Qatarning Doha institutida magistratura bosqichida bepul taʼlim olish imkoniyatini beruvchi Tamim scholarship dasturi

Talabalarni Doha institutida oʻqishga ruhlantirish va moliyaviy jihatdan yordam berish maqsadida oliygoh tomonidan Tamim scholarship dasturi tashkil etilgan. Dasturda har tomonlama bilimli va yuqori akademik koʻrsatkichga ega boʻlgan talabalar ariza topshirishlari mumkin.

Dasturga qabul qilingan nomzodlar oʻquv yili davomida magistratura bosqichida bepul taʼlim olish bilan birga, turar joy, oylik stipendiya, tibbiy sugʻurtaga ega boʻladi. Qolaversa, safar xarajatlari dastur tomonidan qoplanadi.

Dasturda ishtirok etish uchun nomzodlar quyidagi talablarga javob berishi lozim:

• Nomzodlar oʻzlari tanlagan sohada kunduzgi bakalavr bosqichini tugallagan va tugallaganiga 5 yildan oshmagan boʻlishi kerak;
• Hozirda bakalavrning soʻnggi bosqichida oʻqiyotgan talabalar shu yilning 1-avgustiga qadar oʻqishni yakunlasa, dasturga ariza topshirishi mumkin;
• Taʼlim va tadqiqot ishlari uchun arab va ingliz tillarini mukammal bilishi kerak;
• Yuqori akademik koʻrsatkichga ega boʻlishi zarur;
• Baʼzi yoʻnalishlar kamida 5 yillik ish tajribasi soʻrashi mumkin;
• Avvalgi yillarda dasturda qatnashganlar boshqa ariza topshira olmaydilar.

Eslatma! Arab tili oʻz ona tilisi boʻlmagan talabalar ogʻzaki va yozma arab tili imtihoni topshirishlari kerak boʻladi.

Talablar haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imkoniyatlarga ega boʻladi:

• Oʻqish kontrakt toʻlovidan ozod etiladi;
• Bepul yotoqxona va oylik stipendiya bilan taʼminlanadi;
• Tibbiy sugʻurta va borish-kelish uchun aviachiptaga ega boʻladi.

Dasturning manfaatli tomonlari haqida batafsil ushbu havola orqali maʼlumot olish mumkin.

Dasturda qatnashish uchun nomzodlar Doha institutiga onlayn ariza topshirishlari va kerakli hujjatlarni taqdim etishlari kerak.

Kerakli hujjatlar:

1. ID/Shaxsni tasdiqlovchi hujjat nusxasi;
2. CV/Rezyume;
3. Bakalavr diplomi va baholari. Hozirda bakalavrni tamomlamagan talabalar uchun esa barcha semestr baholari;
4. Til bilish darajasini tasdiqlovchi hujjat: IELTS, TOEFL yoki DELF B2;
5. Shaxsiy bayonot (Yoʻriqnoma);
6. Kamida 2 ta tavsiyanoma;
7. School of Social Sciences and Humanities yoʻnalishidagilar uchun akademik insho (Yoʻriqnoma).

Hujjat topshirish jarayonlari haqida batafsil ushbu havola orqali maʼlumot olish mumkin.

Dasturga qabul qilinish uchun nomzodlar 3ta saralash bosqichidan oʻtishi kerak:

• Baholar boʻyicha saralash. Bunda nomzodlarning baholar quyidagi talablarga javob berishi kerak;
• Akademik jihatdan saralash. Bu bosqichda arizada topshirilgan barcha akademik hujjatlar, jumladan, CV, shaxsiy bayonot, akademik insho va til bilish sertifikatlariga koʻra baholanadilar;
• Intervyu. 2-bosqichdan muvaffaqiyatli oʻtgan nomzodlar onlayn intervyu topshiradilar.

Saralash jarayoni haqida batafsil ushbu havola orqali tanishish mumkin.

Saralash mezonlari haqida batafsil ushbu havola orqali bilib olish mumkin.

Qoʻshimcha savol va murojaatlar uchun: registration@dohainstitute.edu.qa

Koʻp beriladigan savollar va uning javoblari haqida ushbu havola orqali maʼlumot olish mumkin.