PDP Academy Bootcamp kurslarida bepul o‘qish uchun "Unicorn" grant loyihasi. Qabul davom etmoqda!

Grant maqsadi - iqtidorli yoshlarni saralab olib, ularni dasturlash boʻyicha mutaxassisga aylantirish va ish bilan taʼminlash. Shuningdek, loyihaning eng muhim vazifasi sifatida katta startaplarni boshqara olish kabi yuqori salohiyatga ega, dunyoni yaxshi tomonga oʻzgartira oladigan qarorlar chiqara oluvchi yoshlarni tarbiyalash belgilangan.

“Unicorn” loyihasi boʻyicha yoshlarni nafaqat oʻqitish, balki IT olamiga olib kirish va ularga yoʻnalish berish orqali katta loyihalarga qoʻl urishida boshlangʻich yoʻlni yaratib berish koʻzda tutiladi.

Grant dasturlashni oʻrganmoqchi boʻlgan iqtidorli yoshlarga tanlov asosida akademiyada bootcamp shaklida taʼlim olish uchun sarmoya ajratilishini nazarda tutadi. Grant miqdori tanlangan yoʻnalish boʻyicha bootcamp kursi toʻlovlarining toʻliq summasi bilan barobar boʻladi.

• IT sohasiga kirish ishtiyoqiga ega 18-28 yoshlar oraligʻidagi barcha iqtidorli yoshlar qatnashishlar mumkin

• Tanlangan yoʻnalish boʻyicha Bootcamp kurslarida bepul oʻqish imkoniyati;
• Kurs tamomlanganidan soʻng IT kompaniyalarida ish bilan taʼminlanish kafolati beriladi.

Eslatma: Agar talaba o’qishni yakuniga yetkazmasdan tashlab ketadigan bo’lsa yoki PDP Academy tomonidan chetlashtirilsa, u o’qigan muddati uchun to'liq miqdordagi grant summasini qaytarishi kerak bo'ladi.

Ariza berish 3 qismga bo‘linadi:

1. Shaxsni tasdiqlovchi hujjat ma'lumotlari (Passport, ID Card).

2. Kasb, ta'lim va yutuqlar bo‘yicha ma'lumot.

3. Motivatsion xat va 90 sekundlik video.

Grant tanlovida ijobiy natijaga erishish uchun, barcha boʻlimni eʼtibor bilan toʻldiring.

Roʻyxatdagi maʼlumotlar/hujjatlarni elektron formatda taqdim etishni so‘raladi:

1. Pasport (ID Card) nusxasi.

2. 3x4 rasm.

4. Fan olimpiadasida qatnashganlik yoki yutganligi boʻyicha diplom.

5. “Nega IT da muvaffaqiyat qozona olaman?“ degan savolga javob bergan holda 90 sekunddan oshmagan video (hozirgacha erishgan muvaffaqiyatlaringiz faktlari bilan, video-fayl 10 MB dan oshmagan boʻlishi lozim).

6. Motivatsion xat. Ushbu xat orqali siz 2 ta asosiy savolga javob berishingiz kerak boʻladi:

1) Nima uchun minglab iqtidorlar orasidan aynan Siz “Unicorn” grantiga loyiqsiz?

2) Shu vaqtgacha erishgan faxrlanadigan eng katta yutugʻingizni izohlab bering.

(Motivatsion xat 500 ta soʻzdan oshmasligi kerak).

7. IELTS, CEFR yoki boshqa turdagi imtihon sertifikati ("Inter Nation" markazi Mock imtihoni natijasi ham qabul qilinadi).

Kerakli hujjatlar bilan batafsil bu yerda tanishing: 

Yuqorida koʻrsatilgan maʼlumotlarni toʻliq jamlaganingizdan soʻng, roʻyxatdan oʻting!

• Arizalar qabul qilish 28-sentabrda boshlangan va  "Unicorn"chilar soni 1000 nafarga yetmaguncha qabulni davom etadi;
• Iloji boricha tezroq ariza topshirishingiz tavsiya etiladi.