Prezident sovrini uchun talabalar oʻrtasida oʻtkaziladigan intellektual olimpiada

Intellektual olimpiada Oʻzbekiston Respublikasi Vazirlar Mahkamasining 2022 yil 7-iyundagi “Yoshlar muammolarini oʻrganish va hal etish tizimini yanada takomillashtirish chora-tadbirlari toʻgʻrisida”gi 312-sonli qarori bilan tasdiqlangan Oliy taʼlim muassasalari talabalari oʻrtasida intellektual olimpiadaga tayyorgarlik koʻrish va uni oʻtkazish boʻyicha tashkiliy qoʻmita tomonidan muvofiqlashtirib boriladi.

Intellektual olimpiadaga taʼlim yoʻnalishidan qatʼi nazar, respublikadagi barcha OTM (davlat, nodavlat OTMlar, ularning filiallari, xorijiy OTMlar va ularning filiallarida bakalavriat va magistratura bosqichida taʼlim olayotgan) talabalari jalb etiladi.

Olimpiada ishtirokchilari 6 turdagi oʻyinda bellashishadi.Olimpiadada har bir OTMdan 12 nafar ishtirokchi (7 nafari — “Zakovat”, breyn-ring, shaxsiy oʻyin, erudit-kvartet uchun; 2 nafari (1 qiz, 1 oʻgʻil) shaxmat uchun; 2 nafari (1 qiz, 1 oʻgʻil) shashka uchun; 1 nafar OTM murabbiyi) qatnashadi.

1-dekabrga qadar har bir OTM belgilangan tartibda tashkilotchilarga ariza yoʻllashi lozim boʻladi.Olimpiada joriy yil dekabr oyi boshida Toshkent shahrida boʻlib oʻtadi.

Dastur haqida batafsil ushbu havola orqali maʼlumot olish mumkin.

Dasturda ishtirok etish uchun quyidagi talablar mavjud:

• Intellektual olimpiadaga taʼlim yoʻnalishi, sohasi, mutaxassisligidan qatʼi nazar, respublikadagi barcha oliy taʼlim tashkilotlari talabalari jalb etiladi. Intellektual olimpiadada Oʻzbekiston Respublikasida faoliyat koʻrsatayotgan davlat, nodavlat oliy taʼlim tashkilotlari, ularning filiallari, Oʻzbekiston Respublikasi hududidagi xorijiy oliy taʼlim tashkilotlari va xorijiy oliy taʼlim tashkilotlarining filiallarida bakalavriat va magistratura bosqichida taʼlim olayotgan talabalar oʻrtasida oʻtkaziladi;
• Olimpiadada ishtirok etuvchi talabalar oliy taʼlim muassasalari tomonidan ichki musobaqalar oʻtkazish orqali tanlab olinadi;
• Ishtirokchilar roʻyxati Tashkiliy guruhga oliy taʼlim muassasalari tomonidan taqdim etiladi;
• Har bir oliy taʼlim muassasasidan intellektual olimpiadada 11 nafar talaba (“Zakovat” oʻyinlari (“Zakovat”, “Breyn-ring”, “Erudit kvartet”, “Shaxsiy oʻyin”) uchun 7 nafar, shaxmat uchun 2 nafar, shashka uchun 2 nafar) va 1 nafar ishtirokchilar xavfsizligini taʼminlash maqsadida ularga doimiy hamrohlik qiluvchi oliy taʼlim muassasasining masʼul xodim — jami 12 nafar odam ishtirok etadi. Talabalar orasidan bir nafar sardor saylanadi.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Intellektual olimpiadada ishtirok etgan barcha ishtirokchilarga maxsus sertifikatlar topshiriladi;
• Turnirlarda birinchi, ikkinchi va uchinchi oʻrinni qoʻlga kiritgan ishtirokchilar va jamoalar qimmatbaho va esdalik sovgʻalari, diplom bilan taqdirlanadi;
• Turnirlarda 1-oʻrinni olgan jamoalarga maxsus kubok topshiriladi;
• Umumiy jamoa reytingida birinchi, ikkinchi va uchinchi oʻrinni qoʻlga kiritgan oliy taʼlim muassasalari jamoalariga Prezident sovgʻasi topshiriladi;
• Tashkiliy guruh qaroriga binoan umumiy jamoaviy reytingda birinchi va ikkinchi oʻrinni olgan oliy taʼlim muassasalarining “Breyn-ring” turnirida ishtirok etgan jamoalari orasida koʻrgazmaviy “Breyn-ring” oʻyini oʻtkazilishi mumkin.

Dasturning foydali jihatlari haqida ushbu havola orqali batafsil maʼlumot olish mumkin.

Dasturda ishtirok etish jarayoni quyidagicha:

• Intellektual olimpiadada oliy taʼlim muassasalari talabalardan iborat terma jamoalar har yili bir marotaba respublika miqyosida oʻzaro bellashishadi;
• Intellektual olimpiadaning oʻtkazilish va unda ishtirok etish uchun arizalarni berish muddatlari Tashkiliy qoʻmita tomonidan belgilanadi;
• Olimpiada ishtirokchilari quyidagi 6 turdagi oʻyinda bellashadi:

-“Zakovat” oʻyinining sportcha versiyasi;
-Breyn-ring;
-Shaxsiy oʻyin;
-Erudit-kvartet;
-Shaxmat;
-Shashka;

• Intellektual olimpiada doirasida har bir oliy taʼlim muassasasidan: “Breyn-ring” turnirida 6 nafar; “Zakovat” turnirida 6 nafar; “Erudit kvartet” turnirida 4 nafar; “Shaxsiy oʻyin” turnirida 1 nafar; “Shaxmat” turnirida 2 nafar (1 oʻgʻil, 1 qiz); “Shashka” turnirida 2 nafar (1 oʻgʻil, 1 qiz) ishtirokchi ishtirok etadi;
• “Shaxmat” va “Shashka” turnirlari boshqa intellektual oʻyinlar turnirlari bilan parallel ravishda oʻtkazilishi sababli, “Shaxmat” va 2 “Shashka” turnirlarida ishtirok etuvchi talabalar boshqa intellektual oʻyinlar turnirlarida qatnashishiga yoʻl qoʻyilmaydi;
• Intellektual olimpiadada har bir OTMdan maʼlum bir vazifalarni bajaruvchi 1 nafar murabbiy qatnashadi;

Eslatma! Dasturga ariza topshirish jarayoni 1-dekabrga qadar davom etadi. Olimpiadada ishtirok etish uchun ariza Tashkiliy guruh nomiga oliy taʼlim muassasasi rektori tomonidan imzolagan va muhr bilan tasdiqlangan holda elektron shaklda (PDF formatida) yuborilishi lozim. Arizada oliy taʼlim muassasasidan intellektual olimpiadada ishtirok etuvchi talabalarning F.I.O., JShShIR, qaysi bosqichda taʼlim olayotgani toʻgʻrisidagi maʼlumotlar koʻrsatilishi va ushbu talabalarni oliy taʼlim muassasasiga oʻqishga qabul qilish toʻgʻrisidagi buyruqdan koʻchirma ilova qilinishi lozim.

Dasturga roʻyxatdan oʻtish jarayoni haqida ushbu havola orqali toʻliq maʼlumot olish mumkin.

Olimpiada nizomi bilan ushbu havola orqali tanishib chiqish mumkin.

Dastur bo'yicha qo'shimcha ma'lumotlarni quyidagi ijtimoiy tarmoqlar orqali ham topish mumkin:

- telegram;

-facebook;

-instagram;

-you tube;

-Tik Tok;