President AI award — Sun’iy intellekt bo’yicha Oʻzbekiston Respublikasi Prezidentining startaplar tanlovi

President AI Award — Oʻzbekistonda sunʼiy intellekt texnologiyalariga yoʻnaltirilgan, davlat, sogʻliqni saqlash, taʼlim, sanoat va yashil iqtisodiyotdagi real muammolarni hal qiluvchi innovatsion startaplar uchun tashkil etilgan milliy tanlov va akseleratsiya dasturidir. Dasturning umumiy mukofot jamg’armasi — 1 mln AQSh dollarini tashkil qiladi.

Dasturning asosiy maqsadi mamlakatimizda AI innovatsiyalarini, yoshlar ishtirokini hamda mahalliy IT va venchur ekotizimini rivojlantirishdan iborat. Ishtirokchilar oʻzlarining prototiplarini investitsiyaga tayyor startaplarga aylantirish uchun intensiv bosqichlarda qatnashadilar.

Akseleratsiya dasturi doirasida startap loyihalarni rivojlantirish uchun quyidagi imkoniyatlar yaratiladi:

• 1:1 mentorlik: Tajribali asoschilar va soha ekspertlari bilan individual ishlash imkoniyati;

• Startap akseleratsiyasi: Mahsulot, GTM (go-to-market) va oʻsish koʻrsatkichlarini (traction) yaxshilash uchun intensiv sprintlar;

• Ekspert konsultatsiyalari: Talab boʻyicha yuridik, moliyaviy va texnik maslahatlar berilishi;

• Investorlar tarmogʻi: Venchur fondlari va biznes-farishtalar (angel investors) bilan toʻgʻridan-toʻgʻri muloqot oʻrnatish;

• Maxsus treninglar: Pitching, fundraising va biznesni kengaytirish (scaling) boʻyicha amaliy workshoplar.

• Dasturda faqat Oʻzbekiston fuqarolari va doimiy rezidentlari ishtirok eta oladilar;

• Arizalar kamida 3 kishidan va koʻpi bilan 8 kishidan iborat multidissiplinar jamoalardan qabul qilinadi;

• Loyiha haqiqatda sunʼiy intellekt (AI) texnologiyalari asosida qurilgan boʻlishi lozim;

• Ariza topshirish vaqtida startapning ishlaydigan MVP yoki prototipi mavjud boʻlishi shart;

• Loyiha belgilangan beshta ustuvor yoʻnalishdan (davlat boshqaruvi, sanoat va tadbirkorlik, sogʻliqni saqlash, taʼlim, yashil iqtisodiyot va agrotexnologiyalar) biriga mos kelishi kerak.

• Tanlovda ishtirok etish va akseleratsiya dasturidan oʻtish butunlay bepul;

• Eng yaxshi natija koʻrsatgan 15 ta gʻolib jamoa uchun umumiy investitsiya fondi ajratiladi;

• 1-oʻrin sohibi uchun $100,000 miqdorida investitsiya mablagʻi beriladi;

• 2-oʻrin sohibi uchun $60,000 miqdorida investitsiya ajratiladi;

• 3-oʻrin sohibi uchun $40,000 miqdorida investitsiya taqdim etiladi;

• Investitsiyalar IT Park Ventures orqali KPI asosidagi transhlar boʻyicha taqsimlanadi va venchur ekotizimiga kirish imkoni kafolatlanadi.

Dasturda ishtirok etish uchun hujjat topshirish quyidagi bosqichlardan iborat:

1. Tashkilotchilarning rasmiy ariza topshirish qismiga oʻting;

2. Jamoangiz tarkibi va har bir aʼzoning roli haqidagi maʼlumotlarni toʻldiring;

3. Startap loyihangiz, uning AI texnologiyalaridan qanday foydalanishi va hal qilayotgan muammosi toʻgʻrisida batafsil yozing;

4. Mavjud MVP yoki prototipingizga doir texnik maʼlumotlar hamda taqdimot faylini yuklang va arizani yuboring.

Eslatma: Arizalarni koʻrib chiqish va jamoalarni saralash jarayonida hech qanday ariza toʻlovi talab etilmaydi.

Tanlovning 5 ta ustuvor yoʻnalishi (Tracks):

• Davlat boshqaruvidagi SI: Aqlli davlat xizmatlari, raqamli boshqaruv, soliq, bojxona va maʼmuriyatchilik tizimlari;

• Sanoat va tadbirkorlikdagi SI: Ishlab chiqarishni optimallashtirish, energetika, bank ishi va korxonalarni avtomatlashtirish loyihalari;

• Sogʻliqni saqlash va tibbiyotdagi SI: Diagnostika, bemorlarni parvarish qilish, tibbiy tasvirlash va klinik qarorlarni qoʻllab-quvvatlash tizimlari;

• Taʼlim sohasidagi SI: Moslashuvchan taʼlim, kontent yaratish, baholash va talabalar analitikasi platformalari;

• Yashil iqtisodiyot va agrotexnologiyalardagi SI: Iqlim, suv resurslari, qishloq xoʻjaligi, barqaror rivojlanish va resurslar samaradorligi texnologiyalari.