President Tech Award 2026 — IT bo’yicha Oʻzbekiston Respublikasi Prezidentining startaplar uchun $5 000 000 mukofot jamgʻarmali tanlov

President Tech Award — Oʻzbekistondagi startap loyihalarni qoʻllab-quvvatlash va ularning mahsulot-bozor mosligiga (Product-Market Fit) erishishini tezlashtirishga qaratilgan eng yirik milliy tanlovdir. Dastur doirasida boshlangʻich gʻoyadan tortib oʻsish bosqichidagi startaplar uchun yoʻriqnomalar, yetakchi ekspertlar mentorligi va katta hajmdagi moliyaviy resurslar taqdim etiladi.

Tanlov uchta asosiy yoʻnalishdan iborat boʻlib, startapning rivojlanish darajasiga qarab mos treklarni taklif qiladi:

• Inkubatsiya dasturi (Idea, MVP): Boshlangʻich bosqichdagi startaplar uchun moʻljallangan 3 oylik onlayn dastur boʻlib, gʻoyani ishchi mahsulotga aylantirishga yordam beradi;

• Akseleratsiya dasturi (Pre-seed, Seed): Mahsuloti bozorga moslashgan va sotuvga ega startaplar uchun oʻsish va kengayish dasturi;

• Eng yaxshi startap loyiha (Seed, Series A): Bozorda oʻz oʻrniga ega, strategik sarmoya jalb qilishga tayyor loyihalar oʻrtasidagi tanlov.

Dasturga ariza topshirishning oxirgi qabuli quyidagicha:

• Inkubatsiya dasturi: 10-avgust, 2026

• Akseleratsiya dasturi: 10-avgust, 2026

• Best Startup Project: 31-avgust, 2026

Dasturda ishtirok etish uchun umumiy va treklar boʻyicha talablar:

• Inkubatsiya treki uchun: Gʻoya, MVP yoki ishlaydigan prototip bosqichidagi startaplar qabul qilinadi;

• Jamoa tarkibi kamida 3-5 nafar a’zodan iborat boʻlishi lozim;

• Akseleratsiya treki uchun: Product-Market Fit bosqichidagi va kamida 3 oylik sotuvga (traksiyaga) ega startaplar qabul qilinadi;

• Akseleratsiya dasturi davomida asoschilardan kamida biri sentyabrdan dekabrgacha oflayn formatda ishtirok etishga tayyor boʻlishi shart;

• Eng yaxshi startap loyihasi uchun: Seed yoki Series A bosqichidagi, aniq foydalanuvchilar, sotuvlar hamda daromad yoki imzolangan shartnomalarga ega loyihalar qabul qilinadi;

• Gʻolib boʻlgan taqdirda Oʻzbekistonda yuridik shaxs sifatida roʻyxatdan oʻtish va IT Park yoki IT Park Ventures bilan shartnoma imzolash majburiy hisoblanadi.

Tanlov gʻoliblari va ishtirokchilari quyidagi imtiyozlarga ega boʻladilar:

• Inkubatsiya treki gʻoliblari uchun: 25 ta gʻolib jamoaning har biriga $40 000 grant taqdim etiladi;

• Akseleratsiya treki gʻoliblari uchun: 15 ta gʻolib jamoa har biriga $100 000 investitsiya ajratiladi;

• Eng yaxshi startap loyihasi gʻoliblari har biri uchun: 40,000 miqdorida mablagʻ taqdim etiladi;

• IT Park Oʻzbekiston tomonidan professional media va PR yordami hamda ijtimoiy tarmoqlarda loyiha targʻiboti;

• Xalqaro va mahalliy yetakchi mentorlar, muvaffaqiyatli asoschilar va trekerlardan shaxsiy yoʻriqnomalar va professional fikr-mulohazalar;

• Bozorga kirish, maqsadli auditoriyani sinash, B2B hamkorlik va yangi bozorlarni egallash strategiyalari boʻyicha amaliy yordam.

Dasturda ishtirok etish quyidagi bosqichlardan iborat:

1. Rasmiy portalga oʻtiladi va mos keladigan trek (Inkubatsiya, Akseleratsiya yoki Eng yaxshi startap loyihasi) tanlanadi;

2. Ariza shakli startap loyiha, jamoa a’zolari, biznes koʻrsatkichlari (traksiya) va qoʻllab-quvvatlovchi materiallar bilan toʻliq toʻldiriladi;

3. Arizalar tashkilotchilar tomonidan koʻrib chiqiladi va saralangan jamoalar bilan keyingi qadamlar (onlayn baholash, bootcamp va final bosqichlari) uchun aloqaga chiqiladi.

Muhim: Eng yaxshi startap loyihasi yoʻnalishi boʻyicha arizalar 10 ta maxsus kategoriya (FinTech, AI, Enterprise, Gamedev, Edtech, HealthTech, GovTech, DeepTech, Logistika va mobillik, Kreativ industriya va Adtech) boʻyicha qabul qilinadi va har bir kategoriyadan eng yaxshi 5 ta jamoa finalga yoʻl oladi.

Tanlov yoʻnalishlari va kategoriyalari:

Eng yaxshi startap loyihasi yoʻnalishida arizalar quyidagi sohalar boʻyicha qabul qilinadi:

• FinTech va AI (Sunʻiy intellekt)

• Enterprise va DeepTech

• Gamedev va EdTech

• HealthTech va GovTech

• Logistika va mobillik

• Kreativ industriya va Adtech