum 2026-yil 25–27-sentabr kunlari Fransiyaning Parij shahrida bo'lib o'tadi. Jami 70 ta moliyalashtirilgan o'rin mavjud: 30 tasi to'liq, 40 tasi qisman moliyalashtiriladi. Shuningdek, virtual ishtirok va to'lovli bevosita qatnashish imkoniyatlari ham taqdim etiladi.

• 16 yoshdan 35 yoshgacha bo'lgan barcha millat vakillari ariza topshirishi mumkin;

• Diplomatiya, xalqaro munosabatlar, davlat boshqaruvi yoki siyosatshunoslik sohasida ta'lim olayotgan talabalar va bitiruvchilar;

• Karyerasining ilk bosqichidagi mutaxassislar, faollar va jamoat liderlari har qanday ta'lim yo'nalishidan;

• Xalqaro hamkorlik, yetakchilik va barqaror rivojlanishga qiziquvchi fuqarolar;

• Ariza topshirishda pasport tavsiya etiladi; pasport bo'lmagan holda milliy ID hujjati bilan ham ariza topshirish mumkin.

Saralash mezonlari:

• Diplomatiya va xalqaro ishlarga bo'lgan qiziqish va yo'nalganlik;

• Siyosatni tahlil qilish va muhokama qilishga layoqat;

• Xalqaro munosabatlar yoki davlat boshqaruviga oid akademik yoki professional tajriba;

• Kommunikatsiya va rasmiy muloqot ko'nikmalari;

• Uzoq muddatli maqsadlar aniqligи va madaniyatlararo hamkorlikka tayyor ekanlik.

To'liq moliyalashtirilgan kategoriya (30 o'rin):

• Borish-qaytish aviachiptasi xarajatlari qoplanadi (qaytarib to'lash asosida);

• Boshqalar bilan umumiy turar joy bilan ta'minlanadi;

• €500 gacha forum to'lovi bekor qilinadi;

• Belgilangan taomlar (2 tushlik) ta'minlanadi;

• Viza taklif xati va qo'llab-quvvatlash xizmati ko'rsatiladi;

• Nutq so'zlash imkoniyati, tadbir suvenirlari va YDA media platformalarida e'lon qilinadi;

• Barcha forum faoliyatlariga to'liq kirish huquqi beriladi;

• €22.75 ariza to'lovi saralanganlar uchun qaytariladi.

Qisman moliyalashtirilgan kategoriya (40 o'rin):

• Boshqalar bilan umumiy turar joy ta'minlanadi;

• €500 gacha forum to'lovi bekor qilinadi;

• Belgilangan taomlar, viza taklif xati va qo'llab-quvvatlash xizmati ko'rsatiladi;

• Nutq so'zlash imkoniyati, tadbir suvenirlari va YDA media platformalarida e'lon qilinadi;

• €22.75 ariza to'lovi saralanganlar uchun qaytariladi.

Barcha kategoriyalarda beriladi:

• Ishtirokni tasdiqlovchi rasmiy sertifikat beriladi;

• Diplomatlar, siyosat ekspertlari va xalqaro ishtirokchilar bilan tarmoq o'rnatish imkoniyati taqdim etiladi.

Dasturda hujjat topshirish uch bosqichdan iborat:

1. Onlayn ariza shaklini to'ldiring — shaxsiy ma'lumotlar, akademik yoki professional faoliyat haqidagi ma'lumotlarni aniq kiriting;

2. Saralash kengashi tomonidan ariza ko'rib chiqiladi — har bir ariza mezon asosida, motivatsiya va forumga mos kelishi bo'yicha baholanadi;

3. Tanlangan nomzodlar elektron pochta orqali rasmiy taklif xati va keyingi ko'rsatmalarni oladi.

Moliyalashtirilgan kategoriyaga ariza topshirish uchun ushbu havola orqali to'liq va qisman moliyalashtirilgan kategoriyalar uchun ariza shaklini tanlash mumkin.

Bevosita qatnashish (to'lovli) uchun ariza: ushbu havola.

Virtual ishtirok uchun ariza: ushbu havola.

Muhim:

• Moliyalashtirilgan kategoriya uchun ariza to'lovi €22.75 bo'lib, faqat saralangan nomzodlarga qaytariladi. To'lovli yoki tanlanmagan hollarda to'lov qaytarilmaydi.

• To'g'ridan-to'g'ri qatnashish (Direct Forum Access) to'lovi €249 (erta ro'yxatdan o'tish), bu to'lov qaytarilmaydi va boshqaga o'tkazilmaydi. Viza rad etilgan taqdirda, hujjat asosida kelajakdagi tadbirlar uchun 1 yillik voucher berilishi mumkin.

• Virtual ishtirok to'lovi €99 (erta ro'yxatdan o'tish) bo'lib, hech qanday holatda qaytarilmaydi; biroq kutilmagan vaziyatlarda, 1 oy oldindan bildirilsa, kelajakdagi tadbir voucheri ko'rib chiqilishi mumkin.

• Ariza topshirilgandan so'ng tahrirlash imkoni yo'q.

• PayPal mavjud bo'lmagan hollarda forum@youthdiplomaticacademy.org manziliga murojaat qiling.

Muhim sanalar:

• Ariza topshirish muddati: 2026-yil 30-iyun;

• Natijalar e'lon qilinishi: 2026-yil 10-iyul;

• Tanlangan delegatlarning tasdiqlash muddati: 2026-yil 17-iyul;

• Forum sanasi: 2026-yil 25–27-sentabr, Parij, Fransiya.

To'liq moliyalashtirilgan kategoriyada aviachiptaga oid shartlar: Tanlangan delegatlar yashash joyiga asoslangan ma'lum bir aviachiptа miqdori bo'yicha mos chiptani mustaqil band qiladi va dastur yakunlanganidan so'ng xarajat qoplanadi. Delegatlar belgilangan byudjet doirasida chiptani band qilishlari shart.

Tanlangan nomzodlar uchun majburiy shartlar: Moliyalashtirilgan kategoriyada tanlangan delegatlar rasmiy ijtimoiy tarmoqlarda tanlov posterlari ulashilishiga rozilik berishi va tadbir oldidan video xabar yozib yuborishi talab etiladi. YDA jamoasi batafsil ko'rsatmalarni yuboradi.

Tashkilotchilar bilan bog'lanish:

• Elektron pochta: forum@youthdiplomaticacademy.org

• Telefon: +1 929 568 9117

• Manzil: 178 Columbus Ave, #237190, New York NY 10023, AQSH