Qirgʻizistonning Bishkek shahrida xarajatlari toʻliq qoplanadigan bir haftalik yozgi maktab - The Border Lab Summer School 2025

Eur-Asian Border Lab va Markaziy Osiyo Amerika universiteti hamkorlikda 2025-yilning 2-6-iyun kunlari Qirgʻizistonning Bishkek shahrida boʻlib oʻtadigan The Border Lab Summer School 2025 dasturini eʼlon qiladi. Dastur seminarlar, maʼlum hududlarga tashriflar, maʼruzalar, tahliliy guruhlar va kichik doiradagi uchrashuvlarni oʻz ichiga oladi. Dastur Markaziy Osiyo chegaralarida faoliyat yuritgan mutaxassislar tomonidan olib boriladi va unda chegara bilan bogʻliq soʻnggi tadqiqot va metodologiyalar tahlil qilinadi. Ishtirokchilarning yoʻl, turar-joy va oziq-ovqat xarajatlari toʻliq dastur maʼmuriyati tomonidan qoplanadi.

Dasturga qabul jarayoni 2025-yil 5-yanvargacha davom etadi.

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• Ijtimoiy-gumanitar yoki shunga yaqin sohalarda faoliyat yuritayotgan yoki chegara bilan bogʻliq mavzularda tadqiqot olib borayotgan PhD, doktorantlar va boshqa tadqiqotchilar qatnashishlari mumkin.
• Magistratura bosqichi talabalari va bitiruvchi kurs talabalari ham ariza topshirishlari va dasturda ishtirok etishlari mumkin;
• Saralash jarayonida faol boʻlmagan hududlar, kichik ijtimoiy guruhlar va nomzodlarning kelib chiqishidagi xilma-xillik faktorlari inobatga olinadi.

Dastur talablari haqida ushbu havola haqida batafsil maʼlumot olish mumkin.

Dasturning quyidagi foydali jihatlari mavjud:

• 500 yevrogacha boʻlgan yoʻl xarajatlari dastur maʼmuriyati tomonidan qoplanadi;
• Ishtirokchilar 6 kunlik mehmonxona, bepul nonushta va tushlik bilan taʼminlanadi;
• Turli olimlar va mutaxassislarning chegara nazariyasi va konseptiga oid bilimlari va fikr-mulohazalari bilan tanishish, dunyoning turli qismlaridan kelgan qatnashchilar bilan fikr almashish imkoni boʻladi.

Eslatma! Yuqorida taʼkidlangandan tashqari xarajatlar qoplab berilmaydi. Shuningdek, viza va tibbiy sugʻurta ishlarida ham dastur maʼmuriyati yordam bermaydi.

Nomzodlar 2025-yil 5-yanvar Oʻzbekiston vaqti bilan soat 21:00 gacha ushbu havola orqali ariza topshirishlari zarur. Ariza topshirish jarayonida quyidagilar talab qilinadi:

• CV;
• Motivatsion xat -1000 soʻzdan oshmasligi va unda dasturda qatnashishdan maqsad, dastur davomida yoritish reja qilingan mavzu va chegara bilimlariga boʻlgan qiziqishlar yozilgan boʻlishi zarur;
• Nomzod ishining qisqa namunasi (3000 soʻzdan oshmasligi kerak).

Eslatma! Saralash natijalari 2025-yil 20-yanvargacha eʼlon qilinadi.

Maʼlumot uchun:

E-mail: info@borderlab.eu;

Loyiha yetakchisi: dean@tlu.ee;

Loyiha mutaxassisi: blessing@tlu.ee.

Dastur haqida quyidagi ijtimoiy tarmoqlar orqali ham qoʻshimcha maʼlumot olish mumkin:

-Facebook;

-Twitter;

-LinkedIn;

-Instagram;

-You tube.