Polshaning Sileziya texnologiya universiteti tomonidan bakalavr va magistratura bosqichida oʻqish uchun grant

01/07/2022 Qabul boshlanishi
Grant Moliyalash turi
Polsha Davlat
17.09.2022 Oxirgi muddat

Muhim tafsilotlar

Kimlar uchun

O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr)
Dastur tili

Ingliz tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Polshaning Silezian Texnologiya universiteti (the Silesian University of Technology) yuqori akademik koʻrsatkichlarga ega xalqaro talabalarga texnologiya sohasida bakalavr va magistratura bosqichida oʻqish uchun grantlarni eʼlon qiladi.

Dasturda yuqori akademik koʻrsatkichga ega maktab, universitet va boshqa muassasa bitiruvchilari ishtirok etishlari mumkin. Saralash davomida nomzodning akademik koʻrsatkichlari, yozilgan tavsiyanoma mazmuniga alohida urgʻu beriladi. Dastur gʻoliblariga 21,000 PLN (Polsha zloty) miqdoridagi grant taqdim etiladi.

Universitetda yozgi semestrda oʻqish uchun 31-martgacha yoki qishki semestrda oʻqish uchun 31-oktyabrgacha ariza topshirish mumkin.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Bakalavr bosqichida oʻqimoqchi boʻlgan nomzodlar oʻzlari oʻqigan muassasada yuqori akademik koʻrsatkichlarga ega boʻlishi va eng yaxshi oʻqigan 20% oʻquvchilar qatorida boʻlishlari talab etiladi;
Bakalavr bosqichi nomzodlar oʻzlari oʻqigan muassasa rahbari (maktab boʻlsa maktab direktori)dan ingliz yoki polyak tilida Sileziya texnologiya universiteti rektori nomiga yozilgan tavsiyanomani taqdim etishlari kerak boʻladi;
Magistratura bosqichiga hujjat topshirgan nomzodlar universitetda yaxshi akademik koʻrsatkichlarga ega boʻlishi kerak;
Magistraturaga hujjat topshirish jarayonida nomzodlar oʻzlari bakalavr bosqichini oʻqigan oliygohlari dekani yoki rektori tomonidan ingliz yoki polyak tilida yozilgan tavsiyanomani taqdim etishlari kerak boʻladi;
Bakalavr yoki magistratura bosqichiga hujjat topshirish davrida nomzodlardan Sileziya universitetida oʻqish uchun bir semestrlik kontrakt pulini toʻlash soʻraladi.

Dastur talablari haqida ushbu havola orqali batafsil maʼlumot olish mumkin.

Foydali tomonlari

Dasturning quyidagi foydali tomonlari mavjud:

Grant gʻoliblariga 21,000 PLN (Polsha zloty; tax. $4400) miqdorida pul ajratiladi. Ushbu mablagʻ uchga boʻlib taqdim etiladi. Pulning birinchi qismi oʻqish boshlangandan keyin uch oy ichida, qolgan qismi esa ikkinchi va uchinchi semestrlarda yetkazib beriladi.

Dasturning foydali jihatlari haqida ushbu havola orqali batafsil maʼlumot olish mumkin.

Hujjat topshirish

Dasturda ishtirok etish uchun quyidagi hujjatlarni havola etish lozim:

Ariza shakli;
Universitetga ariza. Universitetga yoziladigan ariza shakli namunasi bilan ushbu havola orqali tanishish mumkin;
Maʼlumot shakli. Maʼlumot shakli namunasini ushbu havola orqali topish mumkin.

Dastur saralash bosqichida quyidagilar inobatga olinadi:

Akademik koʻrsatkichlar (bakalavr bosqichi nomzodlarining maktabdagi koʻrsatkichlari magistratura bosqichi nomzodlarining esa bakalavr bosqichi koʻrsatkichlari inobatga olinadi);
Masʼul shaxs tomonidan ingliz yoki polyak tilida taqdim etilgan tavsiyanoma mazmuni;
Nomzodning ilmiy, sport yoki boshqa maʼlum bir sohalardagi yutuqlari.

Eslatma! Dasturga topshirilgan hujjatlar ingliz yoki polyak tiliga tarjima qilingan boʻlishi kerak. Ariza shakli ham ushbu tillardan birida toʻldirilishi lozim. Yozgi semestrda oʻqishni boshlash uchun 31-martgacha va qishki semestrda oʻqishni boshlash uchun esa 31-oktyabrgacha ariza topshirish kerak boʻladi.

Rasmiy havola Hujjat topshirish