Qarshidagi “Amerika burchagi”dan maktab oʻquvchilari va talabalar uchun volontyorlik dasturi

Qarshidagi “Amerika burchagi” 2023-yil uchun moʻljallagan volontyorlik dasturini eʼlon qiladi.

P2P — Pear to pear dasturi volontyorlik dasturi boʻlib, uning asosiy maqsadi Qarshi shahridagi “Amerika burchagi”ni targʻib qilishda, ingliz tilini oʻrgatishda boshqalarga yordam berish.

Dastur qatnashchilari ikki hafta mobaynida yetakchilik boʻyicha maxsus treningdan oʻtadilar. Aholi oʻrtasida ingliz tilini oʻrgatishda va professional koʻnikmalarni shakllantirishda faol qatnashadilar, Amerika elchixonasining vakili sifatida harakat qiladilar. Shuningdek, boshqaruv bilan bogʻliq (administrativ) ishlarni tashkil etishda yordam berishadi.

Dastur haqida maʼlumotlarni bu yerda oʻqish mumkin.

• Qarshi shahrida istiqomat qiluvchi 14-20 yosh orasidagi yuqori sinf oʻquvchilari yoki talabalar ariza berishi mumkin.

• Yetakchilik boʻyicha maxsus treningdan oʻtish, administrativ ishlarni tashkil etishda amaliy yordam berish va tajriba toʻplash;
• Ingliz tilini oʻqitishda va professional koʻnikmalarni shakllantirishda atrofdagilarga yordam berish;
• Amerika Elchixonasi vakili sifatida turli ijtimoiy tadbirlarda qatnashish.

Arizani ushbu havola orqali topshirish mumkin.

Intervyu sanasi roʻyxatdan oʻtgan arizachilarga alohida email sifatida yuboriladi.