Qirgʻizistonda boʻladigan Markaziy Osiyoda moslashish va transformatsiyalar mavzusidagi xarajatlari toʻliq qoplanuvchi konferensiya

Bishkekdagi OSCE akademiyasi va Friedrich Ebert jamgʻarmasi Markaziy Osiyodagi moslashish va transformatsiyalar mavzusiga bagʻishlangan 4-sohalararo konferensiyani eʼlon qiladi. Konferensiya 2022-yilning 24-25-sentyabr kunlari Bishkekdagi OSCE Akademiyasida boʻlib oʻtadi. Ushbu konferensiya global va mahalliy muammolar davrida fuqarolarning siyosiy va iqtisodiy rejim o'zgarishlariga moslashish jarayonlarini tahlil qilish uchun mo'ljallagan. Konferensiyada so'zga chiqqanlar va ishtirokchilar Markaziy Osiyoda oxirgi 10 yillik muddatdagi  fuqarolik jamiyati, siyosatchilar va biznes sohalarining mana shu davrdagi o'zgarishlarga moslashishlari jarayoniga oid misollar keltirishadi.

Dastur uchun 200 soʻzdan koʻp boʻlmagan tadqiqot annotatsiyalari belgilangan elektron manzilga joʻnatilishi kerak. Ishtirok etish uchun arizalar 15-iyulgacha qabul qilinadi. Konferensiya uchun tanlab olingan ishtirokchilarining yoʻl xarajatlari qoplanadi hamda bepul turar joy bilan taʼminlanadi.

Konferensiya mavzusi va maqsadi haqida ushbu havola orqali batafsil maʼlumot olish mumkin.

Konferensiyada ishtirok etish uchun talablar quyidagicha:

• Dasturda barcha sohadagi olimlar, tadqiqotchilar va siyosatning istalgan yoʻnalishlarida faoliyat olib borayotgan amaliyotchi mutaxassislar oʻz tadqiqot ishlari annotatsiyasi bilan qatnasha oladilar;
• Konferensiya faqatgina ingliz tilida boʻlib oʻtadi. Shuning uchun ham nomzodlar konferensiyada taqdimot qila oladigan va uni tushunadigan darajada ingliz tilini bilishlari kerak boʻladi;
• Ishtirokchilar taqdimotining annotatsiyasi 200 soʻzdan koʻp boʻlmasligi kerak;
• Annotatsiyalar konferensiya mavzusida, yaʼni Markaziy Osiyodagi moslashish va transformatsiya boʻyicha vaziyat hamda tadqiqotlar mavzusida boʻlishi lozim.

Konferensiyada ishtirok etish uchun qoʻyilgan talablar bilan ushbu havola orqali batafsil tanishib chiqish mumkin.

Konferensiya ishtirokchilariga quyidagi imkoniyatlar beriladi:

• Dasturga qabul qilinganlar Qirgʻizistonning Bishkek shahrida boʻlib oʻtadigan konferensiyada oʻzlarining tadqiqotlarini namoyish qilishadi;
• Ishtirokchilarning yoʻl xarajatlari qoplanadi;
• Konferensiya ishtirokchilari bepul turar-joy bilan taʼminlanadi.

Konferensiyaning manfaatli jihatlari haqida ushbu havola orqali batafsil bilib olish mumkin.

Konferensiyada ishtirok etish uchun annotatsiyalarni professor Anja Mihrning elektron manzili a.mihr@osce-academy.netga joʻnatish kerak. Shundan soʻng annotatsiyalar saralab olinib konferensiya uchun eʼlon qilinadi.

Konferensiya uchun hujjat topshirish jarayoni haqida ushbu havola orqali batafsil maʼlumot olish mumkin.

Konferensiya haqida quyidagi ijtimoiy tarmoqlar orqali ham ma'lumot olish mumkin:

-facebook;

-twitter;

-linkedin;

-instagram;

-vkontakte;

Ma'lumot uchun:
Manzil: Kyrgyzstan, Bishkek, 1A Botanichesky pereulok

Tel.: +996 (312) 54-32-00, 54-12-00

Fax: +996 (312) 54-23-13